Leej Txiv Zoo

First topic message reminder :

Leej txiv zoo nws tsis tsa hwjchim,
Lub tswvyim nws muaj xauv npo,
Tej ris tsho nws hnav du lug,
Hlub txhua tug tsis hais leejtwg,
Zoo phoojywg nws muaj ntau leej,
Zoo txiv neej nws muaj fwjchim,
Lub lajlim nws tsis pluag li,
Ua leej txiv rau lub cuab yig,
Hlub kwvtij tus hlob rau tus yau,
Yeej tsis npau thaum mag luag cem,
Yeej tsis lem thaum mag luag ntxias,
Plawv tsis dhia thaum mag luag haub,
Nws yeej paub thaum raug luag ntxub,
Lub siab hlub nws muaj xauv npo,
Lub neej no nws yeej pom txhij,
Zoo kwvtij hlub nws kawg siab,
Lub ntuj tshiab mov noj tsis tag,
Lub ntuj nag muaj tsev zoo nyob,
Siab tsis txob vim nws txoj hmoo,
Ua neej zoo vim nws lub siab,
Zoo tiag tiag yog ib leej txiv,
Yuav tsis piv tsis khav rau luag pom,
Lub meejmom nws tuav ruaj ruaj,
Tsis lam quaj rau leej twg pom,
Lus cov nyom nws txheem tag nrho,
Lub neej no nws yeej tsis txhawj,
Vim li ntawd nws thiaj nto moo,
Ua lub neej zoo uas yog ib leej txiv,

Nujqiam,

Nws mas txawj sau pajhuam kawg li sav, haahaha, zoo heev li lawm mas.

Zoosiab uas muaj nws tuaj txhawb sis Lubpajzoo thiab Ntsuj Plig nkawd lawm thiab.

Zaum no ces peb yuav lomzem dua qub lawm os.

Ua tsaug os mog.

Nyobzoo os, sis Nkauj Nyiag,

Cas nws yuav seev tau ntxim hlub ua luaj nas, sis?

Txhob xav li mas lod, cia li tuaj nrog sis Lubpajzoo, Ntsuj Plig, Nujqiam, Yeebtsim, thiab peb txhua tus sau mas mog.

Sis, yeej tsis muaj ib tug uas yuav paub tag txhua yam li os. Ib leeg paub ob peb los xwb los yog peb coj tuaj tso uake ces zoo li twb ntau ntau lawm xwb mas mog. Es ciali tuaj sau txog nws zaj rau peb mloog thiab os, sis.

yeebtsim wrote:

Ib leej niam/txiv zoo

Nws txawj:

1. compromise
2. honest
3. trust
4. mutual respect
5. Don't nag too much
6. Txawj sib kho
7. able to show love

Zoo li nov, txawm nws tag sim neej lawm los yus thiaj li tseem mus quaj tom toj ntxas tsis txawj tag. That is what true love means.

Yeebtsim,

Koj cov ntsiab lus no zoo heev li os. Kuv xav tias txhua leej txiv yeej xav kom coj tau zoo npaum li qhov koj hais no lossis tseem xav kom zoo tshaj no thiab no os, brother awj.

Ntsuj_Plig wrote:

hahaaaa...........Koj los ib yam thiab Lubpajzoo

Thov nug moo ntawm ib leej txiv
thaum nws chiv yeej nyuab hauj sim
maj mam tsim nrhiav leej niam zoo
tau ntau xyoo leej txiv muaj npe
yog niam ntse thiab los txhawb zog
leej txiv nrog luag khiav hauj lwm
thiaj li tshwm los ua tus thawj
leej niam txhawj tsam ho poob qab
niam thiaj pab los txhawb dag zog
thaum hmoov txog leej txiv tau nai
niam tuav cai tsis pub twg txeeb
nkawd lub neej thiaj mus ua ke
txiv los ntse niam yeej txawj hais
luag thiaj tais tso nkawd ua coj
tau tus loj ces li no xwb tiag....

Me Ntsuj Plig, koj mas tshajlij heev li os.
Ua tsaug qhov koj tseem xam pom tias tos tus txiv tau ua tus coj los twb yog muaj tus niam los pab txhawb zog thiaj li tau ua tus coj no mog. Ib txhia txiv ces thaum nws tau ua tus coj lawm, nws yeej tsis nco qab txog tus pojniam li lawm os.

Es kuv zoo siab tau hnov koj zaj thiab ua tsaug ntau koj coj tuaj tso rau peb paub thiab mog.