Wb Lub Tsev Pheeb Suab

Guest

First topic message reminder :

Koj hais tias yog kuv nco koj ces kom kuv ntim su zias tuaj caum koj rau ntuj ceeb tsheej
Hnub no kuv thiaj ntoj taws li yees tuaj tsuj txog thaj chaws no nrog koj ua neej

Koj hais tias yog kuv tshua txog wb ces kom kuv ntim su zias lawv koj qab
Hnub no kuv thiaj ntoj taws li yees tuaj tsuj tag lawm niam mab yawm suav tej mi nroj hmab

Koj hais tias tsis hlub los tseg yog tseem hlub kom kuv taug lawm koj lw, tsuj lawm koj hneev
Hnub no kuv nco nco koj, kuv thiaj ntim su zias tuaj nrhiav tuaj caum, kom tau koj nrog kuv seev.

Wb Lub Tsev Pheeb Suab - Page 13 Post-610

Subject: Re: Wb Lub Tsev Pheeb Suab Tue May 01, 2012 6:56 pm

Oibbbb........Ywjsuab ma

Koj yuav kom kuv pab dab tsi
Koj lub lub heart thiaj tsis mob sick mob sick
I tshai tsam I tham ntau ces koj lam tsa chij
U khiav tsis rov tuaj nrog I tham ncuj nciav

I yeej xav zaum ntawm U ib sab tuav U npab
I ntshai tsam U dag I plawv nres vim txoj kev nco U
Vim I tsis paub U zoo tsam U dag I tuav tes
Ua rau I yuav muab yus nco nco tsis xav mus tsev

Yog yus hais li muaj muaj li hais I yeej tsis pub U lub kua muag poob
I mam ua tus tham txhua yam kom thoob kom u nyob tsis nco pom lub hnub poob
I tsis kam ua U niam tus nyab poj dab vim hauv dab teb tsam U tsis zoo nraug
I tsis xav tau lawm ...hahahahaha

I busy busy li I lam teb ua dog ua dig lom nej zam txim nawb

YwjSuab wrote:: Kom I lub heart tsis sick ces U yuav tau pab
U yuav tau lo zaum tawm I ib sab tuav I npab
I thiaj li yuav tseg tau txoj kev I nco U more
U no say U miv mis I noj mov twb tsis xav nqos

U tsis pub I nco ces tsis txhob siv nom phaj cov khaws koob
I thiaj li tsis muab U ua hnub hmo nco kom lub kua muag poob
U ncauj hais siab tsis rais txhob hais kom I tuag nco
Tsis kam ua nyab poj dab los I mam li zaum zov U txhua hmo

Subject: Re: Wb Lub Tsev Pheeb Suab Wed May 02, 2012 5:54 am

SawvLig wrote:: lub ntuj no zoo li wb twb ncav tsis cuag
cas nws ho yuav create tau tib txoj kev rau wb ob leeg kom los lub kuag muag
lub ntuj no zoo li wb twb mus tsis txog
cas nws ho yuav create tau tib txoj kab rau wb ob leeg taug tsis pub wb ntog
lub ntuj no zoo li wb twb hla tsis tau
cas nws ho yuav create tau tib txoj lw rau wb ob leeg taug ho tsis pub wb dhau

cuag li lub ntuj no av tag lawm
thiaj cia kuv los hlub tau koj ho tsis muaj txij nkawm
cuag li lub ntuj tsuas muaj tib txoj kev rau kuv xwb
thiaj cia koj kuv wb los sib tshuam ua kev puas hlwb
cuag li lub ntuj no tsis txaus neeg nyob
thiaj cia kuv los paub koj ib ntu kom kuv nplooj siab nphob

Lub ntuj wb yeej ncav tsis cuag kev hlub wb tuav tau
Koj hlub kuv li kuv hlub koj ces wb yeej yuav hla dhau
Lub ntuj wb yeej ncav tsis cuag kev hlub wb tuav laib
Koj hlub kuv li kuv hlub koj ces wb yeej yuav tau saib
Lub ntuj wb yeej ncav tsis cuag kev hlub wb muaj nruab siab
Koj hlub kuv li kuv hlub koj ces wb yeej nyob mus muaj ntxhiab

Ntiaj teb av yeej muaj nyob mus thooob ntuj
Kev txij nkawm tsis tau los tsuav pom koj kuv wb tus hneev tsuj
Ntiaj teb av yeej muaj nyob mus thoob hav
Kev txij nkawm tsis tau los tsuav koj kuv pom wb txoj kev xav
Ntiaj teb av yeej muaj nyob mus thoob nrag
Kev txij nkawm tsis tau los tsuav tau koj kuv wb nplooj siab tag

Subject: Re: Wb Lub Tsev Pheeb Suab Wed May 02, 2012 6:08 am

nkaujxis wrote:: Ywjsuab me nraj lauv tsaw tus muaj txuj
koj cov lus kuv luj mas qab zib heev
kuv xav nrog koj teev seb puas muaj kuab
kuv tsis txawj cuab suab kom phim zoo
kuv tsis paub nroo kom qan li koj
lam teev zoj luaj rev paj tshiab
ntshe ib plooj siab koj twb muaj tas
los wb ho ras tam kev phooj ywg
mus txog twg los thiaj kaj siab
maiv nkauj kiab ces ntshe zoo tsis txaus
ntshe tsam laus tsis phim koj xwb tiag
koj lus nkiag qab zib txev
xav mus kev taug nrog koj
yog kuv zoo zoj tam tus npauj npaim daj
kuv yuav ya ncaj qha los ncig koj
kuv yuav yoj cev yeev nyob nrog koj ua si
yog koj zoo li tus npauj npaim liab
koj nplooj siab kuv yuav npuab tsis tso...
Ywjsuab ntxim nco thiab txawj cuab suab
koj txawj muab nplooj hmab nplooj ntoos los sib lo
koj txawj lus sib nco thiab lus sib hlub
thov koj txhob ntxub yog kuv tsis txawj nrog koj sib teb

