Wb Lub Tsev Pheeb Suab

Guest

First topic message reminder :

Koj hais tias yog kuv nco koj ces kom kuv ntim su zias tuaj caum koj rau ntuj ceeb tsheej
Hnub no kuv thiaj ntoj taws li yees tuaj tsuj txog thaj chaws no nrog koj ua neej

Koj hais tias yog kuv tshua txog wb ces kom kuv ntim su zias lawv koj qab
Hnub no kuv thiaj ntoj taws li yees tuaj tsuj tag lawm niam mab yawm suav tej mi nroj hmab

Koj hais tias tsis hlub los tseg yog tseem hlub kom kuv taug lawm koj lw, tsuj lawm koj hneev
Hnub no kuv nco nco koj, kuv thiaj ntim su zias tuaj nrhiav tuaj caum, kom tau koj nrog kuv seev.

Wb Lub Tsev Pheeb Suab - Page 35 Post-610

Subject: Re: Wb Lub Tsev Pheeb Suab Mon Nov 12, 2012 1:42 pm

Lw Hlub wrote:: Kho kho tsev pheeb suab siab, tsev pheeb suab yuav vau
Kho kho kuv siab vim dej tob dej loj kuv hla tsis dhau

Kho kho tsev pheeb suab siab, tsev pheeb suab yuav ntog
Kho kho kuv siab los koj twb tsis paub txog

Kho kho tsev pheeb suab siab, tsev pheeb suab yuav lov
Kho kho kuv siab los koj twb tsis hnov

Thaum tsev pheeb suab chim, nws muaj me kab me ntsaum los nplij nws
Kuv ces kuv tig ntsia qab ntuj ntsuab nrog rau txoj kab kev tws

Thaum tsev pheeb suab quaj, nws muaj me kab me noog nrog nws ua luag
Kuv ces kuv tsa muag ntsia ntuj tsaus tawm ntuj kaj nrog me nroj me tsuag.

kho kho lawm koj siab yeej vim dej tob dej loj koj hla tsis dhau
kho kho lawm tsev pheeb suab siab vim raug cua tshuab cua ntsawj yuav rho nrhau

kho kho lawm koj siab tsis qhia ces tsev pheeb suab yeej tsis paub txog
kho kho lawm tsev pheeb suab siab thiaj tuaj seev kom koj paub mog

kho kho koj siab koj tsis qhub ces tsev pheeb suab thiaj tsis hnov
kho kho tsev pheej suab siab vim taug tsis tau lawm koj xov

koj tig ntsia qab ntuj ntsuab nrog rau txoj kab kev tws
tsev pheeb suab tsa muag saib sab ntuj twg twb tsis pom tus zoo li nws

koj tsa muag ntsia ntuj tsaus tawm ntuj kaj nrog me nroj me tsuag
tsev pheeb suab ces pem teb tsuj tsis ti saum ntuj los ncav tsis cuag

Subject: Re: Wb Lub Tsev Pheeb Suab Tue Mar 12, 2013 6:44 pm

Ywjsuab

Koj lub tsev pheej suab yog lub tsev nyob mus muaj kuab
NkaujHmoob li kuv puas yuav muaj feem nrog koj tawm tau suab
Ntshai tsam Nkaujhmoob ib seev ces Ywjsuab khiav tawm ceev ceev
Thaum ntawv Nkaujhmoob yuav nyob de tes nruj nrheev

Nkaujhmoob yeej tsis muaj tsev pheej suab nyob
Yeej xav tuaj nrog Ywjsuab thob kom Ywjsuab lub tsev pheej suab txhob nphob
Xyov Ywjsuab puas txais tos vim Nkaujhmoob li kuv tsis yog Dr.
Puas yuav kho tau Ywjsuab tus me kab mob….nas Ywjsuab…hahahahaha

YwjSuab wrote:: txawm kuv muaj zoo tsev pheeb suab
los tsuas muaj lawm nraug Ywjsuab
thiaj tsis muaj leej twg nrog tawm suab
nyob lawm ib leeg saib saum ntuj ntsuab

txawm Nkaujhmoob tsis muaj tsev pheeb suab nyob
Nkaujhmoob puas xyeej tuaj nrog Ywjsuab thob
kom lub tsev pheeb suab tsis txhob nphob
Ywjsuab thiaj tsis tau tus me kab mob.....os nawb Nkaujhmoob

Subject: Re: Wb Lub Tsev Pheeb Suab Fri Mar 15, 2013 7:18 am

NkaujHmoob a....

