Seev Kwv Txhiaj

Subject: Seev Kwv Txhiaj Mon Oct 22, 2012 10:36 am

First topic message reminder :

Kwv txhiaj qhib rooj rau ib tsoom phooj ywg nkauj muam nraug nus s/d tuaj laug sib hawm ua si...........

Niam yais ib tsoom me phooj ywg nkauj muam nraug nus ua cas hmo no yuav zoo niaj mus zoo hmo ntshai yuav yog tau lawm hmoob ceeb tsheej kev phooj kev ywg txog kev nkauj kev nus txawm, Ywjsuab yuav qhib rooj qas lug rau ib zej tsoom nkauj muam nraug nus laus hluas tuaj mus thuav ntawv.
Niam yais ib tsoom me phooj ywg nkauj muam nraug nus ua cas hmo no yuav zoo niaj mus zoo hmo ntshai yuav yog tau lawm hmoob ceeb tsheej kev phooj kev ywg txog kev nkauj kev nus txais, Ywjsuab yuav qhib rooj qas lug rau ib zej tsoom nkauj muam nraug nus laus hluas tuaj mus sib hais.

Peb ib tsoom phooj ywg nkauj muam nraug nus ces yuav zoo tam lis ntua tus niaj coob tom niaj ncuas yuav dhia li rhees tsaws lis ntua tus ntsis nroj, kuv xav nrog koj hais tuj tiag ces kuv cev zoj lawm niaj ib sob lus tuaj rau koj.
Peb ib tsoom phooj ywg nkauj muam nraug nus ces yuav zoo tam lis ntua tus niaj coob tom niaj ncuas yuav dhia li rhees tsaws lis ntua tus ntsis suv, koj xav nrog kuv hais tuj tiag ces koj cev zoj lawm niaj ib sob lus tuaj rau koj.

Peb ib tsoom phooj ywg nkauj muam nraug nus niam nkauj txawg txawj txawg ces yuav txawg lis zoj tuaj rau nruab rwb txiv nraug txawg txawj txawg ces yuav txawg lis zoj tuaj rau nruab paig, tus me paj ntsha lus taum ces tsis yog niam nkauj txawg yuav hais kom txiv nraug txawg tais.
Peb ib tsoom phooj ywg nkauj muam nraug nus niam nkauj txawg txawj txawg ces yuav txawg lis zoj tuaj rau nruab paig txiv nraug txawg txawj txawg ces yuav txawg lis zoj tuaj rau nruab rwb, tus me paj ntsha lus taum ces tsis yog txiv nraug txawg yuav hais kom niam nkauj txawg swb.

Peb ib tsoom phooj ywg nkauj muam nraug nus ces yuav zoo tam lis ntua rev paj tawg lis zees tuaj rau saum nqaj txi txiv lis zoj tuaj mus sib ntsuas, peb tsuas hais tus paj ntsha lus taum tas li peb kev phooj ywg nkauj muam nraug nus nyob tuaj mus sib cuag.
Peb ib tsoom phooj ywg nkauj muam nraug nus ces yuav zoo tam lis ntua rev paj tawg lis zees tuaj rau saum nqaj txi txiv lis zoj tuaj mus sib ib, peb tsuas hais tus paj ntsha lus taum tas li peb kev phooj ywg nkauj muam nraug nus nyob tuaj mus sib ntsib.

Peb ib tsoom phooj ywg nkauj muam nraug nus cas nkauj hnub tuaj ces hnub ziab nraug hli tuaj ces hli ci yuav ci vuj vus tuaj tim hav twm, peb ib tsoom me plees nkauj nraum hais tus paj ntsha lus taus ces yuav hais raws li kev sib swm.
Peb ib tsoom phooj ywg nkauj muam nraug nus cas nkauj hnub tuaj ces hnub ziab nraug hli tuaj ces hli ci yuav ci vuj vus tuaj tim hav zaub, peb ib tsoom me plees nkauj nraum hais tus paj ntsha lus taus ces yuav hais raws li kev sib paub.

Peb ib tsoom phooj ywg nkauj muam nraug nus hmo no yuav tsis yog lawm hmoob ceeb tsheej ib cim mus paj tsiab ntshai peb ib tsoom phooj ywg nkauj muam nraug nus yuav tsis tau hais tus paj ntsha lus taum tuav tes ruj rawv lawm tej mus sib niab, peb yuav hais tus paj ntsha lus taum raws li peb txoj kev mus kaj siab.
Peb ib tsoom phooj ywg nkauj muam nraug nus hmo no yuav tsis yog lawm hmoob ceeb tsheej ib cim mus paj tsiab ntshai peb ib tsoom phooj ywg nkauj muam nraug nus yuav tsis tau hais tus paj ntsha lus taum tuav tes ruj rawv lawm tej mus sib zawv, peb yuav hais tus paj ntsha lus taum raws li peb txoj kev mus kaj plawv.