Nkauj Xis tus neeg nyob zoo chaw
Nraj lauv tsaw yeej tsis muaj txuj
Ua dav yuj kom hnov koj suab
Koj txawj cuab phim zoo koj zam
Koj txawj tham phim zoo koj ncauj
Neeg zoo nkauj phooj ywg thoob hav
Xyov pos nav Ywj Suab li hais
Koj txawj cais kom kuv rawg siab
Me Nkauj Kiab tus neeg txawj seev
Koj zoo heev phim rau txhua tus
Tus leej nus uas koj tau tuav
Zoo cuag suav tej tub phab ej
Tus phem ntsej zoo li Ywj Suab
Puas yuav npuab tau koj kev ntshaw
Nkauj Xis aw koj tseem zoo tshaj
Npauj npaim daj tus uas txawj ya
Koj suab ncha mus thooj ceeb tsheej
Ntshe koj xyeej tus neeg phem lus
Tus leej nus zoo li kuv no
Lus sib nco kuv tsis txawj qhub
Lus sib hlub kuv tsis txawj dhos
Lo lus mos kuv tsis txawj seev
Koj keej heev txog ntawm kev teb
Ua rau peb xav nrog koj tham
Koj zoo tam lub me hnub ci
Nyob luag ntxi cawm neeg txoj siav

Subject: Re: Wb Lub Tsev Pheeb Suab Wed May 02, 2012 6:53 am

NkaujHmoob wrote:: Oibbbb........Ywjsuab ma

Koj yuav kom kuv pab dab tsi
Koj lub lub heart thiaj tsis mob sick mob sick
I tshai tsam I tham ntau ces koj lam tsa chij
U khiav tsis rov tuaj nrog I tham ncuj nciav

I yeej xav zaum ntawm U ib sab tuav U npab
I ntshai tsam U dag I plawv nres vim txoj kev nco U
Vim I tsis paub U zoo tsam U dag I tuav tes
Ua rau I yuav muab yus nco nco tsis xav mus tsev

Yog yus hais li muaj muaj li hais I yeej tsis pub U lub kua muag poob
I mam ua tus tham txhua yam kom thoob kom u nyob tsis nco pom lub hnub poob
I tsis kam ua U niam tus nyab poj dab vim hauv dab teb tsam U tsis zoo nraug
I tsis xav tau lawm ...hahahahaha

I busy busy li I lam teb ua dog ua dig lom nej zam txim nawb

NkaujHmoob.....I xav nrog U dance li no.....hahaha

I xam kom U pab I li i
I lub heart thiaj tsis sick quaj dhi
I tsuas tsa lawm tus chij love
Inside my heart twb nco nco koj

Yog U kam zaum tuav lawm I npab
I tsis dag U I li proof U wb tus me ab
U xav paub I zoo ces kawg los ua lawm I sev
I li coj U mus qhia tag lawm I lub me vaj tsev

Yog U tsis pub I kua muag poob ces dub kiag I mus puag
I thiaj li tseg ntua seev lawm txoj niag kev tuag
U tsis paub tias nraug dab zoo nraug tshaj lawm nraug neej
Yog U pom nraug dab lawm ces U leaf heart yeej tsis xyeej

Subject: Re: Wb Lub Tsev Pheeb Suab Wed May 02, 2012 6:58 am

Ywjsuab koj twb tsis tau pom Nkaujxis li ne
Cas txawm siv nqa Nkaujxis nce ntaiv kaj siab
Txawm sib hnov Nkaujxis ntxhiab es puas yog koj twb nyiag pom
Koj twb nyiag tsom Nkaujxis lawm tiag nab
Cas koj hnov Nkaujxis qab pom nkaujxis zoo
Koj twb tsis nug Nkaujxis li moo li ne...
Yog hlub tiag ces txav los ze xwb tiag me nraug Ywjsuab
Yog xav npuab Nkaujxis tus tsis ntse
Tsuav tau nyob ua ke tham lus tuj taws
Ces wb lam sib raws xwb tiag
Koj lub xub ntiag kuv yeej tsis ntshai li
Tsuav koj hlub kuv luag ntxhi tsis cem tsis thuam
Me leej nkauj muam yeej ua siab zoo rau koj
Yog siab tsis loj los koj yuav tau ntxias xwb
Yog kuv puas hlwb los koj yuav tau ua siab ntev
Koj lub tsev yog Nkaujxis tsis txawj tu
Koj tsis txhob xu tsis txhob ntiab
Nkaujxis nplooj siab thiaj kam lees ua koj tus
Yuav tsis mus ua dog ua dig
Yuav ncig ntawm koj ib sab
Pw koj npab mus li xwb tiag leej nus Ywjsuab aw....

hahahaha, koj ib leeg xwb sau tsis yeej peb li pob? Smile

» Tsovliab Lub Tsev
» Kuv Los Tsev Lawm
» Lub Tsev Saib Movies
» Lub Tsev Mloog Yassuab
» Erhu Yas Suab