Subject: Ib Vuag Lub Neej Hluas Fri Aug 20, 2010 6:53 pm
First topic message reminder :
Nyob zoo Ib tsoom phooj ywg
Ntau lub topic peb tham txog ntau yam lawm tab sis cia kuv coj nej tig rov mus ntsia ib muag lub neej hluas seb nej txhua tus ho xav li cas? Lub sij hawm thaum nws thiab yus tseem hluas ua nkauj ua nraug nyob yog tias tej laus tsis kam rau yus thiab nws los sib yuav no ntshe niam no wb 2 lub me siab twb mus ciaj ua 2 tsob ntoo lawm. Txawm yog tias yuav yog 2 tsob ntoo nyob deb npaum cas los ntshe tej nplooj tej ceg tseem yuav sib ncav kom tuaj sib cuag tau.
Tab sis yog thaum ho muaj txoj hmoo tau los nyob ua ke lawm muaj qqe leej xav tsis txog kuj yuav ua rau muaj kev sib cav sib ceg laj nyob dhau hnub, yog li kuv thiaj xav kom peb tig rov mus ntsia ib muag rau tom qub qab lub neej koj tseem me thiab kuv tseem yau. Lub sij hawm uas koj thiab kuv yuav luag mus dai tuag ntawd seb zoo li cas lawm na??
Last edited by Ntsuj_Plig on Sat Sep 11, 2010 8:05 pm; edited 1 time in total
Author
Message
Lubpajzoo Professional Level V
Posts : 443 Points : 479 Reputation : 3 Join date : 2010-03-15 Location : In Your Heart!
Subject: Re: Ib Vuag Lub Neej Hluas Tue Aug 24, 2010 10:11 am
Ib vuag dua ua chaw tshua mus tag ib sim, Lub txiaj ntsim ntawm txojkev sibhlub, Yog ntuj pub wb thiaj los sib ntsib, Koj thiaj dib kom kuv ntxov siab, Lub ntuj tshiab thiaj tawm tuaj ncig, Tshav ntuj nrig nrhiav koj txhua hnub, Lub hnoob poob los yeej tseem tos, Pw tsheej hmos los siab quaj dhi, Vim hmo i koj tuaj dag ntxias kuv, Tias yuav hlub kuv ib leeg nkaus, Ua nkauj laus los twb vim koj xwb, Cev nkaujxwb tseem tseg rau koj ibleeg, Yog tsis ntseeg kuv pab tsis tau, Vim koj xav ntau koj thiaj tso kuv tseg, Siab puas nqeg yog kuv ncaim koj, Siab puas mob yog ncaim lawm tiag, Tsis tag qhia los kuv yeej paub zoo, Tsis tas nroo los kuv yeej hnov, Lub siab ntxov los vim kev tshua, Ib vuag dua rau lub neej hluas thaum i, Yuav tsis chim rau vim tseem tos koj, Ua siab loj rov los kuv mam nyob tos mog...,
Subject: Re: Ib Vuag Lub Neej Hluas Tue Aug 24, 2010 4:34 pm
Npauj Npaim........
Zoo siab ntsib koj nov os, muaj tseeb tiag Npauj Npaim ntau zaus tham ua si tab sis zaum no ntsujplig xav sau ib zaj dab neeg cia rau nws tus hlub txog yav thaum ub txoj kev sib nco os.
Npauj Npaim wrote:
Wow! Ntsuj Plig,
Uacas kuv xav tias koj lam tham dabneeg rau peb mloog xwb no tabsis qhov tseeb tiag tiag koj yeej muaj ib tug hlub nrog koj taug txojkev hlub kev mob siab ntawd los lawm sad.
Ntuj aw..., ntshe yuav mob neb lub siab tshaj plaws li os. Txoj kev hlub uas nws thiab koj sib hlub heev tabsis nws niam tsis pub neb sib yuav ntawd, koj yuav muab khaws cia zoo ua luaj li es nws puas paub na?
Cas yuav tham tau mob lub siab ua luaj li os.
Kuv li ces kuv tsis muaj ib tug hlub uas yuav sib hlub heev thiab yuav sib ncaim dai siab npaud ces kuv tsis paub tham li os.
