Txij Nkawm Kev Sib Pab

First topic message reminder :

Txij Nkawm Kev Sib Pab...,

Cov phoojywg sawvdaws, thov caw nej los peb tham thiab sib pauv tswvyim hais txog txij nkawm txojkev sib pab hauv lub cuab yig seb tus niam hlub tus txiv puas haum nws lub siab lossis seb tus txiv hlub tus niam puas haum nws lub siab.

Piv txwv tias yog thaum noj tsis qab nyob tsis zoo lawm, tus txiv mob no tus niam puas nug thiab puas cev tes pab los yuav tos tus txiv thov. Hos yog tus niam ho yog tus mob, tus txiv puas nug thiab puas pab los yuav tos tus niam thov mam li pab.

Thov caw...,

Nujqiam,

Heheehee.........Nujqiam koj ma yom....so cute...so sweet....heheheeee. My tus hlub wb ces thas ko xwb tiag....hehehee. Tsis muaj ib zaug yuav zaws tau yus los nws tus mob zoo li.....hehehee...tso dag nrog nej kom lomzem xwb...

Nujqiam wrote:

Npauj Npaim,

Wow......koj zaj txij nkawm sib pab zoo kawg li os. Kuv xav tias yog thaum tus poj niam ua me ntsis tiab yaj yaum li yeev suav yiv txog ntawm nws cov me ntsis taw thiab ua tus me plaub hau ntxhov niab nroo tias, "Me koj txiv cas hnub no mob mob kuv ib ce li ne..." ces yus yuav noog kiag nws tias, "Me koj niam, mob qhov twg tiag os....? mus hauv txaj kuv mam los zuaj rau nws las mas...." ces yus yuav kom nws pw kiag saum lub me npoo txaj. Ces yus mam li noog nws tias "Puas yog mob qhov nov?" Nws yuav teb yus tias, "Tsis yog qhov koj na....., yog ntawm caj dab, ntawm xub pwg, ntawm nrob qaum, thiab mob plab li os...." ces yus yuav ua zoo zuaj nws ces thaum thaum nws mloog yog yus zuaj nraug nws tus mob ces nws yuav hais tias, "Zuaj li koj kom ntev ntev..." ces yus zuaj thiab zuaj lau..... ces kawg ob leeg cia li pw tsaug zog lawm xwb ntshe yuav yog ib qho good idea li os.........hahahahahahahahaha. Kuv tham pem xwb raws li xav xwb vim tsis muaj tus tau los noog yus li ntawm ces thov nej zam txim ntau rau kuv os.

Hmmm..., uacas nej tsis kam nrog kuv tham txog txij nkawm kev sib pab li ne, hahaha, cia kuv mam tham rau nej mloog nawd.

Ntawm kuv tus kheej mas kuv nyiam txib kuv tus txiv kom nws zaws kuv hos. Yog tias tej hnub kuv ua haujlwm los txog tsev, kuv sab thiab kuv mob nraubqaum lossis duav ces kuv yeej thov nws tias, "Koj txiv aj..., ib pliag koj xyeej no thov koj zaws kuv nraubqaum os," no li nas. Yog kuv tsis thov, kuv yuav tos kom nws paub nws xwb los tej zaum yog kuv sab sab ces kuv los pw hauv floor ces nws los txog nws pom kuv pw ces nws yeej paub tias kuv sab lawm. Nws ciali los zaws kuv xwb nas, haahaha, kuv hais lus tiag tsis yog hais taslauv nawd,

Nyob zoo os niamlaus Npaujpaim,

Hais txog ntawm txij nkawm sib pab ces nyias muaj nyias lawm ib yam thiab os.

Ntawm wb ma kuv tus hlub nws ywg ib tug neeg nquag heev. Thiab nws ua haujlwm hmo ntuj lawm ces txawm kuv mus ua haujlwm los txog tsev kuv nkees thiab mob mob kuv ib ce los nws twb tsis nyob ntawv lawm. Ntawm nws los ib yam thiab. Wb coj li no los tau lawm ntev. Wb ib tug yeej tsis hais ib tug kom sib zuaj nrab nraum/ib ce li. Unless mob heev heev ua pw yeej tsis tau li lawm ces mam tos nws los txog tsev mam kom nws zuaj yus xwb....nws los kuj li ntawv thiab.

Hais txog qhov sib pab tu menyuam, tu tsev cov no wb nyias paub nyias txoj haujlwm lawm ib tug tsis txib ib tug li. Yog sawv ntxov tseev los yog menyuam los kuv puag lawm ces nws yeej paub lawm tias nws yuav tau sawv mus ua mov noj. Hos menyuam mus nws puag lawm ces kuv yeej paub lawm tias kuv yuav tau mus ua mov noj.

Noj mov tag...seb menyuam nyiam mus tus twg lawm ces tus ntawv zov menyuam ho tus menyuam tsis nyiam ces tu ntawv yuav tau mus tu tsev, ntxhua khaub ncaw li ntawv xwb.

