Subject: Re: Seev Kwv Txhiaj Fri Oct 26, 2012 6:23 am
Koj mas dag ua luaj li nab? Kuv xav mas kom Koj thiab tijlaug 8tos8nco neb coj mus cuab suab tuaj tso rau peb cov viv ncaus peb mloog hauv no zoo dua na.
Kuv mas suab zoo dhau lawm tsam neb hnov tsis muaj lub muaj log lawm xwb os
YwjSuab wrote:
8tos8nco......yog li peb mam li nyob tos koj tuaj hais nawb. Hauv no ces peb yeej tsis txawj tib yam los tsuas yog lam pauv subject kom muaj los tham xwb. Koj yuav tau kom Nkaujhnubqub cov kuv cov kwv txhiaj no coj mus seev ua suab tso rau hauv youtube ntshe yuav zoo heev li os vim Nkaujhnubqub lub suab zoo heev li laiv.....
Subject: Re: Seev Kwv Txhiaj Fri Oct 26, 2012 7:43 am
nkaujhnubqub wrote:
nij ye................. Peb ib zej tsoom me phooj ywg hmoob ntuj ceeb tsheej e... Cas xyoo no zoo niaj yog mus zoo xyoo, es peb plees nkauj nraum nyob txoog lias txoj me kev deb li yuam roj sua hneev tuaj mus sib ntsib rau hmongeaven lub mus chaw tshua, niam leej ntxhais Nkaujhnubqub ces twb tsis txawj paj ntsha lus taum li los lam nthuav zoj zeej lo me lus zoo tuaj mus sib caum nrog lawm me huab nrog lawm me cua. Peb ib zej tsoom me phooj ywg hmoob ntuj ceeb tsheej e... Cas xyoo no zoo niaj yog mus zoo xyoo, es peb plees nkauj nraum nyob txoog lias txoj me kev deb li yuam roj sua hneev tuaj mus sib ntsib rau hmongeaven lub mus zoo chaw, niam leej ntxhais Nkaujhnubqub ces twb tsis txawj paj ntsha lus taum li los lam nthuav zoj zeej lo me lus zoo tuaj mus sib caum nrog lawm me huab nrog lawm me cua nyob mus sib lawv.
Nij ye..........Peb ib zej tsoom me phooj ywg hmoob e...Ntshe twb yog xyoo no muaj tas lawm cua sov tuaj lawm ntxuj ntxiag hliv lawm lawm peb tej me nplooj siab nplooj ntsws kaj, es thiaj pom tas hmoob me leej tub tus caj so nciav muaj txuj lo txawj nthuaci yuav nthuav tuj li taws tuaj qhia rau peb mus lawm lawm zoo lus. Ntshe twb yog xyoo no muaj tas lawm cua sov tuaj lawm ntxuj ntxiag hliv lawm lawm peb tej me nplooj siab nplooj ntsws kiab, es thiaj pom tas hmoob me leej tub tus caj so nciav muaj txuj los txawj nthuav ci es yuav nthuav tuj li taws qhia rau peb me kev phooj ywg nyob tus.
Nij ye.......... peb me phooj ywg hmoob e...Cas Nraug hmoob YwjSuab es nim muaj zoo niam thiab mus zoo txiv qhub, nim yuav yug tau txiv nraug YwjSuab tau tus me zoo zoo ntxim hnia mus ntxim hlub, es nws nim muaj lub laj lim plab plaw sau paj ntsha lus taum tuaj pub peb txhua. Ntshe nkaujhnubqub nim nyob siab siab los twb muaj zoo niam yug los tsis muaj zoo txiv qhuab, ntshe niam ntxhais li kuv nws lub me laj lim tswv yim tsua nyob ya nrog huab, ces ntshe tsuas muab zoj zeej lawv tej me tub tej me ntawv sau cia los ua lub chaw tshua.
peb me phooj ywg hmoob e...Cas Nraug hmoob YwjSuab es nim muaj zoo niam thiab mus zoo txiv qhia, nim yuav yug tau txiv nraug YwjSuab tau tus me zoo zoo ntxim hlub mus ntxim hnia, es nws nim muaj lub laj lim plab plaw sau paj ntsha lus taum tuaj pub peb sawv daws.Ntshe nkaujhnubqub nim nyob siab siab los twb muaj zoo niam yug los tsis muaj zoo txiv qhuab, ntshe niam ntxhais li kuv nws lub me laj lim tswv yim tsua nyob ya nrog huab, ces ntshe tsuas muab zoj zeej lawv tej me tub tej me ntawv sau cia los ua lub chaw tsaws.
