Subject: Ib Vuag Lub Neej Hluas Fri Aug 20, 2010 6:53 pm
First topic message reminder :
Nyob zoo Ib tsoom phooj ywg
Ntau lub topic peb tham txog ntau yam lawm tab sis cia kuv coj nej tig rov mus ntsia ib muag lub neej hluas seb nej txhua tus ho xav li cas? Lub sij hawm thaum nws thiab yus tseem hluas ua nkauj ua nraug nyob yog tias tej laus tsis kam rau yus thiab nws los sib yuav no ntshe niam no wb 2 lub me siab twb mus ciaj ua 2 tsob ntoo lawm. Txawm yog tias yuav yog 2 tsob ntoo nyob deb npaum cas los ntshe tej nplooj tej ceg tseem yuav sib ncav kom tuaj sib cuag tau.
Tab sis yog thaum ho muaj txoj hmoo tau los nyob ua ke lawm muaj qqe leej xav tsis txog kuj yuav ua rau muaj kev sib cav sib ceg laj nyob dhau hnub, yog li kuv thiaj xav kom peb tig rov mus ntsia ib muag rau tom qub qab lub neej koj tseem me thiab kuv tseem yau. Lub sij hawm uas koj thiab kuv yuav luag mus dai tuag ntawd seb zoo li cas lawm na??
Last edited by Ntsuj_Plig on Sat Sep 11, 2010 8:05 pm; edited 1 time in total
Subject: Re: Ib Vuag Lub Neej Hluas Mon Aug 30, 2010 12:31 am
Ntsuj Nplig, koj lub topic no mas haib kawg li os. Yog yuav xav txog yav thaum hluas cas zoo li lub ntiaj teb nws tseem nyob tshiab khiv li qub. Tab sis, yus tej me qub neeg nim laus lawm zuj zus es zoo li lub ntiaj teb twb cheem tsis tau sawv daws rov hluas thiab nyob li yav tag los 40 xyoo txij li tej laus xeev xwm nrog luag ua tsov ua rog los txog rau lub xyoo 1975 es tom qab ntawm peb ib feem Hmoob cov tau nrog luag muaj kev cuam tshuam txog tsov rog thiaj li tau tuaj mus poob luag ntuj kawm luag ci nyob rau txoj kev vam meej nrog lub sij hawm khiav ua yog toog. Muab xav los mus lub neej ces zoo li ib vuag dua es tos nco xwb peb cov neeg twb laus tag lawm ib phaum zuj zus es zoo li tib neeg txoj me kev hluas nim yog ib vuag dua xwb.
Last edited by Nujqiam on Mon Sep 06, 2010 1:37 pm; edited 1 time in total
Subject: Re: Ib Vuag Lub Neej Hluas Mon Aug 30, 2010 3:56 pm
Nujqiam......
Muaj tseeb tiag vim li ntawd kuv thiaj xav ntshe kuv yuav tau muab tus neeg kuv hlub tshaj nyob hauv kuv lub neej zaj dab neeg sau tseg. Yog muaj ib hnub txawm tsis muaj kuv lawm los kom nws ho tau tuaj nyeem hos yog tsis muaj wb ob leeg nyob hauv lub ntiaj teb no lawm los yuav qhia rau tej me tub me nyuam tuaj nyeem nrog lawv nyob mus ib txhis no tiag
Ua tsaug ntau rau koj zaj nkauj thiab koj tseem tuaj nrog kuv nyeem zaj dab neeg ib vuag hauv lub neej hluas os npawg.
Npauj Npaim Professional Level V
Posts : 1997 Points : 2054 Reputation : 3 Join date : 2010-01-28 Age : 48 Location : CA
Subject: Re: Ib Vuag Lub Neej Hluas Mon Aug 30, 2010 4:22 pm
Ntsuj Plig,
Yog koj sau tiag ces kavtsij sau es kuv mam tuaj nyeem os. Tabsis tham txog kev hlub sais kuv kua muag nyob ntiav heev, tsam kuv ke nyeem ces ke los kua muag xwb lau...,
Ntsuj_Plig wrote:
Npauj Npaim........
Zoo siab ntsib koj nov os, muaj tseeb tiag Npauj Npaim ntau zaus tham ua si tab sis zaum no ntsujplig xav sau ib zaj dab neeg cia rau nws tus hlub txog yav thaum ub txoj kev sib nco os.
Npauj Npaim Professional Level V
Posts : 1997 Points : 2054 Reputation : 3 Join date : 2010-01-28 Age : 48 Location : CA
Subject: Re: Ib Vuag Lub Neej Hluas Mon Aug 30, 2010 4:28 pm
Ib vuag lub neej hluas twb dhau mus lawm tsis zoo li qub, Thaum twg xav txog koj cas yuav ua rau kuv nco txog yav thaumub, Ib vuag lub neej hluas twb dhau mus lawm tsis zoo li thaum ntxov, Thaum twg xav txog koj cas yuav ua rau kuv kho lub siab ua luaj no,
Ib vuag lub neej hluas twb dhau mus lawm tiag tiag li, Wb txojkev sibhlub los ciali sib ncaim mus tag ib txhis, Ib vuag lub neej hluas twb dhau mus lawm tiag li os, Wb txojkev sibhlub los ciali sib ncaim mus tsis rov los,
Ib vuag lub neej hluas ces twb tag lawm tsis muaj ntxiv, Wb sim me nkauj nraug ces yuav nyob hauv lub siab mus ib txhis, Ib vuag lub neej hluas ces twb tag lawm es thov cim ntsoov cia, Wb sim me nkauj nraug ces yuav nyob hauv lub siab mus tag txhua tiam os mog.
Butterflylover Professional Level Iv
Posts : 451 Points : 438 Reputation : 3 Join date : 2010-02-26 Age : 83 Location : USA
Subject: Re: Ib Vuag Lub Neej Hluas Tue Aug 31, 2010 1:52 am
Ib vaug ntawm lub neej hluas... Ua cas zoo li ib muag xwb es twb laus tag li... Twb tsi nco qab xav tias yuav zoo li no... Tseem xav tias yus tus kheej tseem hluas.. Na has tig rov los saib na ntuj aws.. Twb laus lawm tiag tiag li ... Tig tsi tau li lawm tiag...
Thaum hluas xav tias yuav lam tos txog hnub laus... Thiaj li ua tau li qhov nyiam thiab xav no.. Ua cas twb ua tsi tau dabtsi muaj nqi rau neeg pom es twg laus lawm e..
Txoj kev hluas ces tsi muaj lawm... Tus yus hlub thaum ub ntawm ces tsi los lawm e... Tseem nco nws npaub cas los yog npau suav lawm xwb..
Lub neej laus ua cas tseem yog yus lawm tiag tiag li.. Lub neej hluas yav thaum ub tseem yuav tau ua dab neeg hais lwm xwb tiag lov???