Wb Lub Tsev Pheeb Suab

Guest

First topic message reminder :

Koj hais tias yog kuv nco koj ces kom kuv ntim su zias tuaj caum koj rau ntuj ceeb tsheej
Hnub no kuv thiaj ntoj taws li yees tuaj tsuj txog thaj chaws no nrog koj ua neej

Koj hais tias yog kuv tshua txog wb ces kom kuv ntim su zias lawv koj qab
Hnub no kuv thiaj ntoj taws li yees tuaj tsuj tag lawm niam mab yawm suav tej mi nroj hmab

Koj hais tias tsis hlub los tseg yog tseem hlub kom kuv taug lawm koj lw, tsuj lawm koj hneev
Hnub no kuv nco nco koj, kuv thiaj ntim su zias tuaj nrhiav tuaj caum, kom tau koj nrog kuv seev.

Wb Lub Tsev Pheeb Suab - Page 41 Post-610

Subject: Re: Wb Lub Tsev Pheeb Suab Thu May 02, 2013 10:12 am

nkaujhnubqub wrote:: Me Nraug Ywjsuab,
Hnov nws suab twb zoo diam
Tus ntxim nyiam siab txawj qhoob
Ntxhe nto roob kuv thiaj hnov
Lub siab sov lawm tiag
Neeg txawj npliag siab laj lim
Cas yuav phim koj ua luaj
Cas ho tuaj tias dig muag
Ntshai kuv puag ces thiaj teb li
Tseem hais ntxhi tias hais lus tab
Ntshai kuv thab ces tso tseg
Mam txhob veg koj tej lus qhia
Mam khaws cia los ua pov haum
Cia ua chaw nkaum rau kuv ntsuj plig
Yeej tsis yig koj lub koob hmoov
Mus nraum zoov mas kaj siab lawm
Thiaj xav tawm tuaj yo dua
Tseem nco tshua tus txawj teeb tsev
Mus dhau kev tseem xav txog koj
Ua siab loj tias koj yuav nyob zoo no mog

Ntuj yuas hmoob ntxhais NkaujHnubQub
Puas yuav tseeb li koj tau hais
Tus txawj cais ua lus nco tshua
Txij li ntua thaum YwjSuab tuaj
Nroj zoo tshuaj yog NkaujHnubQub
Yam lub hnub ci ntuj ceeb tsheej
Txhua txhua leej thiaj muaj kev tho
YwjSuab no yog neeg tig muag
Tsis ntshai puag ntawm NkaujHnubQub
Txiv leej tub tsuas muaj zoo siab
Lub ntuj tshiab los ntawm koj npliag
Qhov tseeb tiag hauv YwjSuab plawv
Muaj koj sawv nraim tuaj nruab nrog
Twb mus cog tuaj mus muaj chaw...lawm os....

Subject: Re: Wb Lub Tsev Pheeb Suab Fri May 03, 2013 2:13 am

Ywjsuab lus txawj txhawv
Hauv nws plawv qab zib ntxiag
Puas hais tiag thiab na yuam
Lus sib tshuam yeej muaj tawb
Cas yuav xawb tau lo nkag siab
Kuv zoo txiab vim koj keej
Sau lus yeej kuv kev tshuam
Kuv ua muam zoo siab heev
Ntshe yuav teev koj rau nruab plawv
Raws koj ruj rawv xwb na leej nus ntxim hlub

Subject: Re: Wb Lub Tsev Pheeb Suab Fri May 10, 2013 5:59 pm

Ywjsuab nis Ywjsuab

Txog txij Nkaujhmoob txaus siab tuaj nrog Ywjsuab tham Nkaujhmoob yeej xav nrog lawm Ywjsuab nkag ib lub vij tsam
Yog Ywjsuab muaj siab tiag Nkaujhmoob mam hais lo me lus mos lus pliag seb puas ntau Ywjsuab lub siab kaj lias
Nkaujhmoob nyob ntawm chav Nkaujhmoob niam Nkaujhmoob txiv yuav sau tsis nto phav
Ywjsuab yeej zoo tau ntxim tawb txog txij Nkaujhmoob nyiam lawm
Nkaujhmoob niam thiab txiv yuav tsis sau nyiaj nkawv yuav pub nkauj hmoob rau Ywjsuab yuav dawb dawn
Ywjsuab twb yog tus Nkaujhmoob ntshaw lawm tsuas muaj hlub thiab nyiam mus ib tiam
Ywjsuab tsis yog nraug xwb yog nraug dua kev los Nkaujhmoob yeej xav hlub mus ntev yog Ywjsuab txhob tshev tshev
Ywjsuab twb txawj txawj seev pajhuam los dho twb ua rau Nkaujhmoob nco nco thiaj niaj hnub tuaj tos
Nkaujhmoob tej pajhuam ces yog pajhuam tsis raug muag xyov puas yuav ntau tau Ywjsuab lub siab muag los rau Nkaujhmoob puag

Hahaahaha.....wow! koj keej sau pajhuam tiag os Ywjsuab....koj sau pajhuam thiaj dho tau xwm xwm yeem ov....kuv ces lam sau xwb...