Yuav zoo lub laj xeeb tis ua xais, ntaus ntiag peb tsoom phooj ywg nkauj muam nraug nus no lub suab hais.

Subject: Re: Seev Kwv Txhiaj Wed Nov 07, 2012 4:05 am

Nkaujhnubqub,

Koj na hais tau haib npaum li ko tsam kuv mus pw ua npau suav toog pom koj nawb...... Embarassed

Nyiaj yai cas nim ua nkauj nraug qas yeev nyob rau lub niag nroog hmoob ceeb tsheej ces me niam Nkaujhnubqub hnav tag lawm leej niam leej txiv lub tiab teb nram taw ces zoo dhoog duj daws tuaj rau txiv leej tub li kuv 48 ntxuj plawv es tawm plaws ces ntsia ntsoov rab teb me no tus me tooj zeb toj tsua yuav laug taw teb ntsuj ntsaws ua nre ntawv, niam leej ntxhais hais kho siab ua luaj lawm li no tawm rooj plaws ces koj npab tsis cia rau qab zej ntho koj tes tsis cia rau qaub zej tsawv tav ntuj tav no ces txiv nraug Ywjsuab li kuv no thiaj li tau rub siab ntuj nrag li sib ntev yuav tos ntua Nkaujhnubqub rau lub caij ntuj tshiab ncig lees rov mus rau ntuj nag paj xyoob txiv ntoo tawm ua ntshua tas tej niag sib zawv txiv tub haj rub siab ntuj ntev tos zov koj niam Nkaujhnubqub li rawv ni.
Cas nim ua nkauj nraug qas yeev nyob rau lub niag nroog hmoob ceeb tsheej ces me niam Nkaujhnubqub hnav tag lawm leej niam leej txiv lub tiab teb nram kiab ces zoo dhoog duj daws tuaj rau txiv leej tub li kuv 48 ntxuj siab es tawm plaws ces ntsia ntsoov rab teb me no tus me tooj zeb toj tsua yuav laug taw teb ntsuj ntsaws ua nre ciab, niam leej ntxhais hais kho siab ua luaj lawm li no tawm rooj plaws ces koj npab tsis cia rau qab zej ntho koj tes tsis cia rau qaum zej tsawv tav ntuj tav no ces txiv nraug Ywjsuab li kuv no thiaj li tau rub siab ntuj nrag li sib ntev yuav tos ntua Nkaujhnubqub rau lub caij ntuj tsaus tig lees rov mus rau ntuj tshiab paj xyoob txiv ntoo tawm ua ntshua tas tej naig sib niab txiv tub haj rub siab ntuj ntev tos zov koj tag los tseem zov thiab mog.

Niaj yai cas koj niam koj txiv yug koj ces yuav yug koj tawm 7 hli tsis tawm ntuj kub es muaj koj hu ua niam Nkaujhnubqub cas kuv leej niam leej txiv yug kuv 7 hli tsis tawm ntuj ntsuab es muab kuv hu ua txiv nraug Ywjsuab ces txiv nraug Ywjsuab nyob ntuj toog lais txoj niag kev deb es ntoj taws xyua yeej tuaj txog seev tej yuj yees tias me maiv muam Nkaujhnubqub es zaum no kuv hnov tag lawm koj suab es koj hnov tag lawm kuv ntxhiab, kuv puas yuav zoo tau lawm me muam Nkaujhnubqub li koj nplooj me siab kiab qhia kiag tuaj rau txiv leej tub tau paub tias koj nplooj siab nplooj ntsws kaws tau lawm nraug Ywjsuab zais tuj tiag rau koj tus dab ntub npau suav ntsiab ni.
Cas koj niam koj txiv yug koj ces yuav yug koj tawm 7 hli tsis tawm ntuj kub es muaj koj hu ua niam Nkaujhnubqub cas kuv leej niam leej txiv yug kuv 7 hli tsis tawm ntuj ntsuab es muab kuv hu ua txiv nraug Ywjsuab ces txiv nraug Ywjsuab nyob ntuj toog lais txoj niag kev deb es ntoj taws xyua yeej tuaj txog seev tej yuj yees tias me maiv muam Nkaujhnubqub es zaum no kuv hnov tag lawm koj suab es koj hnov tag lawm kuv seev, kuv puas yuav zoo tau lawm me muam Nkaujhnubqub li koj nplooj me plawv ceev qhia kiag tuaj rau txiv leej tub tau paub tias koj nplooj siab nplooj ntsws kaws tau lawm nraug Ywjsuab zais tuj tiag rau koj tus dab ntub npau suav deev yuas.