Ntawm wb ib niam txiv wb yeej tsis muaj ib tug txib ib tug li.....kuv yeej paub hnub nws nkees...yog hnub nws nkees ces yus ua niam yuav tau sawv tsees mua ua nej haujlwm hauv vaj hauv tsev tsuag tsuag kom tag. Nws thiaj tsis sab. Nws los yeej coj ib yam li ntawv rau kuv thiab.

Qhov tiag ma nws ua ntau zog vim nws nquag zog kuv xwb...heehehee. Peb cov niam txiv ib leeg ua ib siv haujlwm ces peb yeej coj zoo li no xwb es..... Tsis tau niaj hmo niaj hnub sib zuaj li e...heheeheee

NkaujNyiag,

Yog li ces neb yeej txawj sibhlub thiab sibpab kawg li lawm mas mog.

Qhov kuv hais ces tsis yog tias yuav lam tau lam zuaj nas niamhluas, kuv tsuas hais tej lub sijhawm uas yus tsis xis neej lawm es yog nws tsis paub ces yuav tau qhia thiab txib kom nws thiaj paub los pab yus xwb.

Tos kuv hais li los vim muaj tej tug pojniam mas lawv tsis kam txib lawv tus txiv li, txawm tus txiv yuav pab thiab tsis pab, yuav ua thiab tsis ua los yeej tsis txib tsis hais li. Txawm nws twb muaj mob pw nthi lawm los tus txiv twb tsis los xauj tsis los zuaj ibce thiab tsis nug ib los li es thiaj tham tias tej txiv neej coj li ntawd puas paub tias hauv nws tus pojniam lub siab ntshaw nws txojkev pab los tsis ntshaw no nas niamhluas.

Koj puas tau pom dua ib txhia neeg zoo li thiab nas?

Niamlaus Npaujpaim,

Wb ces sib pab los sib pab...sib cav los sib cav...hehehee...ua ib niam txiv lawm ces yeej kawg li os.

Niamlaus, koj hais yog lawm ma tos ib txhias pojniam tsis txib lawv tus txiv los tej tug txiv neej tsis nyiam koj tus pojniam txib thiab os. Yus yog tus yuav nws yus yuav tsum paub yam nws nyiam los tsis nyiam thiab. Yog yam nws tsis nyiam ces yus yuav tau txhob hais hais nws thiab.

Koj hais yog lawm thiab ma... qhov zuaj ib ce ntawv ces nyob nyob muaj tej hnub aj kaj tsis zoo ces yus muaj tsis mob laug ces yus yeej xav kom nws zuaj yus thiab. Tej thaum zoo li ntawv lawm ces yus thov nws pab zuaj los yeej tau kawg ma. Kuv xav tias yuav tsis muaj ib nkawv niam txiv yuav tsis sib thov kom pab zuam li ho.

Niamlaus es peb ua niam txiv nyob ntiaj teb no ces nyias nkawm niam txiv nws muaj nws ib yam thiab. Tej thaum yus xav tias ntse yus tus tsis hlub yus no. Cas yus ho mus hnov luag tej tom tej tham lawv co hlub tseem haj yam ua phem rau lawv thiab. Ces yus los thiaj tsis nco tu siab rau yus tus hlub lawm os.

Cia kuv tham txog kuv ib tug niam ntxawm nkawv rau koj. Kuv tus niam ntawm nkawv ma nkawv ob leeg nyiam mus party ib yam. Mus qhov twg los luag ntxhi sib khawm duav. Thaum ntej kuv xav tias cas lawv yuav txawj sib hlub ua luaj. Tom qab no niam txawm mob stroke mus pw hospital. Thaum nws rov los txog tsev nws ib sab tes thiab ib sab ceg/taw tsis muaj zog. Nws sawv tsis tau los ua mov noj. Nws kom txiv ntxawm ua mov rau nws noj. Txiv ntxawm tseem tias, kuv tos koj xwb ma cas koj tseem txib kuv thiab no. Koj twb yog tus pojniam nev? Nws teb rau txiv ntxawm tias, kuv ib sab tes thiab ib sab ceg/taw tsis muaj zog kuv twb sawv tsis tau es kuv thiaj txib koj xwb. Los nws tus txiv tseem tsis sawv los ua thiab. Nws cia li khiav mus work lawm. Nws sawv tsis tau ib hnub ces nws tsis tau mov noj li. Nws tos tos txog caij nws cov menyuam los txog tsev nws mam kom nws cov menyuam ua kua dis rau nws noj. Nws tham li no rau kuv ma nws los kuag muag nrog tawv tos xwb.

Es niamlaus ib co txiv neej ces lawv tsis nyiam kom pojniam txib lawv...koj tus thiab kuv tus thiab ib txhia lawv thiaj tsis mind yog yus txib lawv xwb os. Kuv lam tham me me li no rau koj txog txij nkawv txoj kev sib pab mus li no xwb.