Lub tsev pheej suab tsuas yog lub tsev nyob mus tsis muaj tsw
Tsuav muaj NkaujHmoob tuaj nrog YwjSuab tu kom txhob sw
NkaujHmoob ib seev ces tsuas muaj tawg lawm cuaj lub paj tshiab
Lub tsev pheej suab yuav tsw tag lawm NkaujHmoob tus me ntxhiab

Lub tsev pheej suab ces qhib roob lug rau sawv daws tuaj nrog zov
YwjSuab nyob ib leeg txias txias NkaujHmoob puas tuaj nrog tso heat kom sov
YwjSuab txais tos NkaujHmoob 24/7 tuaj nrog YwjSuab qhub
Ntshe NkaujHmoob twb muaj NkaujHmoob lawm tus me zoo khub

Subject: Re: Wb Lub Tsev Pheeb Suab Tue Mar 19, 2013 7:51 pm

Ywjsuab,

Koj lub tsev pheeb suab twb yog lub tsev muaj tus tswv zoo dua ntais
Tus twg tuaj pom los yeej xav tawm suab tuaj tham thiab hais
Yog Nkaujhmoob ib seev twb cuag li tawg paj tshiab ci ntshiab
Ces Ywj suab lub tsev pheeb suab thiaj yog lub nyob tau mus kaj siab

Koj lub tsev pheeb suab qhib rooj lug rau sawv daws tuaj zov
Tsis ntev ces neeg coob yuav tuaj cuag li me kab npaujnpaim thiab kab mus yav tuaj ntsuav paj zib
Tsis tas Nkaujhmoob no ib leeg tuaj nta heat xwb coob tus Nkaujhmoob yuav tuaj 24/7
Txawm tus Nkaujhmoob no muaj khub lawm los lwm tus Nkaujhmoob mam tuaj nrog Ywjsuab khib dwb..hahahaha

YwjSuab wrote:: NkaujHmoob a....

Lub tsev pheej suab tsuas yog lub tsev nyob mus tsis muaj tsw
Tsuav muaj NkaujHmoob tuaj nrog YwjSuab tu kom txhob sw
NkaujHmoob ib seev ces tsuas muaj tawg lawm cuaj lub paj tshiab
Lub tsev pheej suab yuav tsw tag lawm NkaujHmoob tus me ntxhiab

Lub tsev pheej suab ces qhib roob lug rau sawv daws tuaj nrog zov
YwjSuab nyob ib leeg txias txias NkaujHmoob puas tuaj nrog tso heat kom sov
YwjSuab txais tos NkaujHmoob 24/7 tuaj nrog YwjSuab qhub
Ntshe NkaujHmoob twb muaj NkaujHmoob lawm tus me zoo khub

Subject: Re: Wb Lub Tsev Pheeb Suab Tue Apr 16, 2013 7:12 am

NkaujHmoob nis NkaujHmoob....

Lub tsev pheeb suab ntawm tus tswv twb mus lawm tsis nrog zov
Thiaj li tseg ntua rau YwjSuab nyob txias tos tsis sov
Zoo lawm NkaujHmoob tuaj nrog seev lawm ib suab
Ua rau ntuj kaj lawm ntau rov pom dua lawm ntuj ntsuab

Yog tias yuav muaj nkauj hmoob tuaj coob cuag npauj npaim
Ntshe twb muaj lawm nkauj hmoob tuaj nrog YwjSuab yoj tiab taim
Tsis ntev no ces lub tsev pheeb suab yuav raug kaw rooj cia
Lub tsev pheeb suab yuav rais ua ib zaj dab neeg rau peb ntsia

» Tsovliab Lub Tsev
» Kuv Los Tsev Lawm
» Lub Tsev Saib Movies
» Lub Tsev Mloog Yassuab
» Erhu Yas Suab