Ib Vuag Lub Neej Hluas

Subject: Ib Vuag Lub Neej Hluas Fri Aug 20, 2010 6:53 pm

First topic message reminder :

Nyob zoo Ib tsoom phooj ywg

Ntau lub topic peb tham txog ntau yam lawm tab sis cia kuv coj nej tig rov mus ntsia ib muag lub neej hluas seb nej txhua tus ho xav li cas? Lub sij hawm thaum nws thiab yus tseem hluas ua nkauj ua nraug nyob yog tias tej laus tsis kam rau yus thiab nws los sib yuav no ntshe niam no wb 2 lub me siab twb mus ciaj ua 2 tsob ntoo lawm. Txawm yog tias yuav yog 2 tsob ntoo nyob deb npaum cas los ntshe tej nplooj tej ceg tseem yuav sib ncav kom tuaj sib cuag tau.

Tab sis yog thaum ho muaj txoj hmoo tau los nyob ua ke lawm muaj qqe leej xav tsis txog kuj yuav ua rau muaj kev sib cav sib ceg laj nyob dhau hnub, yog li kuv thiaj xav kom peb tig rov mus ntsia ib muag rau tom qub qab lub neej koj tseem me thiab kuv tseem yau. Lub sij hawm uas koj thiab kuv yuav luag mus dai tuag ntawd seb zoo li cas lawm na??

Subject: Re: Ib Vuag Lub Neej Hluas Mon Sep 06, 2010 8:59 am

Npauj Npaim thiab Butterflylover.......

Zoo siab thiab ua tsaug neb tseem tuaj nrog kuv sau txog lub neej hluas ib vuag dua os mog. Muaj tseeb tiag lub neej hluas nws tsuas los ib vuag dua xwb yog li kuv thov caw neb tuaj koom nrog kuv sau thiab nyeem txog lub neej hluas mus ntxiv mog.

Txuas ntxiv mus kuv yuav sau txog ib zaj dab neeg hauv ib khub niam txiv lub neej hluas ib vuag dua muaj ntsib lus tias "Roob Cuam Kau Lub Neej Ib Vuag Dua" cia siab tias neb thiab tsoom phooj ywg yuav tuaj koom nrog kuv thiab nawb.

Thanks

Subject: Re: Ib Vuag Lub Neej Hluas Mon Sep 06, 2010 9:09 am

ROOB CUAM KAU LUB NEEJ HLUAS IB VUAG DUA

Muaj ib hnub tom qab tsov rog cob fab tau swb mus rau tog koom sam, roob Phus Npiab tau poob mus ua qho chaw tej ntsuj plig uas lub cev tau ncaim mus lawd qhov chaw nyob. Muaj ib khub hluas nkauj hluas nraug thiaj tau los sib ntsib nyob Roob Cua Kau, zos Roob Cuam Kau yog ib lub zos tshiab hav zoo nuj txeeg sawv ntxov tsees suab cuam kau hav zoov ntxhe ntws kho siab zim.

Muaj ib hnub Yim Laj thiab Paj Huab nkawd thiaj rov tau sib ntsib nyob Roob Cuam Kau tom qab nkawd twb tau sib ncaim mus tai ib lub xyoo tsis hnov moo, vim txoj kev tsiv teb tsaws chaw. Hn ub ntawd Yim Laj thiaj tau tuaj txog rau ntawm Paj Huab lawv zos, thaum rov tuaj ntsib Paj Huab lawm Yim Laj saib Paj Huab zoo nkauj npaum lub paj tawg tshiab uas tsis tau muaj ib tug kab los ntsauv li. Hos Paj Huab los saib Yim Laj zoo nraug npaum li lub hnub qub uas ci tshaj nyob saum ntuj ntsa mus rau ntiaj teb

(Continue next time}

Subject: Re: Ib Vuag Lub Neej Hluas Mon Sep 06, 2010 12:48 pm

ROOB CUAM KAU LUB NEEJ HLUAS IB VUAG DUA

Paj Huab xav tias kheev lam Yim Laj yog lub txiv ntshe yuav muab de kiag coj mus noj seb qab zib npaum li cas hos Yim Laj los kuj xav tias kheev lam Paj Huab yog lub paj ntshe yuav muab de kiag coj mus hnia seb yuav tsw qab npaum li twg. Nkawd txoj kev phooj ywg suav hnub suav loj hlob zuj zus zoo tam li tsob paj uas nkawd niaj hnub ywg dej rau yuav tawg paj thiab txi txiv tiag.

Muaj ib hnub nyob hauv lub tsiab peb caug xyoo 1980 Yim Laj lawv lub zos kuj raug caw mus koom noj peb caug nyob rau Roob Cuam Kau uas yog nyob rau ntawm Paj Huab lawv sab teb chaws. Hnub ntawd Yim Laj cia siab ntsoov tias yeej yuav tsum tau ntsib Paj Huab xwb, nyob rau Tsua Xyuam Yaj Yim Laj raug xaiv ua tus coj cov tub ntxhais hluas mus koom kev caw zaum no. Hnub ntawd thaum sawv ntxov tsees Yim Laj thiaj tau npaj thiab coj cov tub ntxhais hluas mus koom rau kev noj peb chaug nyob Roob Cuam Kau uas twb yog hnub xiab 3 lawm.

Lub sij hawm mus txog rau Roob Cua Kau thiab tau mus ntsib Paj Huab zaum no ua rau Yim Laj thiab Paj Huab nkawd pov pob thiab hais kwv txhiaj lom zem xauv npos, hnub ntawd txawm yog lub ntuj yuav dub nciab ntiaj teb yuav tsaus nti cuag yuav los nag los nyob hauv Yim Laj thiab paj Huab nkawd 2 lub siab tseem nyob tau tshav ntuj nrig npaum li ib ntuj hnub qub qaim hli tshav. Tom qab pov pob tsaus ntuj Paj Huab thiaj tau coj kom Yim Laj mus saib Paj Huab rau tom lawv zos, Yim Laj thiab Paj Huab nkawd tau taug ib txoj kev hav zoov nuj txeeg me kab tsaus ntuj quaj ntsuag qees nrog rau nkawd 2 lub siab tham tsis nco nkees. Txawm yog nyob hauv hav zoov twb tsaus nyos lawm los nyob hauv nkawd 2 lub siab haj tseem zoo li tshav ntuj nrig xwb.

(continue next time)

Subject: Re: Ib Vuag Lub Neej Hluas Mon Sep 06, 2010 2:04 pm

Ntsuj Nplig, Kuv nyiam koj lub topic nos kawg li es kuv siv sij hawm tuaj kho duab thiab table rau koj xwb es kuv tsis tau sau lus dab tsi ntau nrog nej es seb kuv ua tag rau lawm koj puas nyiam li cas os. Yog tsis nyiam ces mam li kho rov rau nws qhov regional qub los tau......hahahahahahahaha. Nej tuaj ces rov mus saib page ib tuaj es seb pom kuv kho zoo li cas rau li cas os.