zaum no ces koj tsis txhob tos lawm

Subject: zaum no ces koj tsis txhob tos lawm Thu Apr 12, 2012 9:15 am

First topic message reminder :

Txoj me kev deb ncua ntev
Yog luag ib leeg zoo sev
Ntshe nyob nrog koj los tsis zoo
Thiaj ua ib siab mus kom ntsiag moo

Zaum no ces kuv yuav ua hlo ib siab
Zaum no ces kuv mus nrog kua muag iab
Kuv txoj kev hlub tsis muaj nuj nqis
Cia mus mus kom tseg tau koj txhua hlis

Tseg cia kuv txoj kev hlub nrog koj nyob
Mam cia txoj kev kaj siab nrog koj sib txob
Kuv yuav mus tsis rov tuaj lawm mog
Kuv mam mus ua zoo ib leej niam tsev thiaj li yog

Kuv lub siab ua si mam sau zais cia
Yog ib hnub kuv rov mob mam khawb rov los cawm sia
Kuv lub siab tau tso tuaj ua si ntawm no
Kuv tso tseg yog ib hnub kuv nyob tsis muaj khub mam tig rov los nco

Mus lawm mog txoj kev kaj siab
Mus lawm tiam seb puas yuav rov pom koj dua thiab
Mus mam nqa koj nrog kuv lub siab zais
Thaum chim siab sev puas hnov koj rua ncauj nrog kuv sib hais

Subject: Re: zaum no ces koj tsis txhob tos lawm Thu Aug 28, 2014 4:28 pm

Wow! cas es nej os...yuav txawj sau pajhuam ua luaj

chim siab thiab khib siab luaj no los cas sau tsis tau nrog nej li.... Crying or Very sad

Subject: Re: zaum no ces koj tsis txhob tos lawm Thu Aug 28, 2014 7:58 pm

NkaujHmoob, nkag khuav los nrog peb sau xwb mas lod! Nyob tos koj seev paj huam txhua sijhawm os. Peb ces lam tuaj qw kom 8tos8nco chav no sov tsev xwb.

Subject: Re: zaum no ces koj tsis txhob tos lawm Thu Aug 28, 2014 9:42 pm

Dab Pob Tawb wrote:

Quote :: Ua tsaug ntau--------os mi leej muam
koj tsis thuam----tseem cav pab qhuas
pab nrog huas----------kuv li kwj tse
kom kuv npe-------nyob mus muaj koob

Ntxhais nkauj hmoob---cas yuav siab zoo
yuav txawj nroo-------tau kuv siab muag
kuv siab tuag------nyiag nyiam koj lawm
yog hmoov sawm-------los yog npau suav

Thiaj nyuam qhuav-------hnov lo lus zoo
kuv muaj hmoo-------thiaj tau ntsib koj
ua siab loj------------tsis tau muaj tug
vim niam yug---------kuv tsis muaj khub

Txoj kev hlub--------kuv no tseem seem
tseem muaj feem------yog koj nyiam tiag
tig xub ntiag---------nrog kuv txuas lus
sib tham mus-----------kom sib to taub

Qhia koj paub-------tawm hauv siab tuaj
koj yeej muaj---------zoo rab peev xwm
kuv thov hwm--------thov qhuas koj mog
koj tsim nyog------yog hmoob tus ntxhais

Uas txawj hais------------lo lus qab zib
koj txawj dib--------txawj txo hwj chim
koj tswv yim----------loj thiab zoo heev
koj txawj seev----------tau kuv vwm nco

Ntawm kuv no-----------thov ua koj tug
vim niam yug------------kuv los hlub koj
khwv koj noj---------kom txog hnub laus
mas thiaj xaus-------xwb os tus muam, e!

Txhob ua tsaug....................hmoob txiv leej tub

Koj zoo lus....................thiaj nkag los thab

Nkauj hmoob Meka..........tsis leej cai li

Hais luag ntxhi....................txav los ti ti

Thov txhob tig....................Feej duj das nawb

Tsis ntxim tawb....................lam luag ib suab

Nkauj phem ncuab....................tsis muaj neeg nyiam

Kheev ntawm tiam....................koj qaug hlub kuv

Kuv tus khub....................ntse los txog lawm

Yog hmoov sawm....................wb thiaj sib ntsib

Yog tsis yib....................nkauj hmoob Meka li

Kuv mam dib..................seev kom tau koj

Kev khwv noj....................kuv tsis txhawj kiag

Koj siab khiag....................peev xwm zoo txaus

Kev noj haus....................Kuv tsis tshaw hlo

Vim muaj koj....................yog tus zog loj.......

na yuam hmoob tus zoo lus!

Subject: Re: zaum no ces koj tsis txhob tos lawm Fri Aug 29, 2014 5:01 am

Teb Rau Tus Muam PajZaubKig:

