zaum no ces koj tsis txhob tos lawm

Subject: zaum no ces koj tsis txhob tos lawm Thu Apr 12, 2012 9:15 am

First topic message reminder :

Txoj me kev deb ncua ntev
Yog luag ib leeg zoo sev
Ntshe nyob nrog koj los tsis zoo
Thiaj ua ib siab mus kom ntsiag moo

Zaum no ces kuv yuav ua hlo ib siab
Zaum no ces kuv mus nrog kua muag iab
Kuv txoj kev hlub tsis muaj nuj nqis
Cia mus mus kom tseg tau koj txhua hlis

Tseg cia kuv txoj kev hlub nrog koj nyob
Mam cia txoj kev kaj siab nrog koj sib txob
Kuv yuav mus tsis rov tuaj lawm mog
Kuv mam mus ua zoo ib leej niam tsev thiaj li yog

Kuv lub siab ua si mam sau zais cia
Yog ib hnub kuv rov mob mam khawb rov los cawm sia
Kuv lub siab tau tso tuaj ua si ntawm no
Kuv tso tseg yog ib hnub kuv nyob tsis muaj khub mam tig rov los nco

Mus lawm mog txoj kev kaj siab
Mus lawm tiam seb puas yuav rov pom koj dua thiab
Mus mam nqa koj nrog kuv lub siab zais
Thaum chim siab sev puas hnov koj rua ncauj nrog kuv sib hais

Subject: Re: zaum no ces koj tsis txhob tos lawm Fri Aug 29, 2014 6:09 pm

Ua li mas tus muam.

Subject: Re: zaum no ces koj tsis txhob tos lawm Fri Aug 29, 2014 8:06 pm

Dab Pob Tawb wrote:: NkaujHmoob, nkag khuav los nrog peb sau xwb mas lod! Nyob tos koj seev paj huam txhua sijhawm os. Peb ces lam tuaj qw kom 8tos8nco chav no sov tsev xwb.

Nyob zoo leej nus Dab Pob Tawb thiab phoojywg sawv daws ov. Tsis hais nej cov npe los yeej xav ntsoov txoj nej sawv daws thiab es yog los txog chav no lawm no ho los hais nyob zoo rau peb hauv no thiab.

Heheheehe......leej nus Dab Pob Tawb, nej tej muam no tsis txawj sau pajhuam li os
Yog sau lus ua phab ua pawg ma txawj kawg hov...heehehehe. Kuv sau kuv zaj xwb lam nyeem nawb

Leej nus Dab Pob Tawb
Koj yog ntuj tso los yog neeg yug
Cas yuav txawj sau pajhuam seev tau khosiab zim
Tuaj ntsib thiab pom lawm yeej tsis xav pub dim

Yog koj yog neeg yug
Koj niam thiab txiv noj dab tsis yug koj
Cas yuav yug tau koj txawj hais lus zoo ntxim siab ua luaj
Mloog koj tej pajhuam tag lub siab zoo hlo cuag neeg mob noj tshuaj

Xyoo no, yog ib xyoo zoo niaj mus zoo xyoo
Ntuj ua yom teb ua yees, lub ntuj nim yom koj lub siab tuaj pob nroos rau peb zos
Nim tuaj seev yuj yeej koj tej me pajntsha lus dho
Daws tau nkaujhmoob li peb siab nyob rov mus ciaj sia

Txawm Nkaujhmoob li kuv tsis paub nrog koj seev pajntsha lus dho los ntxias
Los thov lam nrog peb tham lus laug sijhawm
Ntau kev phoojywg nyob dua kev
Kom ntau tau nkaujhmoob li kuv xav ua neeg nyob mus ntev ntev....hehehee

Subject: Re: zaum no ces koj tsis txhob tos lawm Fri Aug 29, 2014 9:06 pm

Teb rau tus muam NkaujHmoob tus zoo lus:

Dab Pob Tawb leej niam leej txiv ces tsuas noj lis zoj txhooj mus ntsuag xyoob iab.

Thiaj xeeb zoj tau Dab Pob Tawb tus qhov ncauj loj kaus hniav mus ntsuab xiab.

Dab Pob Tawb Leej niam leej txiv ces tsuas noj lawm zoj tais mov mus ntse dej.

Thiaj txawm zoj tau Dab Pob Tawb lub plhu loj qhov muag khoob nyob tsis phim nej.

Nim nyiam nyiam mi NkaujHmoob li koj tsim dhuj dheev niaj dab tus npau ntub

Xav zoj tias kheev txoj hmoo rub tau koj los ua kuv tus hlub.

Nim nyiam nyiam NkaujHmoob li koj tsim dhuj dheev niaj dab tus npau suav.
Xav zoj zim tias kheev lam txoj hmoo rub tau nkauj hmoob li koj los rau kuv yuav.

Kuv ces tsis yog lawm zaj tub los ntuj tso.
Thiaj txawm zoj kuv lub cev ntaj xib ntsug tus phem ncawb plab zais thiab plhu o.

