Txij Nkawm Kev Sib Pab

First topic message reminder :

Txij Nkawm Kev Sib Pab...,

Cov phoojywg sawvdaws, thov caw nej los peb tham thiab sib pauv tswvyim hais txog txij nkawm txojkev sib pab hauv lub cuab yig seb tus niam hlub tus txiv puas haum nws lub siab lossis seb tus txiv hlub tus niam puas haum nws lub siab.

Piv txwv tias yog thaum noj tsis qab nyob tsis zoo lawm, tus txiv mob no tus niam puas nug thiab puas cev tes pab los yuav tos tus txiv thov. Hos yog tus niam ho yog tus mob, tus txiv puas nug thiab puas pab los yuav tos tus niam thov mam li pab.

Thov caw...,

NkaujNyiag,

Kuv xav tias ua niamtxiv ces twb ntshaw txojkev sib pab thiaj xav sibhlub os. Yog thaum tsis muaj kev sib pab lawm ces txojkev sibhlub los kuj tsuag zuj zus lawm thiab.

Tos kuv hais li los ib txhia yeej tsis muaj qhov sib pab li es lawv thiaj ua neeg kho kho siab os. Hos cov uas muaj kev sib pab ces kuj ua neej sov siab thiab mas. Tsis hais pojniam los txivneej li os, yog ob leeg sib pab ib yam mas thiaj ua neej sov siab hos yog ib tug ua ntau dua es ib tug yeej tsis paub thiab tsis pab li ces tus ua ntau dua yeej ua neej kho siab dua os, kuv hais li qhov kuv pom thiab hnov luag tham xwb hos nyob li ntawm kuv tus, wb yeej sib pab mas.

ua tsaug ntau uas nej tuaj nrog kuv tham txog txojkev sib pab ntawm txij nkawm os mog.

Pua yuav tiag ma lo? eb!! kuv li ces kuv tsi paub li tiag tej zaum yog kuv nyiam lawv heev lawm es kuv yog tus zoo rau lawv ntau xwb pob? qhov lawv nyiam kuv ma tsawg kawg kiag.

Npauj Npaim,

Koj lub topic nov mas ntxim hlub kawg li os. kuv xav tias yog txij nkawm txoj me kev sib hlub hauv lub cuab yig thaum yus pom tus niam mus ntxuav tais diav yus yuav tsum khiav ntsuj mus khawm nws nrob qaum hais tias, "Me koj niam....., nws puas need pab os?", thaum yus pom tus niam tus tsev yus yuav muab nws tsaws kiag puag li 5 second tias, "Me koj niam....., nws puas kom kuv nrog nws tu tsev thiab os?" yog lub tsev loj thiab dav heev ces ob leeg yuav tsum tu kom tej khoom vaj khoom tsev nyob tau huv si thiab kaj siab lug cia, thaum tus niam rau tau mov lawm nws yuav hu tias, "Me koj txiv....., los wb noj mov os" ces tus txiv yuav nce hlo tsum los ob leeg zaum ua ke thov Vaj Tswv tag ces tus txiv yuav hais ib qho mov qab qab los rau tus niam lub me ncauj tias, "Me koj niam....., koj nim khwv khwv ib tag kis li es cia kuv pub lo mov no rau koj ncauj thiab ua nws tsaug ntau os." ces me koj niam yuav teb tias, "Ab ya....me koj txiv.....aw, koj vwm pob cas tseem yuav pub mov rau kuv ncauj thiab os.", thaum ob leeg hnav tau ris tsho cev du lug yuav mus nraum lub tsheb tus txiv yuav khawm lias tus niam hnia 5 second ua ntej nkawv yuav qhib lub rooj tag tawm mus lawm nraum parking, thaum mus txog nraum lub tsheb lawm tus txiv yuav muab nws tus key qhib plho tus niam sab qhov rooj rau tus niam nkag mus zaum hauv tsheb ces tus txiv kaw sab qhov rooj rau tus niam thiab nws mam li mus qhib nws sab qhov rooj mus tsav tseb, thaum mus txog qhov chaw nres tsheb lawm tus txiv yuav xub xub tawm mus qhib tus niam sab qhov rooj thiab rub nws tes hlo sawv hauv lub tsheb tias, "Me koj niam....., ua zoo tsam ntog nawb...." ces thaum ntawm mus ob leeg yuav tuav tes rawv mus rau hauv khw zoo siab hlwb hlo. Li hais los nov yog ob leeg kev haum siab.

Txij nkawv txoj kev zoo siab thaum ib tug muaj mob li cas yog tus niam nroo tias, "Me koj txiv....a, cas kuv tsis xis nyob li ne hnub no nas vim mob mob kuv plab thiab nrob qaum li os" ces tus txiv yuav nqee tias, "Me koj niam...., mob nws qhov twg tiag es cia kuv mam li xyuas mas." thaum tus txiv thiab tus niam los zaum ntawm sofa los si saum lub me npoo txaj lawm tus txiv yuav ua zoo xuas tus niam plab thiab nias nws nrob qaum thiab muab nws tsaws kiag mus rau saum lub me txaj tias, "Nws nkees nkees ces nws pw nov ib pliag kom zoo mob tso nws mam li sawv os..." Thaum tus niam pw me plaub hau npw loo saum lub me txaj lawm tiag tus txiv yuav tsum ua zoo nias nws tej nrob qaum thiab thiab zaws nws plab kom thaum twg tus niam hais tias, "Tau lawm koj txiv.....los wb pw tsaug zog ib pliag koj mam mus" ces tus txiv yuav hais tias tau kawg las mas.....hahahahahahhaha.

Hehehehehehe......kuv sau lus ntev dhau lawm es cov lus tsis nkag kis lawm pob.

Heheehehehe, koj mas yom, cas thaum twg los nim tham seev yees li uas lawv ua movies xwb es puas yog koj saib movies heev dhau lawm nas, Nujqiam aj?

Kuj zoo thiab yog tias koj hlub koj tus me naib niam npaum li koj cov lus seev no nas, haahaaha, los yog tias koj yeej hlub lawm tiag tiag li ntawd ne???

Yog tias koj tus me naib niam neb yeej txawj sib hlub npaum no tiag ces nrog nws zoo siab lawm os mog.
Hos yog koj lam seev uasi xwb koj tsis tau hlub nws npaum no ces txij hnub no lawm tod ciali mus hlub nws kom tsim nyog koj tej lus seev no nawd mog.

Qhov tiag ces leej twg los yeej ntshaw kom tau tus me txiv txawj txawj hlub li koj hais no xwb es txhob yog txawj seev xwb nawd, hahahahahhaaa,

Zoo siab heev rau koj cov lus zoo txhawb siab thiab ua tsaug koj tuaj qhia Npauj Npaim hais lus zoo os mog.