Mi nkauj hmoob------------Me Kas tus zoo

wb muaj hmoo-----------thiaj tau sib ntsib

thiaj tau pib-----------tham kev phooj ywg

deb npaum twg-----------yuav tuaj kom tau

Hla kom dhau-------------hiav txwv dej tob

tiv nag xob--------------hav zoov nuj txeeg

tiv mob nkeeg-------------dab phem dab tso

tsis ntshai hlo-----------tsuav tuaj txog xwb

Tsuav kom wb-------------tsuas tau sib pom

thov txoos mloom---------tim tswv teb chaws

kom sawv daws-----------los txhawb lub zog

mus txhob ntog-----------hlua tsis dawm taw

Mus txog chaw-------------uas muaj koj nyob

dej nag hlob--------------los kuv tsis txhawj

kev qhov zawj------------tiaj nrag suab puam

dab poj ruam--------------kuv tsis ntshai hlo

Vim tiam no------------------yog ib leeg tub

yuav ua pub-----------------rau tus poj niam

txhua txhua tiam----------mas thiaj tsim nyog

hais tias yog-------------ua txhawm kev hlub

Thov txhob ntxub--------nraug hmoob los tsuas

nws lam hluas--------------los tsis zoo nraug

tsis dawb paug----------------li koj siab xav

vim luag cav--------------nkauj hmoob me kas

Mes Xaus Tas--------------thiab Faus Lis Daj

siab zoo tshaj------------nkauj hmoob los tsuas

thiaj tuaj xyuas--------------tos koj ntawm no

vim tag nrho--------------hauv teb chaws nplog

Kuv mus txog-------------thiab mus ncig thoob

tej ntxhais hmoob----ntxhais nplog ntxhais khuaj

los tsis muaj----------------tus ntxim kuv siab

txiv Nraug Liab-------------thiaj kom kuv tuaj

Kom tuaj tshuaj-------------nej hmoob Me Kas

nrog tham mas---------------hais lus zoo tshaj

hais lus ncaj----------------tsis paub dag neeg

kuv thiaj ntseeg------------tuaj txog ntawm nov

Hais txog qhov------------koj tias phem ncawb

tsis ntxim tawb-----------------li luag lwm tus

koj leej nus---------------tsis need zoo nkauj

txawm poj nrauj--------------poj ntsuam los ib

Yeej tsis tib-----------------vim kuv npab nauj

kev zoo nkauj----------------yog hauv lub siab

thiaj tseem ntsiab-------------kav mus ib txhis

tsuas ib ntsis----------------yog zoo daim tawv

Yuav ploj pawv------------------zoo li huas cua

tsis txhob nqua-----------txhob txhawj nawb mog

vim koj yog--------------------hom zoo tob tob

thiaj kav nyob----------------laus nkoos ib tiam

Tsuav koj nyiam---------------thiab hlub kuv xwb

ntawm koj wb-----------------mam sib pab khwv

muab zog lwv-------------------ces yeej tau noj

tsuav muaj koj------------xwb thiab os leej muam!

Subject: Re: zaum no ces koj tsis txhob tos lawm Fri Aug 29, 2014 8:03 am

Cia kuv muaj sij hawm mam li teb koj nawb tijlaug Dabpobtawb a
Koj thiaj yog tus txawj tshaj li na Very Happy

Dab Pob Tawb wrote:: Nkauj hnub quab-------ua koj tsaug ntau
koj lam hau-----------kom kuv zoo siab
qhov tseem ntsiab----xyov puas muaj tiag
koj lam npliag------xyov puas yuav tseeb

Vim kuv xeeb-----------tau los tsis zoo
tsis muaj hmoo------thiaj nyob qha qhuav
luag tsis yuav--------thiaj nyob kho siab
qhov tseem ntsiab-------vim yog plab zais

Taub ntswg thais-------xws li ntswg npua
thiaj li ua------------rau kuv poob tsim
lub tswv yim-----------los kuv tsis muaj
tsuas lam tuaj-------ntaus kev phooj ywg

Ntsib tus twg---------luag tuav plig rawv
tsam nyiam lawv----------ho soj taug qab
ho mus thab-----------ncaj luag poj niam
luag rho riam--------txhoov yus cuag nqaij

Thiaj ntshai taij--------hais txoj kev hlub
thiaj lam qhub-----------hais lus yau yau
tsam hais ntau----------ces nruas to qhov
ces suav hnov---------suav ho hlais nplaig

Hais tsheej daig----------pov rau dev noj
ces yuav ploj---------hauav ntiaj teb mus
koj tus nus------------yog neeg tais caus
twb laus laus------------tsis tau xav tuag

Xav nrog luag---------muaj qhov chaw sov
thiaj tuaj zov-----------tos koj nkaus xwb
thov kom wb----------txoj hmoov ho sawm
tau ua nkawm--------------tau nyob ua ke

Kuv tsis ntse----------thiab tsis tsim txiaj
kev khwv nyiaj------------los kuv tsis paub
los mam rhaub----------dej wb ntxuag mov
tsuav siab sov----------muaj txoj kev hlub

Ces niam tub-----------yeej zoo siab lawm
tsis tas yawm---------saub foom txoj hmoo
kom tau zoo------------tshaj qhov kuv xav
ntuj yeej tshav-------tsuav muaj koj xwb os

Nkauj Hmoob E!!

Nkauj Hnub Qub------kuv paub zoo tshaj
koj lam daj---------tias tsis txawj hais
kuv qhaub cais----------koj tsis siv zog
twb vim yog----------koj tsis muaj siab

Tej lus tshiab-----------koj tsis xav sau
coj los rau----------thaub laus tau kawm
koj sij hawm--------los muaj tsawg tsawg
khiav daj lawg-------thaum koj nyeem tas

Tsis ua cas--------------kuv to taub zoo
kuv lam nroo---------seev suab thab nws
los txhob yws--------kuv tus phem ncawb
vim xav tawb------------koj xwb os mog

Yuav nco txog-------------koj lo lus zoo
ib txhwm nroo------hais txhawb kuv siab
mus ib txhiab----------ib puas vam xyoo
koj lub moo---------yuav nyob tsis khiav

thov txhob txiav---------wb txoj kev hlub
vim hmoob tub----------twb swm koj lawm
yog koj tawm----------ntawm nws lub hlwb
ces kawg npwb-----------tsis paub ua neeg
li os tus muad!

» Paub li tsis txhob tuaj
» Mam ua ib siab tsis txhob tuaj
» KUV COV PAJ HUAM
» Cas tsis pom nej tag lawm
» Yog Tsis Pom Kuv Lawm