Subject: Re: Ib Vuag Lub Neej Hluas Tue Aug 24, 2010 4:42 pm
Lubpajzoo kheev lam muaj tiag kuv yuav nyiag tus neeg zoo nkauj coj mus pauj lub neej tiam tas kom txhob ras thiab txhob npau suav cia kuv yuav mus ua poj niam nyob ib tiam seb neej puas zoo lub suab nroo ho puas yuav ploj nco vim koj lo lus qabzib kuv thiaj pib tuaj seev yuj yees tsis nco nkees twb yog muaj koj mov tsis noj los tsis hnov tshaib ntawv tsis laib los tsis xav kawm muaj koj cawm kuv txoj sia xwb puas kam wb sib mus yam thiab ya kom siab tshaj li lub ntuj tsis los tsuj hauv lub ntiaj teb mus kom deb tshaj li daim av kua muag ntshav thiaj yuav tsis si saum lub hli yog wb lub neej tsis muaj neeg yuav los thab koj kuv yuav coj koj mus ceeb tsheej' mus ua neej tsis nyob kaj siab lug wb tsis nug leej twg moo li lawm os...
Lubpajzoo wrote:
Ib vuag dua ua chaw tshua mus tag ib sim, Lub txiaj ntsim ntawm txojkev sibhlub, Yog ntuj pub wb thiaj los sib ntsib, Koj thiaj dib kom kuv ntxov siab, Lub ntuj tshiab thiaj tawm tuaj ncig, Tshav ntuj nrig nrhiav koj txhua hnub, Lub hnoob poob los yeej tseem tos, Pw tsheej hmos los siab quaj dhi, Vim hmo i koj tuaj dag ntxias kuv, Tias yuav hlub kuv ib leeg nkaus, Ua nkauj laus los twb vim koj xwb, Cev nkaujxwb tseem tseg rau koj ibleeg, Yog tsis ntseeg kuv pab tsis tau, Vim koj xav ntau koj thiaj tso kuv tseg, Siab puas nqeg yog kuv ncaim koj, Siab puas mob yog ncaim lawm tiag, Tsis tag qhia los kuv yeej paub zoo, Tsis tas nroo los kuv yeej hnov, Lub siab ntxov los vim kev tshua, Ib vuag dua rau lub neej hluas thaum i, Yuav tsis chim rau vim tseem tos koj, Ua siab loj rov los kuv mam nyob tos mog...,
Subject: Re: Ib Vuag Lub Neej Hluas Tue Aug 24, 2010 4:45 pm
Ab..............Tus neeg kuv hlub, cas ib pliag ntshis twb yuav tag ib tiam neeg lawm tiag kuv tseem nco ntsoov koj lub me xub ntiag thiab thaum kuv mloog koj lub plawv dhia na. Yuav ua cas thiaj cheem tau lub sij hawm kom tig rov qab cia kuv nyob ntawm koj ib sab koj pw ntawm kuv xub ntiag kuv puag koj ib leeg cia wb pw ua pa ntxuj ntxiag xav kom lub ntiaj teb no muaj wb 2 leeg xwb os....
Subject: Re: Ib Vuag Lub Neej Hluas Sun Aug 29, 2010 2:49 pm
Kuv tseem nco tau muaj ib hmos los nag xuj xuav wb 2 leeg tseem tsis tau tsaug zog thiab tseem tham txog txoj kev yuav sib sau los ua txij ua nkawm. Cas ib pliag tsis nco qab saib qab ntug twb pib ntsa lub ntuj uas tsaus los ntsev twb ho pib kaj, lub caij ntawd txawm hnov koj niam koj txiv tus lau qaib qua kuv thiaj tau tsa koj sawv tsees saum txaj.
Kuv thiaj tuav kiag koj tes tias zaum no koj ua siab nrog kuv mus wb yuav mus pib wb lub neej lawm mog. Ib pliag ntshis tsuas hnov koj niam lub suab hu ua hav yeem laws ua rau dev tom ntsuag qees, qeeb ceeb qua puv zos. Wb thiaj los hav zoov nuj txeeg tsaus ntuj nti kuv tseem kab teeb saib koj lub me ntsej muag luag ntxhi, xav tias zaum no koj yuav yog kuv tug kuv yuav yog koj li.
Ab...........Cas ib sij huam koj laus tag kuv laus dua wb tseem sib tshua ua luaj los lub caij nyoog twb dhau mus deb lawm yuav ua cas thiaj yuav muab tau lub sij hawm tig rov qab kom koj rov los ua kuv thawj zaug nkauj nyab, yuav ua cas thiaj muab tau lub sij hawm pauv kom dhau cia kuv rov los ua koj thawj zaug zoov vauv na????
Last edited by Ntsuj_Plig on Sat Sep 11, 2010 8:16 pm; edited 3 times in total