YwjSuab wrote:: NkaujHmoob seev yees nrog lawm YwjSuab tham Nkaujhmoob puas yuav nrog tau YwjSuab nkag ib lub vij tsam.
YwjSuab thiaj li muaj siab tuaj tiag vim YwjSuab xav hnov NkaujHmoob los lus hlub tuaj ntawm ntiag.
YwjSuab kev feeb ces NkaujHmoob nyob ntawm chaw los ntawm chav seb nws niam nws txiv yuav sau NkaujHmoob tsawg phav.
Cas yuav hais tau tias YwjSuab zoo ntxim tawb es NkaujHmoob niam thiab txiv puas yuav nrog nyiam nraug hmoob dawb.
Thiaj li tsim nyog YwjSuab rais los yog NkaujHmoob tus hlub tsam hnub tsis ntev hmo tsis tau YwjSuab yuav yog NkaujHmoob tus ntxub.
Qhia NkaujHmoob paub tseeb YwjSuab tsis yog nraug xwb yog nraug dua kev seb txoj kev hlub ntawm NkaujHmoob puas yuav kav ntev.
Kheev lam YwjSuab txawj seev paj huam lus tshem ntshe YwjSuab yuav seev yees tuaj ua kom NkaujHmoob lem.
NkaujHmoob twb txawj seev paj huam lus cais ntshe tsis ntev ces YwjSuab yuav khawv nco NkaujHmoob lo lus txog hnub end die.

Subject: Re: Wb Lub Tsev Pheeb Suab Tue Jun 25, 2013 7:19 am

nkaujhnubqub wrote:: Ywjsuab lus txawj txhawv
Hauv nws plawv qab zib ntxiag
Puas hais tiag thiab na yuam
Lus sib tshuam yeej muaj tawb
Cas yuav xawb tau lo nkag siab
Kuv zoo txiab vim koj keej
Sau lus yeej kuv kev tshuam
Kuv ua muam zoo siab heev
Ntshe yuav teev koj rau nruab plawv
Raws koj ruj rawv xwb na leej nus ntxim hlub

NkaujHnubQub tus ntxim tshua

Rov hais dua hauv YwjSuab siab

Neeg muaj txiab twb tsis txawj tshaj

Yam tus nqab twb tau qhuav tag

Xyov puas nkag NkaujHnuabQub plawv

Puas yuav tsawv tau leej muam hmoob

Tuaj nruab roob zais rau nruab nrog

Kheev lam yog YwjSuab keej seev

Ntshe yuav teev NkaujHnubQub npe

Muab ev nce rau tej phab toj

Neeg nrhiav noj kom tau pom thoob

Leej muag moob yog tus # 1...hahaha

Subject: Re: Wb Lub Tsev Pheeb Suab Tue Jun 25, 2013 7:22 am

NkaujHmoob wrote:: Ywjsuab nis Ywjsuab

Txog txij Nkaujhmoob txaus siab tuaj nrog Ywjsuab tham Nkaujhmoob yeej xav nrog lawm Ywjsuab nkag ib lub vij tsam
Yog Ywjsuab muaj siab tiag Nkaujhmoob mam hais lo me lus mos lus pliag seb puas ntau Ywjsuab lub siab kaj lias
Nkaujhmoob nyob ntawm chav Nkaujhmoob niam Nkaujhmoob txiv yuav sau tsis nto phav
Ywjsuab yeej zoo tau ntxim tawb txog txij Nkaujhmoob nyiam lawm
Nkaujhmoob niam thiab txiv yuav tsis sau nyiaj nkawv yuav pub nkauj hmoob rau Ywjsuab yuav dawb dawn
Ywjsuab twb yog tus Nkaujhmoob ntshaw lawm tsuas muaj hlub thiab nyiam mus ib tiam
Ywjsuab tsis yog nraug xwb yog nraug dua kev los Nkaujhmoob yeej xav hlub mus ntev yog Ywjsuab txhob tshev tshev
Ywjsuab twb txawj txawj seev pajhuam los dho twb ua rau Nkaujhmoob nco nco thiaj niaj hnub tuaj tos
Nkaujhmoob tej pajhuam ces yog pajhuam tsis raug muag xyov puas yuav ntau tau Ywjsuab lub siab muag los rau Nkaujhmoob puag

Hahaahaha.....wow! koj keej sau pajhuam tiag os Ywjsuab....koj sau pajhuam thiaj dho tau xwm xwm yeem ov....kuv ces lam sau xwb...

Ntuj yuas NkaujHmoob tus me neeg ncauj ncab YwjSuab ntshai lawm rwj rwg nyob tsam NkaujHmoob ntxias YwjSuab mus nce nthab

Lauj lawm YwjSuab tus me taw ntaiv ces tus me kab lwj plawv yuav raws tau lawm YwjSuab tsis paub caiv

YwjSuab yuav txhos caug ple los ntshe NkaujHmoob niam txiv yuav hais zoj tias 10 phav roob taus theev tsis hle

Ntshe NkaujHmoob ncauj tsis hais los hauv nruab siab yuav xav lawm twj ywm tias nraug hmoob txom nyem NkaujHmoob tsis xav nrog pais

NkaujHmoob YwjSuab yeej tsis txawj hais li tiag tiag....yog txawj hais li NkaujHmoob hais ces twb hais tau lawm NkaujHmoob los puag tuaj xub ntiag

» Kuv Los Tsev Lawm
» Tsovliab Lub Tsev
» Lub Tsev Saib Movies
» Lub Tsev Mloog Yassuab
» Erhu Yas Suab