Leej Txiv Zoo

First topic message reminder :

Leej txiv zoo nws tsis tsa hwjchim,
Lub tswvyim nws muaj xauv npo,
Tej ris tsho nws hnav du lug,
Hlub txhua tug tsis hais leejtwg,
Zoo phoojywg nws muaj ntau leej,
Zoo txiv neej nws muaj fwjchim,
Lub lajlim nws tsis pluag li,
Ua leej txiv rau lub cuab yig,
Hlub kwvtij tus hlob rau tus yau,
Yeej tsis npau thaum mag luag cem,
Yeej tsis lem thaum mag luag ntxias,
Plawv tsis dhia thaum mag luag haub,
Nws yeej paub thaum raug luag ntxub,
Lub siab hlub nws muaj xauv npo,
Lub neej no nws yeej pom txhij,
Zoo kwvtij hlub nws kawg siab,
Lub ntuj tshiab mov noj tsis tag,
Lub ntuj nag muaj tsev zoo nyob,
Siab tsis txob vim nws txoj hmoo,
Ua neej zoo vim nws lub siab,
Zoo tiag tiag yog ib leej txiv,
Yuav tsis piv tsis khav rau luag pom,
Lub meejmom nws tuav ruaj ruaj,
Tsis lam quaj rau leej twg pom,
Lus cov nyom nws txheem tag nrho,
Lub neej no nws yeej tsis txhawj,
Vim li ntawd nws thiaj nto moo,
Ua lub neej zoo uas yog ib leej txiv,

Ib leej niam/txiv zoo

Nws txawj:

1. compromise
2. honest
3. trust
4. mutual respect
5. Don't nag too much
6. Txawj sib kho
7. able to show love

Zoo li nov, txawm nws tag sim neej lawm los yus thiaj li tseem mus quaj tom toj ntxas tsis txawj tag. That is what true love means.

Nyobzoo os me vivncaus, Lubpajzoo,

Cas nws yuav txawj sau txog leej txiv zoo ua luaj li os, sis.

Kavtsij sau es muaj sijhawm Npauj Npaim mam tuaj pab nws sau os mog.

Thov qhuas nws kawg li os.

Ntsuj Plig,

Uatsaug ntau os uas koj tuaj qhia txog leej txiv zoo rau peb paub thiab mog.
Kuv ces tsis paub sau txog leej txiv zaj li thiab lau, haahaha, ntshe mam tuaj nyeem nej cov xwb thiab os.