Nij ye.....Peb me phooj ywg hmoob e....Cua tuaj ces yuav cia lawm cua ntxuaj, cua yuav ntxuaj ntxiag hliv laws niam leej ntxhais nkaujhnubqub tej me hlab siab lawm tej mus sis zawv lawm tuj tiag, Ntshe niam leej ntxhais yuav txia zoj zees mus ua nplooj xyoob nrog lawm nplooj ntoo ya kom tau sib law liag. Peb xav yeeb phooj ywg plees nkauj nraum zoo luaj no, ces ntshe Nkaujhnubqub twb muaj siab tiag tiag ces thiaj tsa lub ncauj nrog lawm YwjSuab txua lawm lo lus hlub mus lawm lo lus nco. Peb me phooj ywg hmoob e....Cua tuaj ces yuav cia lawm cua ntxuaj, cua yuav ntxuaj ntxiag hliv laws niam leej ntxhais nkaujhnubqub tej me hlab siab lawm tej mus tuj tiag lawm sis zawv , Ntshe niam leej ntxhais yuav txia zoj zees mus ua nplooj xyoob nrog lawm nplooj ntoo ya kom tau sib lawv. Peb xav yeeb phooj ywg plees nkauj nraum zoo luaj no lawm tej sis ntxhub, ces ntshe Nkaujhnubqub twb muaj siab tiag tiag ces thiaj tsa lub ncauj nrog lawm YwjSuab txua lawm lo lus hlub mus lawm lo lus hlub.
Ntshe yuav xaus xis lub mus ntsis ntsuag, hmoob leej tub li koj tsis muaj siab ltiag ces txhob txawj zab tsam niam nkaujhnubqub nplooj siab ho ntuag... Ntshe yuav xaus xis lub mus ntsis cob, hmoob leej tub li koj tsis muaj siab ltiag ces txhob txawj zab tsam niam nkaujhnubqub nplooj siab ho mob...
hehehe lawm sim sau ua si xwb os cov phooj ywg nej tuaj nrog kuv sau thiab nawb kuv thiaj muaj siab kawm nawb
Teb tuaj lauj YwjSuab
Koj mas txawj hais kawg yom Nkaujhnubqub ua zoo tsam raug tos kev zij nawb....
Nij yai.....xyoo no ntuj teb ntuj tiag yuas hmoob sib me ntxhais Nkaujhnubqub txhia niaj lawm txhia xyoo nyob ntuj txoog kev deb es nyob kev deb tuj tiag tuaj mus kev quas tsug, txiv leej tub los tsuas hnov lawm niam leej ntxhais li koj seev suab hos koj los tsuas hnov kuv nyob hais lus xyoo no ntoj taws tuaj sib ntsib hauv hmoob ceeb tsheej koj puas kam nrog txiv leej tub li kuv no mus ywj ntug. Cas xyoo no ntuj teb ntuj tiag yuas hmoob sib me ntxhais Nkaujhnubqub txhia niaj lawm txhia xyoo nyob ntuj txoog kev deb es nyob kev deb tuj tiag tuaj mus kev quas zeb, txiv leej tub los tsuas hnov lawm niam leej ntxhais li koj lo me lus hos koj los tsuas hnov kuv nyob seev suab xyoo no ntoj taws tuaj sib ntsib hauv hmoob ceeb tsheej koj puas kam nrog txiv leej tub li kuv no mus ywj teb.
