Ncaim Cev Tsis Ncaim Siab

First topic message reminder :

Ncaim Cev Tsis Ncaim Siab:

Zaj dabneeg no yog ib nkawm nkauj nraug sib sib hlub uas ob tog niam txiv tsis tau pub nkawd sib yuav ces thaum kawg tus ntxhais niam lawv tau muab nws coj tsiv tebchaws mus nyob rau lwm qhov chaw lawm tabsis nws lub cev lam ncaim nws tus hluas nraug mus xwb lub siab yeej tsis ncaim li.

Nkawd txoj kev hlub yim nyob deb yim ua rau nkawd sib hlub thiab sib nco xwb.

Cov phoojywg, thov caw nej txhua tus los peb sau zaj dabneeg no uake nawd.

Zaj dabneeg no yog yuav nthuav txog, "Npauj Npaim & Ntsuj Plig, Txoj Kev Hlub."

Npauj Npaim & Ntsuj Plig,

Txoj Kev Hlub..., continues…,

Tau ob peb hnub tom qab Npauj Npaim niam thiab txiv nkawd kom lawv mus khee lawv cov nplej hlais kom tag. Npauj Npaim nrog nws niam lawv mus hlais nplej. Lawv muab lawv cov nplej hlais tag cia kom qhuav tso mam rovqab tuaj muab pawv cia. Npauj Npaim thiaj hais rau nws niam tias, “Kuv niad.”
“Abtsi os, Npauj Npaim?”
“Hnub no kuv xav mus tim teb zaub, kuv mus saib peb cov zaub thiab mus ntxhua khaubncaws lawm nawd,” Npauj Npaim qhia nws niam. Nws niam thiaj teb tias, “Aws, koj mus ib leeg xwb lod?”
“Kuv mus ib leeg xwb os, kuv niad,” Npauj Npaim teb.
“Yog li mus no ua tib zoo saib nawd.”
“Aws, kuv mus lawm nawd,” nws teb nws niam tag ces nws mus lawm. Thaum Npauj Npaim tuaj mus txog rau tim teb zaub, nws tuaj mus nqa dej los ywg cov zaub tag ces nws nqes mus rau hauv hav dej. Nws mus zaum ntawm qhov chaw ntxhua khaubncaws uas thaum I Ntsuj Plig tuaj nrog nws nyob uake. Nws txawm xav txog thaum Ntsuj Plig hais rau nws tias, “Npauj Npaim, koj puas kam ntxhua kuv cov khaubncaws os?”

Npauj Npaim tseem tabtom xav txog lolus no xwb ces nws txawm hnov ib lub suab hu nws tias, “Npauj Npaim.”
Nws thiaj tig loo los saib no yog Maiv Paj tuaj xwb. Nws thiaj hu tias, “Koj tuaj thiab los Maiv Paj?”
“Aws, kuv tuaj mas. Koj tuaj ib leeg xwb lod?” Maiv Paj nug.
“Aws, kuv tuaj ib leeg xwb os. Uali koj ne, koj tuaj ib leeg thiab xwb lod?” Npauj Npaim nug.
“Aws, kuv tuaj ib leeg xwb os. Twb yog kuv tuaj nrhiav koj tim tsev, koj niam hais tias koj tuaj tim teb lawm no ces kuv thiaj lawv koj qab tuaj xwb,” Maiv Paj hais.
“Lod?”
“Aws, yog mas. Es puas yog koj tsis xis neej os?”
“Wsm…, kuv tsis ua licas os,” Npauj Npaim teb ib tug mluas mluas. Maiv Paj thiaj nug tias, “Koj tsis ua li cas no ua cas koj ho mluas mluas mas lod?” Maiv Paj nug.
“Wsm…, twb yog kuv tseem tabtom xav txog ibtug neeg xwb os,” Npauj Npaim hais.
“Koj tseem tabtom xav txog ibtug neeg no lod?” Maiv Paj nug.
“Aws, yog mas,” Npauj Npaim teb.
“Uali tus neeg ntawd puas yog Ntsuj Plig ma?” Maiv Paj nug.
“Wsm…, ua cas koj thiaj li paub tias yog Ntsuj Plig no ma?
“Vim tias kuv twb tsis pom koj tham leejtwg li ned, puas yog ma?” Maiv Paj nug.
“Aws, yog lawm mas,” Npauj Npaim teb tag ces Maiv Paj thiaj hais ntxiv tias, “Npauj Npaim, wb twb yog vivncaus lawm, yog muaj tej yam tsiv koj siab los tham tau qhia kuv mas mog.”
“Maiv Paj, ua tsaug koj tseem pab txhawj txog kuv thiab. Kuv tsis muaj kev nyuajsiab dabtsi li os.”
“Npauj Npaim, koj tsis nyuajsiab no ua cas koj ho mluas mluas lawm mas. Puas yog tias koj nco Ntsuj Plig ma?” Maiv Paj hais.
“Wsm…, twb yog kuv xav tias ua cas tau ob peb hnub no tsis ntsib nws li lawm es nws mus nyob licas lawm xwb no os,” Npauj Npaim teb. Maiv Paj thiaj hais rau nws tias, “Aud, naghmo Tub tuaj ntsib kuv, nws nug kuv tias tagkis peb yuav mus dabtsi no. Kuv teb nws tias kuv yuav tuaj yaum koj nrog kuv mus hlais nplej no ces nws hais tias puas kam nws nrog kuv mus thiab. Kuv teb nws tias yog nws xav nrog kuv mus thiab no ces kom nws mus yaum Ntsuj Plig nrog peb mus vim kuv yuav tuaj yaum koj nrog kuv mus no. Nws teb rau kuv tias Ntsuj Plig twb tsis nyob tsev tau ob peb hnub no lawm. Kuv nug tias uali Ntsuj Plig mus dabtsi lawm. Nws teb kuv tias Ntsuj Plig nrog nws txiv mus saib lawv cov kwvtij lawm no nas.”
“Aud, yog li Tub puas qhia koj tias thaum twg mam los no ma?”
“Tsis paub li os,” Maiv Paj teb.
“Wsm…, yog li tagkis koj yuav mus hlais nplej no lod?”
“Aws, yog mas. Kuv tuaj pem tsev tuaj yaum koj no tabsis koj niam qhia kuv tias koj tuaj tim teb zaub lawm no ces kuv thiaj lawv koj qab tuaj nug seb tagkis koj puas nrog kuv mus xwb os,” Maiv Paj hais. Npauj Npaim thiaj teb tias, “Yuav tsum mus xwb vim koj twb pab kuv ua ntej lawm ces zaum no kuv yuav tsum mus pab koj thiab os.”
“Wsm…, yog li mam ntsib koj rau tagkis nawd,” Maiv Paj hais.

To be continues…,

NPAUJ NPAIM.....

KOJ SAU TAU ZOO KAWG LAWM OS CIA KOJ UA TUS SAU KUV MAM UA TUS NYEEM XWB LOS MAS YUAM....

KUV SAIB MAS KOJ TSEEM SAU TAU ZOO TSHAJ QHOV KUV XAV LAWM THIAB TIAG, UA TSAUG TXHUA YAM UAS KOJ POST NAWB MOG.

KUV NCO KOJ OS....NPAUJ NPAIM

Hmmm..., koj tsis kam tuaj sau ntxiv lawm los tsis ua cas...,
Kuv mam sau li qhov kuv sau tau xwb nas...,

Hwj..., hwj..., hwj..., hwj..., tsis tuaj los tsis ua li cas,
Cia kuv mam mus nyob kuv ib leeg xwb nas,

Heheehehee, don't mention my dear!