Subject: Ib Vuag Lub Neej Hluas Fri Aug 20, 2010 6:53 pm
First topic message reminder :
Nyob zoo Ib tsoom phooj ywg
Ntau lub topic peb tham txog ntau yam lawm tab sis cia kuv coj nej tig rov mus ntsia ib muag lub neej hluas seb nej txhua tus ho xav li cas? Lub sij hawm thaum nws thiab yus tseem hluas ua nkauj ua nraug nyob yog tias tej laus tsis kam rau yus thiab nws los sib yuav no ntshe niam no wb 2 lub me siab twb mus ciaj ua 2 tsob ntoo lawm. Txawm yog tias yuav yog 2 tsob ntoo nyob deb npaum cas los ntshe tej nplooj tej ceg tseem yuav sib ncav kom tuaj sib cuag tau.
Tab sis yog thaum ho muaj txoj hmoo tau los nyob ua ke lawm muaj qqe leej xav tsis txog kuj yuav ua rau muaj kev sib cav sib ceg laj nyob dhau hnub, yog li kuv thiaj xav kom peb tig rov mus ntsia ib muag rau tom qub qab lub neej koj tseem me thiab kuv tseem yau. Lub sij hawm uas koj thiab kuv yuav luag mus dai tuag ntawd seb zoo li cas lawm na??
Last edited by Ntsuj_Plig on Sat Sep 11, 2010 8:05 pm; edited 1 time in total
Subject: Re: Ib Vuag Lub Neej Hluas Sun Oct 31, 2010 3:38 pm
Vimhlubthiajmob......
Tij laug yeej xav tsis ntau tsis tsawg tab sis yeej xav tau qhov yog kawg los vim lub ntiaj teb tsuas txawj tig lub hnub tsuas txawj mus suav hnub suav ua rau txoj kev ua neej ib hnub laus zuj zus yuav ua cas tij laug thiaj yuav cheem tau ma? Kawg qhov tij laug yuav tau muab sau kiag tuaj nruab ntaub hais tseg rau lwm tiam tij laug rov los thiaj li yuav paub xwb tiag...
Lubpajzoo Professional Level V
Posts : 443 Points : 479 Reputation : 3 Join date : 2010-03-15 Location : In Your Heart!
Subject: Re: Ib Vuag Lub Neej Hluas Fri Nov 05, 2010 9:59 am
Ib vuag lub neej hluas twb yuav tag, Yam tsob paj nws twb pib zeeg, Zoov nuj txeeg twb yuav pib qhuav, Kev npausuav twb yuav tag mus, Me leej nus koj puas tseem nco, Tias naghmo wb nyuamqhuav sibntsib, Hli xiab ib wb teem caij nyoog, Yog caij zoo wb kev phoojywg, Mus txog twg kom sib nug moo, Lub caij zoo rau wb yav tag, Caij ntuj nag los caij ntuj sov, Wb sawv ntxov yeej tsis nkees li, Nyob luag ntxhi sib tham txhua hnub, Tshav tsis kub wb mus ua teb, Nyob kev deb yeej tsis hnov sab, Pw yas npab thaum lub ntuj tsaus, Hlub kom txaus wb txoj kev hluas, Vim ib vuag zoo li npausuav, Tsis hnov dhuav lub neej hluas na, Twb yuav tag ib sim nkauj nraug, Lub neej laus twb caum cuag lawm, Kev txij nkawm wb yuav tuav mus, Coj kom tus wb txoj kev hlub, Vim ntuj pub wb thiaj los sib tau lawm mog.
Subject: Re: Ib Vuag Lub Neej Hluas Sun Nov 07, 2010 10:24 am
Wow....Lubpajzoo
Koj hais tau kawg li kheev lam yog hais rau kuv mas???
Ib vuag xwb nyob hauv lub neej tseem nco meej thaum yav wb hluas kuv tuaj xyuas lub caij dhia qaib kuv me naib tus plhu dawb mos muaj ib hmos qhov rooj ho qhib wb thiaj pib lub neej npau suav nco tsis dhuav cas ntuj yuav kaj qab ntug daj lau qaib pib qua koj tej npua los ho pib nras tseem nco tas thaum wb sawv los kuv tseem nco koj tuav kuv tes wb los nres ntawm lub rooj txag ntuj los nag xuj xuav tsis tu koj sab plhu yog qhov chaw sov thaum sawv ntxov ntuj yuav kaj tiag kuv tawm kiag koj sawv ua tshai hmoob tej ntxhais ib vuag yuav dhau puas xav tau wb lub neej hluas ....lawm na?
Subject: Re: Ib Vuag Lub Neej Hluas Sun Apr 03, 2011 11:19 am
Iv vuag hauv lub neej hluas, muaj ib hmos thaum ib tag hmo dua ntsia mus rau saum ntuj pom hnub qub dawb vog. Kuv rov xav txog wb lub neej hluas ib vuag dua thiab txoj kev hluas uas mus ceev npaum muaj tis ya. Koj puas nyob qab hmo ntawd yog xiab 8 lub 11 hlis hmoob xyoo 1981. Lub sij hawm ib tag hmo kuv thiab koj tseem tham tsis paub xaus, zoo yam nkaus li wb zaj dab neeg yuav tsis txawj ploj.
Ib pliag ntshi lub sij hawm dhau mus zuj zus lub hli los yuav poob qho tej hnub qub los pib ya ploj zuj zus, lub hnub los twb pib ntsa yuav tawm tim npoo ntuj. Kuv txawm hnov koj niam koj txiv tus lau qaib cog cia li pib qua thaum ntawd ua rau kuv lub siab mob ib zag tias "Ab....., Ntshe wb txoj kev hluas ua siab muab xaus tseg li no lawm laub...." Kuv thiaj hais koj tias sawv la...., sawv los wb mus ua wb lub neej os tus neeg kuv kuv nco suav txij hnub no mus kuv yuav tsis tau nco koj ntxiv lawm, vim koj yuav nyob nraim ntawm kuv ib sab mus tag ib txhis.
Txij ntawd los wb lub neej thiaj zoo nkaus li tsob paj uas ib hnub loj hlob zuj zus thiab los tau ntau xyoo kuj tawg paj txi txiv ua rau tej me kab me noog tau lub chaw tuaj ntsauv. Cas ib pliag ntshi tsis nco qab hlias twb ho zoo li yuav txog txoj kev ncaim lawm tiag, tsis xav kom txog hnub ntawd li. Yuav ua cas kuv cheem tau lub sij hawm kom nres thiab thiaj tuav tau lub hnub kom txhob txawj txav, thiaj yuav hais tau kom koj tsis txhob txawj laus kuv tsis txhob txawj tuag kom wb tau nyob li no mus ib sim os....Tus neeg kuv hlub....
Home 
Calendar