Nij yai.....txiv tub tias ntuj txoog los thaum ub nyob ntuj txoog kev deb tshav ntuj nraum sib nrig es kuv nim tsuas hnov koj lub suab lus phim lawm koj lub suab qhub es deeg duj daws tuaj rau txiv leej tub li kuv no siab mob ntsim txhi tam ntua dej kub hlab hluas taws kub kuv nim mus pw ntuj ntsim ib tag hmo phov kuj khuav lawm tsis tuaj ib tug dab ntub, es xyoo no wb ntoj taws los sib ntsib koj puas nrog tau lawm txiv leej tub mus zaum teej tus sib ntua tham ntxuj txeeg lias tuaj lawm ib hnub seb koj thiab kuv no puas ntaus tau kev phooj ywg los sib hlub. Txiv tub tias ntuj txoog los thaum ub nyob ntuj txoog kev deb tshav ntuj nraum sib nrig es kuv nim tsuas hnov koj lub suab lus phim lawm koj lub suab seev es deeg duj daws tuaj rau txiv leej tub li kuv no siab mob ntsim txhi tam ntua dej kub hlab xyuas riam hno kuv nim mus pw ntuj ntsim ib tag hmo phov kuj khuav lawm tsis tsaug zog, es xyoo no wb ntoj taws los sib ntsib koj puas nrog tau lawm txiv leej tub mus zaum teej tus sib ntua tham ntxuj txeeg lias tuaj lawm ib hmo seb koj thiab kuv no puas ntaus tau kev phooj ywg nplooj siab nco.
Nij yai.....ntuj teb yuav lawm tej me hmoob cas hli tuaj los hli ci ces hli yuav ci vuj vuas tuaj rau kuv leej niam leej txiv lub chaw txuj nyob mus chob koob, niam leej ntxhais Nkaujhnubqub es txiv leej tub li Ywjsuab ncauj daj tsis dag es tsis lam hais ua si tsis hais dag kom niam leej ntxhais li Nkaujhnubqub li koj lub niag kua muag poob. Ntuj teb yuav lawm tej me hmoob cas hli tuaj los hli ci ces hli yuav ci vuj vuas tuaj rau kuv leej niam leej txiv lub chaw txuj nyob mus chob xo, niam leej ntxhais Nkaujhnubqub es txiv leej tub li Ywjsuab ncauj daj tsis dag es tsis lam hais ua si tsis hais dag kom niam leej ntxhais li Nkaujhnubqub li koj lub niag kua muag nrog.
Yuav zoo lub laj xeeb nyog xaus xi toj lug tai toj nqi roob hiav, tsis daj tiag txhob dag tuaj tsam Nkaujhnubqub tsis muaj kev khiav.
Last edited by YwjSuab on Fri Oct 26, 2012 10:42 am; edited 1 time in total
Subject: Re: Seev Kwv Txhiaj Fri Oct 26, 2012 7:47 am
nkaujhnubqub wrote:
Koj mas dag ua luaj li nab? Kuv xav mas kom Koj thiab tijlaug 8tos8nco neb coj mus cuab suab tuaj tso rau peb cov viv ncaus peb mloog hauv no zoo dua na.
Kuv mas suab zoo dhau lawm tsam neb hnov tsis muaj lub muaj log lawm xwb os
Nkaujhnubqub.....koj lub suab zoo dua 8tos8nco wb lawm na kuv thiaj li tsa tus ntiv tes rau koj kom koj seev suab es 8tos8nco coj tuaj post rau peb mloog laug lawm lub nyiaj quas lawm lub xyoo no os.....
Kuv tsis txawj hais kwvtxhiaj tiag ho. Kheev kuv lam txawj hais kwvtxhiaj no kuv yeej kam hais kawg es txawj qeej hnov qeej lov nruas hnov nruas tos qhov los nws to nws es kuv hais kuv xwb vim kuv kho siab heev ne. Tab kuv tsis txawj hais ces kho siab npaum li cas los kuv hais tsis tau li os. Cia kuv mam nqa lawv li os rau wb mloog xwb ma. Kuv nyiam lub suab ntawm daim video koj nqa los thiab ma. Mloog zaj no thiab kuv nyiam cov suab kwv txhiaj no thiab.
YwjSuab wrote:
Nkaujhmoob....twb txawj kawm tsis kam hais xav ntshais tsam qeej hnov qeej lov nruas hnov nruas to qhov xwb sav....hahahaha.. Cov suab kwv txhiaj li ko kuv kuj nrog koj nyiam thiab tiag tiam sis yog koj seev kiag no ntshe yuav zoo dua pob Nkaujhmoob. Koj puas nrog kuv nyiam cov suab kwv txhiaj no thiab ma......
Subject: Re: Seev Kwv Txhiaj Mon Oct 29, 2012 6:42 am
YwjSuab wrote:
Koj mas txawj hais kawg yom Nkaujhnubqub ua zoo tsam raug tos kev zij nawb....
