Ib Vuag Lub Neej Hluas

Subject: Ib Vuag Lub Neej Hluas Fri Aug 20, 2010 6:53 pm

First topic message reminder :

Nyob zoo Ib tsoom phooj ywg

Ntau lub topic peb tham txog ntau yam lawm tab sis cia kuv coj nej tig rov mus ntsia ib muag lub neej hluas seb nej txhua tus ho xav li cas? Lub sij hawm thaum nws thiab yus tseem hluas ua nkauj ua nraug nyob yog tias tej laus tsis kam rau yus thiab nws los sib yuav no ntshe niam no wb 2 lub me siab twb mus ciaj ua 2 tsob ntoo lawm. Txawm yog tias yuav yog 2 tsob ntoo nyob deb npaum cas los ntshe tej nplooj tej ceg tseem yuav sib ncav kom tuaj sib cuag tau.

Tab sis yog thaum ho muaj txoj hmoo tau los nyob ua ke lawm muaj qqe leej xav tsis txog kuj yuav ua rau muaj kev sib cav sib ceg laj nyob dhau hnub, yog li kuv thiaj xav kom peb tig rov mus ntsia ib muag rau tom qub qab lub neej koj tseem me thiab kuv tseem yau. Lub sij hawm uas koj thiab kuv yuav luag mus dai tuag ntawd seb zoo li cas lawm na??

Subject: Re: Ib Vuag Lub Neej Hluas Sat Sep 11, 2010 8:19 pm

Npauj Npaim thiab Butterflylover.....

Ua tsaug uas neb tuaj nrog kuv seev txog lub neej hluas ib vuag dua os mog, kuv xav tias
muaj ib hnub neb yuav xav ib yam li hnub no kuv xav thiab. Hnub ntawd neb tig rov qab
mus saib ib muag rau tom qab thaum nws tseem hluas koj tseem yau ntshe yuav nco tau
nws tus duab nyob hauv koj loub ntsiab muag tsis ploj mus txog hnub tuag tiag....
2 tug muam.

Subject: Re: Ib Vuag Lub Neej Hluas Sat Sep 11, 2010 8:51 pm

ROOB CUAM KAU LUB NEEJ HLUAS IB VUAG DUA

Hnub ntawd thaum qaib qua thawj tsig kuv tuav kiag koj tes wb nce ib lub roob hav zoov nuj txeeg tsaus ntuj nti los wb tsis nco qab ntshai dab tsi. Kuv tsuas pom koj lub ntsej muag dawb paug luag ntxhi nyob ntawm kuv ib sab koj los tsuas pom kuv tus me cev yiag txias lawv koj qab. Lub sij hawm dhau mus zuj zus wb tau ncaim nej lub zos thiab koj niam lub suab hu los lawm deb zuj zus. Kuv tseem nco thaum wb los txog ntawm ib thaj teb npleg nyob saum ib lub laj roob zoo, ntuj tsis tau kaj tab tom pom kev txoog ntxim muaj poj ntxoog taug kev duj duam los. Wb tseem yuav tau nyob tos cov neeg mus fiv xov, lub sij hawm ntawd ua cas ib pliag xwb twb dhau los lawm deb heev li os.

Thaum kaj ntug tshav ntuj ci ntsa iab hnov tej suab noog quaj saum ntsis ntoo kho siab zim wb 2 leeg tseem zaum ntawm cov hav nplej, ib pliag ntshis txawm hnov suab tham zom zaws los mam tig saib no yog wb cov neeg mus fiv xov rov qab los txog. Thaum ntawd peb thiaj tau taug lub laj roob zoo nqis los rau nram hmoob ib lub zos, sij hawm tav caij noj tshais hmoob tab tom pub npua thiaj yog lub caij koj thiab kuv los txog hauv lawv lub plawv zos. Tej neeg uas paub koj cia li sawv saib koj tsis nco saib lawv tej npua txog thaum wb dhau mus lawm mam tig rov mus saib lwm cov npua twb tuaj muab lawv tej qhauv noj tas. Puas yog npau suav los tiag cas ib pliag xwb tig rov mus ntsia lub neej dhau los lawm deb ua luaj os....tus neeg kuv hlub.

Subject: Re: Ib Vuag Lub Neej Hluas Sun Sep 12, 2010 7:01 am

Ntsuj_Plig wrote:: Nyob zoo Ib tsoom phooj ywg

Ntau lub topic peb tham txog ntau yam lawm tab sis cia kuv coj nej tig rov mus ntsia ib muag lub neej hluas seb nej txhua tus ho xav li cas? Lub sij hawm thaum nws thiab yus tseem hluas ua nkauj ua nraug nyob yog tias tej laus tsis kam rau yus thiab nws los sib yuav no ntshe niam no wb 2 lub me siab twb mus ciaj ua 2 tsob ntoo lawm. Txawm yog tias yuav yog 2 tsob ntoo nyob deb npaum cas los ntshe tej nplooj tej ceg tseem yuav sib ncav kom tuaj sib cuag tau.

Tab sis yog thaum ho muaj txoj hmoo tau los nyob ua ke lawm muaj qqe leej xav tsis txog kuj yuav ua rau muaj kev sib cav sib ceg laj nyob dhau hnub, yog li kuv thiaj xav kom peb tig rov mus ntsia ib muag rau tom qub qab lub neej koj tseem me thiab kuv tseem yau. Lub sij hawm uas koj thiab kuv yuav luag mus dai tuag ntawd seb zoo li cas lawm na??

Subject: Re: Ib Vuag Lub Neej Hluas Mon Sep 13, 2010 10:27 am