Kuv ces nim yog lawm neeg ntiaj teb ib leeg mus tub nrab.
Thiaj txawm zoj tau lub cev ntaj ntsug tsis xws neej ho xws dab.

Kho kho siab ces thiaj tuaj nthuav hais tej mi lus chim.
Thov kom muaj tiag txhob pub dab pob tawb li kuv no dim.

Kho kho siab ces thiaj tuaj seev hais txoj kev nco.
Ntsib zoj tau dab pob tawb xwb los thov txhob ntxub thiab txhob nto.

NkaujHmoob lo lus zoo deev zoj kuv siab lawm ncua kev deb.
Kuv thiaj kos khuav cwj mem luag lis ntxhi nqis los teb.

Nkaujhmoob lo lus zoo deev zoj tau kuv siab lawm ncua kev dav.
Kuv thiaj kos zoj zim cwj mem los nrog nkaujhmoob tham luag lis nyav.

Kheev lam dab pob tawb lam muaj lub zoo laj lim nqis tuaj qhia.
Yuav nrhiav zoj kuab muaj tsuag tuaj cawm nkaus nkaujhmoob li koj txoj sia.

Kheev lam dab pob tawb muaj zoo lub laj lim txawj seev los txawj qhub.
Dawb pob tawb yuav lauj tes xib nas tuaj kho nkaujhmoob li koj tus kab mob hlub.

Dab pob tawb nim tsis muaj zoo txuj los zoo ci.
Thiaj li tsis txawj saub txawj seev ua tau nkaujhmoob li koj nyob mus luag ntxhi.

Dab pob tawb nim tsis muaj zoo lub laj los tswv yim.
Thiaj daws tsis tau nkaujhmoo tus zoo nkauj li koj txoj kev chim.

Nim pom nkaujhmoob kos zoj zeeg kab ntawv mus zoo lus.
Ua rau dab pob tawb kaj siab lug thiab kab muaj plhus.

Nim pom nkaujhmoob kos zoj zeeg kab mus zoo ntawv.
Nim daws zoj tau dab pob tawb tus kab mus mob plawv.

Teb zoj nkaujhmoob li koj los txog txij no.
Lwm zaus tso li rov luj lees tuaj piav txoj niag kev mus sib nco.

Teb zoj nkaujhoob li koj los xaus tseg cia.
Lwm zaus tso li rov luj lees nkag tuaj piav qhia.

Subject: Re: zaum no ces koj tsis txhob tos lawm Sat Aug 30, 2014 4:37 pm

Ntuj yuas Hmoob tej tub Dab Pob Tawb

Cas koj niam thiab txiv nim noj tag lawm tej me ntsuag xyoob iab
Thiaj yug tau koj tus cev yiag txias tus zoo zoo ntxim nkaujhmoob li peb siab

Koj niam koj txiv nim noj tas lawm mus tais mov ntse dej
Nim txawj yug los txawj qhia, yuav qhia tau koj kheev tham los txawj ntse

Kho kho txiv leej tub li koj siab, nim tuaj tsa ncauj seev yees nrov ncha hauv hmongheaven chav
Nkaujhmoob ua zoo mloog tsis yog lawm lub suab dab los suab tsov
Nim yog tag Hmoob txiv leej tub Dab Pob Tawb li koj tus txawj seev pajhuam lus dho

Nkaujhmoob li kuv, niam thiab txiv txawj yug tsis txawj qhia
Nkaujhmoob thiaj tsis paub seev pajhuam los pajntsha tuaj hais pliag
Yuav ntau tsis tau txiv leej tub li koj lub me siab nkiag los plawv dhia

Nkaujhmoob li kuv niam thiab txiv txawj yug los tsis txawj tu
Tu tau nkaujhmoob loj hlo twb tsis txawj seev los hais lus mos
Xyov puas yuav tau tau txiv leej tub li koj txoj kev chim nrog lub siab nco

Txawm hais tsis zoo los txhob ntxub thiab thuam
Nkaujhmoob muaj coob koj mam mus nrhiav dua
Yog hos raug siab no wb mam pib tham kev hlub thiab nco

Tus me neeg no cas yuav tshaj li ua luaj laub
Hais sab twg feem twg los nws txawj tag li.....
Ntse kawg tsa chij ua ntej laub vim tswv yim tsis dav li koj na.....heehehehe
Ua tsaug rau koj lub sijhawm tuaj sau koj cov pajhuam nawb....Koj keej heev os.

Subject: Re: zaum no ces koj tsis txhob tos lawm Sat Aug 30, 2014 8:26 pm

Mam nyob koj mog nkaujhmoob tus ntxim tshua

Leg dej num tiav li rov luj lees nqis tuaj piv dua

Mam nyob koj mog nkaujhmoob tus dawb mos

Leg dej num tiav li rov luj lees tuaj nyob nov tos

» Paub li tsis txhob tuaj
» Mam ua ib siab tsis txhob tuaj
» KUV COV PAJ HUAM
» Cas tsis pom nej tag lawm
» Yog Tsis Pom Kuv Lawm