Nij yai.....xyoo no ntuj teb ntuj tiag yuas hmoob sib me ntxhais Nkaujhnubqub txhia niaj lawm txhia xyoo nyob ntuj txoog kev deb es nyob kev deb tuj tiag tuaj mus kev quas tsug, txiv leej tub los tsuas hnov lawm niam leej ntxhais li koj seev suab hos koj los tsuas hnov kuv nyob hais lus xyoo no ntoj taws tuaj sib ntsib hauv hmoob ceeb tsheej koj puas kam nrog txiv leej tub li kuv no mus ywj ntug. Cas xyoo no ntuj teb ntuj tiag yuas hmoob sib me ntxhais Nkaujhnubqub txhia niaj lawm txhia xyoo nyob ntuj txoog kev deb es nyob kev deb tuj tiag tuaj mus kev quas zeb, txiv leej tub los tsuas hnov lawm niam leej ntxhais li koj lo me lus hos koj los tsuas hnov kuv nyob seev suab xyoo no ntoj taws tuaj sib ntsib hauv hmoob ceeb tsheej koj puas kam nrog txiv leej tub li kuv no mus ywj teb.
Nij yai.....txiv tub tias ntuj txoog los thaum ub nyob ntuj txoog kev deb tshav ntuj nraum sib nrig es kuv nim tsuas hnov koj lub suab lus phim lawm koj lub suab qhub es deeg duj daws tuaj rau txiv leej tub li kuv no siab mob ntsim txhi tam ntua dej kub hlab hluas taws kub kuv nim mus pw ntuj ntsim ib tag hmo phov kuj khuav lawm tsis tuaj ib tug dab ntub, es xyoo no wb ntoj taws los sib ntsib koj puas nrog tau lawm txiv leej tub mus zaum teej tus sib ntua tham ntxuj txeeg lias tuaj lawm ib hnub seb koj thiab kuv no puas ntaus tau kev phooj ywg los sib hlub. Txiv tub tias ntuj txoog los thaum ub nyob ntuj txoog kev deb tshav ntuj nraum sib nrig es kuv nim tsuas hnov koj lub suab lus phim lawm koj lub suab seev es deeg duj daws tuaj rau txiv leej tub li kuv no siab mob ntsim txhi tam ntua dej kub hlab xyuas riam hno kuv nim mus pw ntuj ntsim ib tag hmo phov kuj khuav lawm tsis tsaug zog, es xyoo no wb ntoj taws los sib ntsib koj puas nrog tau lawm txiv leej tub mus zaum teej tus sib ntua tham ntxuj txeeg lias tuaj lawm ib hmo seb koj thiab kuv no puas ntaus tau kev phooj ywg nplooj siab nco.
Nij yai.....ntuj teb yuav lawm tej me hmoob cas hli tuaj los hli ci ces hli yuav ci vuj vuas tuaj rau kuv leej niam leej txiv lub chaw txuj nyob mus chob koob, niam leej ntxhais Nkaujhnubqub es txiv leej tub li Ywjsuab ncauj daj tsis dag es tsis lam hais ua si tsis hais dag kom niam leej ntxhais li Nkaujhnubqub li koj lub niag kua muag poob. Ntuj teb yuav lawm tej me hmoob cas hli tuaj los hli ci ces hli yuav ci vuj vuas tuaj rau kuv leej niam leej txiv lub chaw txuj nyob mus chob xo, niam leej ntxhais Nkaujhnubqub es txiv leej tub li Ywjsuab ncauj daj tsis dag es tsis lam hais ua si tsis hais dag kom niam leej ntxhais li Nkaujhnubqub li koj lub niag kua muag nrog.
Yuav zoo lub laj xeeb nyog xaus xi toj lug tai toj nqi roob hiav, tsis daj tiag txhob dag tuaj tsam Nkaujhnubqub tsis muaj kev khiav.
