Ncaim Cev Tsis Ncaim Siab

First topic message reminder :

Ncaim Cev Tsis Ncaim Siab:

Zaj dabneeg no yog ib nkawm nkauj nraug sib sib hlub uas ob tog niam txiv tsis tau pub nkawd sib yuav ces thaum kawg tus ntxhais niam lawv tau muab nws coj tsiv tebchaws mus nyob rau lwm qhov chaw lawm tabsis nws lub cev lam ncaim nws tus hluas nraug mus xwb lub siab yeej tsis ncaim li.

Nkawd txoj kev hlub yim nyob deb yim ua rau nkawd sib hlub thiab sib nco xwb.

Cov phoojywg, thov caw nej txhua tus los peb sau zaj dabneeg no uake nawd.

Zaj dabneeg no yog yuav nthuav txog, "Npauj Npaim & Ntsuj Plig, Txoj Kev Hlub."

Npauj Npaim

Kuv nco tiag hos, kuv tseem nco tau thaum wb zaum pem luag teb koj chais dib pub kuv noj
hnub ntawd txawm yog yuav los nag xuj xuav los nyob hauv wb 2 lub siab tseem zoo tam ntua
li wb nyob hauv npau suav xwb mas ....Npauj Npaim

Ntsuj Plig,

Koj tseem nco tau ces zoo kuv lub siab lawm os.

Kuv muaj ib qhov xav nug koj thiab tiag..., koj puas tseem nco tau hnub peb mus cog nplej es koj hno qhov rau kuv rau nplej..., thaum peb los so noj sus, koj txaj txaj muag rau kuv niam lawv es koj nce mus zaum saum ceg ntoo, peb noj mov hauv qab ntoos es koj de nplooj tso ya los poob rau ntawm kuv tais mov. Kuv ceeb thiaj tig saib no pom koj zaum saum ceg ntoo ntsia ntsia kuv ces kuv thiaj muab tais hais tau ib qhov mov thiab ib qhov zaub qaub cev tuaj rau koj nas lod?

Wsm...., lub sijhawm ntawd es zoo li lub plab tsis tshaib li, hehehehehe, puas yog nas?

Npauj Npaim thiab Ntsuj Plig,

Neb mas sau dab neeg tau kho siab ua luaj li os.

Kuv tsis txawj nrog neb sau dab neeg ces cia kuv mam sau ib zaj pajhuam rau neb mloog os mog.

Nraug Hmoob Vaj tus neeg ntxim hlub,
Hmoob tej tub koj puas tseem nco,
Lub caij no koj nyob qhov twg,
Me phoojywg koj puas nco qab,
Lub neej tag wb kev sib hlub,
Ntuj tim ub peb tej qub zog,
Sim neej no nco koj ua luaj,
Lub siab quaj vim nco koj dhau,
Ua neej laus los tseem khuv xim,
Thiaj li chim vim nco koj xwb tiag,

Sis Lubpajzoo, ua tsaug ntau rau zaj pajhuam os, tabsis zoo li Ntsuj Plig chim rau Npauj Npaim lawm vim nws tsis kam tuaj ntsib Npauj Npaim lawm nas, sis aj.