Wb Lub Tsev Pheeb Suab

Guest

First topic message reminder :

Koj hais tias yog kuv nco koj ces kom kuv ntim su zias tuaj caum koj rau ntuj ceeb tsheej
Hnub no kuv thiaj ntoj taws li yees tuaj tsuj txog thaj chaws no nrog koj ua neej

Koj hais tias yog kuv tshua txog wb ces kom kuv ntim su zias lawv koj qab
Hnub no kuv thiaj ntoj taws li yees tuaj tsuj tag lawm niam mab yawm suav tej mi nroj hmab

Koj hais tias tsis hlub los tseg yog tseem hlub kom kuv taug lawm koj lw, tsuj lawm koj hneev
Hnub no kuv nco nco koj, kuv thiaj ntim su zias tuaj nrhiav tuaj caum, kom tau koj nrog kuv seev.

Wb Lub Tsev Pheeb Suab - Page 39 Post-610

Subject: Re: Wb Lub Tsev Pheeb Suab Wed Apr 24, 2013 9:43 am

NkaujHmoob wrote:: Ywjsuab

Nkaujhmoob yeej xav seev tiag seb puas yuav pom Ywjsuab lus npliag
Yog Nkaujhmoob muaj tus hlub tuaj pom ces nkaujhmoob twb zoo khiav qawm lias puag
Nkaujhmoob yeej xav tsa lub ncauj hu los tsis muaj tus kam lees ua nkaujhmoob tug
Nkaujhmoob thiaj tu siab twj ywm tsis nroo..vim nkaujhmoob tsis muaj hmoo

Nkaujhmoob lub siab mob kub lug vim nkaujhmoob twb tsis muaj zoo lawm ib tug
Nkaujhmoob twb tsis muaj tus tuaj tos…nim niaj hnub tuaj zaum tos qhuav
Seb puas muaj ib tug zoo yam Ywjsuab nyiam thiab xav yuav
Los Ywjsuab tseem thawb nkaujhmoob mus rau Ntsujplig…
Ntsujplig los ntshai khiav lawm tsis tig rov los saib
Nkaujhmoob nyob mluas mlo vim tsis muaj tus qhaib
Yog Ywjsuab tsis ntshai kuj lam tig los txais…..hahahaha
Es txhob muab liam rau tus ub tus no ua lus hais hais…hahahahhaa

NkaujHmoob seev tiag tuaj ntawm ncauj hauv nruab siab twb tsis xav xauj
Yog NkaujHmoob tsis muaj tus hlub tiag NkaujHmoob yeej tsis ploj lawm ntsiag
NkaujHmoob tsis tas tsav ncauj los mus qhub leej twg los twb xav laib coj mus ua hlub
Tos NkaujHmoob tsis tsav ncauj hais los ntshai tsam nraug hmoob lwj siab tuag em pais
NkaujHmoob ntshai nplooj siab mob kub lug ntshai rwj twg tsam tus hlub ho nug
NkaujHmoob yeej muaj lawm tus zoo tos thiaj li tsis muaj caij tuaj nrog hais lus dho
YwjSuab twb niaj hnub tuaj nyob nov los nim tsis hnov lawm NkaujHmoob suab nqov
Thiaj li muab tso rau YwjSuab tus ntsuj plig seb NkaujHmoob puas yuav tuaj nrog ncig
Los NkaujHmoob tseem yuav tsis kam qhaib ntshe yog YwjSuab tsis zoo haib….hahaha

Subject: Re: Wb Lub Tsev Pheeb Suab Wed Apr 24, 2013 10:19 am

YwjSuab wrote:

Lub tsev pheeb suab twb tsis zoo
Twb dhau xyoo thiaj sawv tsis tsheej
Ib sim neej puas yuav muaj tseeb
Li koj feeb tuaj rau saum yaj
Koj siab kaj vim tsev pheeb suab
Lam Ywj Suab txawj hais lus qhub
Nkauj Hnub Qub twb tuaj nrog seev
Tuaj nrog deev lub pav dej cia
Ntses muaj sia tau ua luam dej
Hmoob ntxhai nej yog seev muaj tiag
Tuaj nrog npliag kom tsev pheeb suab
Rov tuaj ntxhuab mog Nkauj Hnub Qub

Tsev pheeb suab tsis du
Los peb tuaj nrog nej tu
Tsev pheeb suab tsis dav
Los peb twb nrog nej txav

Txav zoj lub tog rau nraum zoov
Los Ywjsuab nim tias yog nws lub tog ua poov
Txav zoj lub phiab rau nraum taw dej ntshiab
Los Ywjsuab tias tsis phim Ywjsuab siab

Nkaujhnubqub ntho nkaus rab khauv rhuav cheb tsev
Los Ywsuav tias cas yuav maj ua luaj los ua nws niam tsev
Thiaj li muab tso tseg rau ntawm nws npoo txaj
Cia tus YwjSuab hlub mam li tig los tuav Ywjsuab siab thiaj li kaj

Niag phooj ywg tsis muaj nuj nqis tiag
Txawm yuav ua zaj ua ntxeev rau Ywjsuav los yeej tsis xav npliag
Ywjsuav na Ywjsuab, twb niaj zaus tuaj los koj tsis pom
Ntshe yog tsis zoo suab tsis zoo cev koj thiaj tsis hom

