Posts : 443 Points : 479 Reputation : 3 Join date : 2010-03-15 Location : In Your Heart!
Subject: Nco Kuv Niam Ua Luaj Fri Aug 20, 2010 10:24 am
First topic message reminder :
Ua cas yuav nco kuv niam ua luaj, Lub siab quaj lub kua muag poob, Xav tsis thoob yog vim licas, Muab xav mas leej niam zoo tshaj, Pw saum txaj los muaj niam puag, Muaj suab luag twb vim niam xwb, Tsis mob hlwb vim muaj niam pab, Me mos ab yog niam txoj sia, Hlub tiag tiag yeej tsis cem li, Hlub hnia ntshis yeej tsis paub dhuav, Tsis tsw quav tsw zis tsw qaub, Niam thiaj paub niam me ab zoo, Lub hauv ncoo yog niam txhais npab, Niam me ab thiaj pw tsaug zog, Tsheej tag hmo pw tsim dhuj dheev, Txiv tsis seev vim twb muaj niam lawm, Lub hnub tawm niam sawv ua ntej, Mus nqa dej los ua tshais noj, Ib pliag zoj twb tag ib xyoos, Ua neej zoo tsis nco txhawj li, Ib pliag ntsis lub neej twb laus, Twb caum tau tej laus lawm, Cas lub sijhawm yuav nrawm ua luaj li, Ib pliag ntshis twb yuav tag ib txhis...,
Thaum kuv tseem ua nkauj Nyob yam tsis luaj twg Kuv mus ib hnub los Kuv niam qhia kuv ua hmo ua tshai tos Noj tshai noj hmo tag Kuv niam qhia kuv tu vaj tu tsev Kom du lug cia mam mus ua si saib TV Muaj qee zaum kuv kuj ntxub kuv niam Vim kuv xav tias cas kuv niam yuav tsis muab freedowm rau kuv li Kuv xav tias yuav yog thaum twg kuv thiaj tau so Ib hnub dhau ib hnub kuv haj yam khwv zuj zus Vim kuv loj zuj zus Kuv niam qhia kuv ua num tau zuj zus
Txij li kuv tau ncaim kuv niam mus ua nyab Kuv twb xav tias zaum no tau kuv leej nkauj lawm ces yuav tau puag tes puag taw so Txoj kev xav tsis nrog kev xav Mus ua nyab tag kuv haj yam sab Haj yam khwv tshaj tham nrog kuv niam nyob Kuv mam rov nco txog kuv niam lub siab zoo Kuv mam rov nco txog kuv niam lub suab lus Kuv lub kua muag ntws nto hauv nruab plawv Qhia tsis tau leej twg vim ntawv yog txoj kev ua neej yuav lawv Kuv thiaj yuav nco ntsoov kuv niam tus zoo neeg Kuv yuav khaw kuv niam lub siab zoo tus zoo lus mus tag ib sim Tias mus ua nyab tsis yooj yim Kuv tseem nco ntsoov kuv niam cov lus qhia cov lus muaj txiaj tsim mus ib sim Vim muaj kuv niam qhia kuv mus ua neej thiaj tsim txiaj Vim muaj kuv niam qhua kuv mus ua neej thiaj tsis raug tias yus luab luab Ces kuv yuav nco ntsoov kuv niam tus zoo lus tus zoo suab
Lubpajzoo Professional Level V
Posts : 443 Points : 479 Reputation : 3 Join date : 2010-03-15 Location : In Your Heart!
Muaj ib hmos kuv ua npau suav pom kuv niam es kuv quaj quaj thov tias kom kuv niam pab kuv no nas, es kuv cia li tsim los kuv tseem quaj quaj es kuv tus me hlub tsa kuv sawv lawm xwb, ua li ntawd yog tim dabtsi nas, es koj puas paub os?
Kuv xav tias yuav tsis tim dab tsi li os. Tej zaum koj nco nco koj niam es koj npau suav pom nws ces koj quaj quaj rau nws xwb. Tej zaum tsis ntev tom ntej no koj cov menyuam yuav loj tuaj es muaj tej lub sijhawm koj muaj kev nyuaj siab koj xav nug nws los cas nws tsis nyob ze koj lawm ces ntse koj thiaj nug li ntawv xwb. Ua siab loj thiab nyav yuav tsis muaj dab tsi os.
Ntawm kuv ma, kuv muaj ib zag npau suav mus nrhiav kuv niam puag saum qaum ntuj. Tab sis kuv mus nrhiav tsis tau. Qhov kuv nrhiav tsis tau vim kuv tsis paub nws lub npe hluas nkauj. Nws tuag puag thaum kuv tseem me me lawm. Thaum kuv nrhiav tsis tau nws ntawv ma kuv yeej tsis xav tsim hauv kuv tus npau suav li...tab sis cas cia li tsim los lawm ma chim kuv siab tshaj. Hmo twg mus pw ma kuv xav kom rov ua npau suav mus nrhiav kuv niam dua. Tab sis kuv cia li tsis ua npau suav los laus li no. Thaum kuv ua zaj npau suav ntawv kuv nim qhuav muaj li 6 los yog 7 xyoo xwb. Yog yuav piav kom tas zaj npau suav ma yuav ntev tsawv ces cia kuv piav me me li no rau koj xwb.
Yog yus ib leeg niam lawm ces yus yuav nco nco txog hnub tsis muaj yus li os me vivncaus. Koj muaj hmoo koj niam twb tu tu koj lom laus txawj mus ua noj ua haus....txawj tu tub tu kiv koj niam mam tso koj tseg.....ho kuv ces...kuv niam tuag thaum kuv tseem me me...qhov kuv xav tau tshaj ntawv kuv niam ces yog xav pom seb nws zoo li cas nkauj xwb. Nws yog yus ib tug niam yug tau yus es yus tsis tau pom nws xyov nws zoo li cas. Qhov tu siab tshaj ces yog li ntawv xwb os.
Thov txim ua kuv tham tau zog lawm os. heehee
Butterflylover Professional Level Iv
Posts : 451 Points : 438 Reputation : 3 Join date : 2010-02-26 Age : 83 Location : USA
Subject: Re: Nco Kuv Niam Ua Luaj Wed Sep 08, 2010 1:46 am
Home 
Calendar