Txiv leej tub, ntshe yog mi noog nkauj yaj yuam dheeb kab kuj khuav tuaj txoj tim toj,es ntshe yuav pom tau me laus noog yam yuam tus tw nthuav zoo nkauj lawm tej me sis zoj. Niam nkaujhnubqub ces twb tsis niam zoo luaj twg tsam txiv leej tub li koj ncauj npliag lias nyob tuaj qab zib txaus, Ntshe niam nkaujhnubqub xav raws los ntshai tib ruj rwg tsam txiv leej tub li koj daj niam leej ntxhais koj tsis xav sau. Txiv leej tub, ntshe yog mi noog nkauj yaj yuam dheeb kab kuj khuav tuaj txoj tim tim dawm,es ntshe yuav pom tau me laus noog yaj yuam tus tw nthuav zoo nkauj lawm tej me sis zawv. Niam nkaujhnubqub ces twb tsis niam zoo luaj twg tsam txiv leej tub li koj ncauj npliag lias nyob tuaj qab zib txhua, Ntshe niam nkaujhnubqub xav raws los ntshai tib ruj rwg tsam txiv leej tub li koj daj niam leej ntxhais xwb tsis xav yua.
Ntuj teb yuav txiv leej tub niam nkaujhnubqub nyob zoo tam ntua tus me ntse nrhiav dej da, Yog Dej ntws txog hiav txwv tu ntug dej txaws, los me nkaujhnubqub yeej yuav rawm kom tau tu me dej mus txog ntuj kawg. Ntuj teb yuav txiv leej tub niam nkaujhnubqub nyob zoo tam ntua tus me ntse nrhiav dej da, Yog Dej ntws txog hiav txwv ntuj ntas, los me nkaujhnubqub yeej yuav rawm kom tau tu me dej mus txog ntuj kawg thiaj li yuas tas.
Txiv leej tub, plees nkauj nraum zoo luaj no yog koj ho muaj siab tiag los mam pib muab zoj me daim me teb liaj coj los wb xyaum nthua, cia wb xab yeeb xuam phooj ywg lam nyob sib raws ncuj li nciav seb puas yuav muaj txoj hmoo los sib sua. es seb lub ntuj puas pab lub teb puas kheev, wb mam yuj lias tuav tes ruj rawv mus nce ntiaj teb tus me ntaiv kub, seb muaj tau mus nyob ncig ntuj lawm mus ncig teb nrog koj na me txiv leej tub. Txiv leej tub, plees nkauj nraum zoo luaj no yog koj ho muaj siab tiag los mam pib muab zoj me daim me teb liaj coj los wb xyaum ncaws, cia wb xab yeeb xuam phooj ywg lam nyob sib raws ncuj li nciav seb puas yuav muaj txoj hmoo los sib qaws. es seb lub ntuj puas pab lub teb puas kheev, wb mam yuj lias tuav tes ruj rawv mus nce ntiaj teb tus me ntaiv nyiaj, seb muaj tau mus nyob ncig ntuj lawm mus ncig teb nrog koj na me txiv leej tub tus muaj txiaj.
Txiv leej tub, Cas me noog txawj ya es yuav ya luj ya lis puv ntuj, kuv niam ntxhais no tsis txawj ya ces niaj hnub tos txiv leej tus li koj seb puas kam nrog lawm niam leej ntxhais ua muj. Yog txiv leej tub li koj siab hais tej sib tiag ces cia niam leej ntxhais mam txia li ntshis ua mi huab me cua es ntshe yuav lug toj lug pe tuaj seb puas tau nrog lawm koj sib cuag, seb niam leej ntxhais thiab txiv leej tub puas tau tuav tes rawv mus ntsuam ntiaj teb no lawm ib muag. Txiv leej tub, Cas me noog txawj ya es yuav ya luj ya lis puv ntuj loo, kuv niam ntxhais no tsis txawj ya ces niaj hnub tos txiv leej tus li koj seb puas kam nrog lawm niam leej ntxhais ua 1 zaug phooj ywg zoo. Yog txiv leej tub li koj siab hais tej sib tiag ces cia niam leej ntxhais mam txia li ntshis ua mi huab me cua es ntshe yuav lug toj lug pe tuaj seb puas tau nrog lawm koj sib ntsib, seb niam leej ntxhais thiab txiv leej tub puas tau tuav tes rawv mus ntsuam ntiaj teb no lawm ib thib.
Txiv leej tub ntshe yuav muab xaus li zoj rau daim me mus nplooj ntxuam, es niam leej txhais tsis txawj sau nrog cuab suab los tsis txhob luag los tsis txhob thuam. Txiv leej tub ntshe yuav muab xaus li zoj rau daim me mus nplooj xyoob, es niam leej txhais tsis txawj sau nrog cuab suab los tsis txhob thuam los tsis txhob luag.