Subject: Re: Wb Lub Tsev Pheeb Suab Fri Apr 26, 2013 6:24 am

NkaujHnubQub ni NkaujHnubQub

Tsev pheeb suab muaj NkaujHnubQub tuaj nrog tu
Txij hnub no mus ces tsev pheeb suab yuav nyob du
Muaj NkaujHnubQub tuaj nrog YwjSuab txav
Ces lub tsev pheeb suab yuav nyob tshav

Yog NkaujHnubQub rub zog lub tog rau nruab zoov
YwjSuab yuav tswj zog lub tog rau NkaujHnubQub thoov
NkaujHnubQub rub zog lub phiab rau tus dej ntws
NkaujHnubQub tsis paub YwjSuab twb zoo lawm lub ntsws

NkaujHnubQub yuav tau ua lawm siab ntuj ntev
YwjSuab yeej pom tau lawm tias nws zoo ib tus niam tsev
Txhob muab NkaujHnubQub lub kua muag tso tseg rau npoo txaj
Tsam lub ntuj tsaus lawm xya nyiaj mus xya xyoo tsis kaj

YwjSuab ces yog neeg dim muag tsis nco nqa daim iav
YwjSuab thiaj li tsis pom dab tsi tsuas hnov lub suab na khiav
NkaujHnubQub yeej zoo cev phim lawv NkaujHnubQub lub suab
Thiaj li ua tau lawm hmongheaven nyob mus tsis pos huab

Guest

NiamLaus..e cas koj seev tau tu siab ua luaj
cia hnub no kuv mam nrog koj quaj
Cas koj seev tau mob mob kuv siab,Cia hnub
no kuv mam nrog koj poob kua muag
ntshiab.Yeej muaj tseeb.txoj kev hlub tshwj
xeeb,Yeej muaj tiag,txoj kev hlub txawj
npliag,Kuv tsis muaj tsev pheebsuab,Kuv lam
tuaj nrog nws cuab suab.Kuv tsis muaj
tsev vov nplooj kuv lam tuaj nrog nws hais lus
tshooj.lub tsev no nws yog tus 1 txawm
xubnyob.lub tsev no nws nyob khov hlo yuav
tsis pob.Lub chaw no nws yog tus 1 txwm
tu.Lub tsev no nws yuav nyob tau kaj siab lug.

Subject: Re: Wb Lub Tsev Pheeb Suab Tue Apr 30, 2013 7:45 pm

Ywjsuab

Nkaujhmoob seev yees tuaj ntawm ncauj tawm plaw hauv Nkaujhmoob nruab siab seb puas tau Ywjsuab tus dai siab
Tus hlub tiag Nkaujhmoob tsis muaj Nkaujhmoob thiaj tswm npluj npliv tsis ploj hauv Hmongheaven
Nkaujhmoob twb seev seev hu hu los twb tsis muaj tus kam tuaj nrog nkaujhmoob qhub thiab hais
Ntse Nraug hmoob ntshai tsam Nkaujhmoob rub nraug hmoob tes ua khub nraughmoob yuav nyob lwj lwj siab xum tuag em pais kom txhob pom nkaujhmoob
NKaujhmoob tsis ntshai leej twg nug nkaujhmoob lub siab mob kub lug xav tau lawm nraug hmoob ua nkaujhmoob tug
Yog nkaujhmoob muaj lawm tus zoo tos ces nkaujhmoob twg tsis tuaj nrog nraug hmoob seev lus dhos nov
Vim Ywjsuab tus ntsuj plig ya yuj yees tuaj rau Nkaujhmoob nruab siab nkauj hmoob thiaj tawm tuaj seev nrog seb puas kaj siab
Nkaujhmoob twb pom Ywjsuab zoo zoo thiab haib haib…Nkaujhmoob tos ntsoov Ywjsuab lo lus tuaj qhaib….hahahahaa

Ywjsuab koj txawj sau pajhuam dho tau zoo kawg os…..kuv ces nrhiav tsis tau los zoo kom dho li…lam sau xwb…..es lam nyeem nawb

YwjSuab wrote:: NkaujHmoob seev tiag tuaj ntawm ncauj hauv nruab siab twb tsis xav xauj
Yog NkaujHmoob tsis muaj tus hlub tiag NkaujHmoob yeej tsis ploj lawm ntsiag
NkaujHmoob tsis tas tsav ncauj los mus qhub leej twg los twb xav laib coj mus ua hlub
Tos NkaujHmoob tsis tsav ncauj hais los ntshai tsam nraug hmoob lwj siab tuag em pais
NkaujHmoob ntshai nplooj siab mob kub lug ntshai rwj twg tsam tus hlub ho nug
NkaujHmoob yeej muaj lawm tus zoo tos thiaj li tsis muaj caij tuaj nrog hais lus dho
YwjSuab twb niaj hnub tuaj nyob nov los nim tsis hnov lawm NkaujHmoob suab nqov
Thiaj li muab tso rau YwjSuab tus ntsuj plig seb NkaujHmoob puas yuav tuaj nrog ncig
Los NkaujHmoob tseem yuav tsis kam qhaib ntshe yog YwjSuab tsis zoo haib….hahaha

» Tsovliab Lub Tsev
» Kuv Los Tsev Lawm
» Lub Tsev Saib Movies
» Lub Tsev Mloog Yassuab
» Erhu Yas Suab