Nyiaj yai vim koj ua nkauj qa yeev nyob rau zoov lug laj li teev toj puam pem toj nto, koj siab daj ncauj tsis deev tiag txhob dag ntuj tsaus zuj zus kuv ua zaj ua ntxeev nco koj ces ntshe yuav mus muab leej niam leej txiv lub lub txaj lub chaw phov zuj zog pw tsis tsaug zog ces yuav nyiaj tshaib mus tiv no tuaj zov Nkaujhnubqub lawm hmoob ceeb tsheej ntuj teb ntuj tag hmo nco ni.
Vim koj ua nkauj qa yeev nyob rau zoov lug laj li teev toj puam pem toj ncaib, koj siab daj ncauj tsis deev tiag txhob dag ntuj tsaus zuj zus kuv ua zaj ua ntxeev tshua koj ces ntshe yuav mus muab leej niam leej txiv lub lub txaj lub chaw phov zuj zog pw tsis tuaj ib tug dab ntub ces yuav nyiaj no mus tiv tshaib tuaj zov Nkaujhnubqub lawm hmoob ceeb tsheej ntuj teb ntuj tag hmo tos raws saib yuav.

Ces nim yuav zoo siab ua luj li no xaus li xi rau toj taim toj lub mus zoov dub, zaj no ces hais kiag coj nkaus rau me muam Nkaujhnubqub.[/quote]

Nij yai ............ txiv leej tub, Ntshe yog koj niam koj txiv txawj yug koj es txawj txawb, yuav muab koj txawb ntuas saum leej niam leej txiv lub me phaj kub, nyob ntiaj teb no zaum no kuv thiaj pom tau lawv tej me tub tus zoo hlub.
Ntuj teb ya txib leej tub, Ntshe yog koj niam koj txiv txawj yug koj es txawj txawb, yuav muab koj txawb ntuas saum leej niam leej txiv lub me phaj nyiag, nyob ntiaj teb no zaum no kuv thiaj pom tau lawv tej me tub tus txawj npliag.

nij yai...........txiv leej tub, Me noog qwv qwg yam lawm cuaj ntwg, ya loj ya li nyob lawm ntuj ntsuab, leej tub li koj leej niam txawj yug lawm txawj tu thiaj tu tau tus me qab zib txawj tas paj nthsa lub taum zoo tiag, es niam leej ntxhais li kuv thiaj xav caum li zoj mloog lawm koj lub mus zoo suab xav nrog lawm koj npliag.
Ntshe me noog qwv qwg yam lawm cuaj ntwg, ya loj ya li nyob lawm ntuj kaj, leej tub li koj leej niam txawj yug thiaj yug tau tus me qab zib txawj tas paj nthsa lub taum zoo tiag li, es niam leej ntxhais li kuv thiaj xav caum li zoj mloog lawm koj lub zoo suab lawm zoo zaj xav nrog lawm koj ntxhi.

nij yai......Peb kev khaub plees nkauj nraug zoo luaj no tiag es yuav tawg paj ua ntshua zaj txi txiv zoo de noj, txiv leej tub kuv hno koj ntxhiab pom lawm koj hneev los xyov koj ncauj npliag lias siab xav tau lawm sib tiag, yam yog ua tau es yog niam leej ntxhais caum koj no koj puas yuav xav hlub thiab xav coj.
Peb kev khaub plees nkauj nraug zoo luaj no tiag es yuav tawg paj ua ntshua zaj txi txiv zoo de tuav, txib leej tub kuv hno koj ntxhiab pom lawm koj hneev los xyov koj ncauj npliag lias siab xav tau lawm sib tiag, yam yog ua tau es yog leej ntxhais caum luag leej tub li koj no puas yua xav hlub thiab xav yuav.

Yuav muab xaus li xis leej niam leej txi tus yees nthab, niam ntxhais yuav nyob tos ntsoov txiv leej tub me nraug YwjSuab lo me lus zib ntab.
Ntshe yuav muab xaus li xis leej niam leej txi tus yees tsev, niam ntxhais yuav nyob tos ntsoov txiv leej tub nraug YwjSuab lo me lus qab mev om

Thov txim os kuv tsis muaj sij hawm ntau thiaj tsis tau tuaj teb ntxov xwb os thov zam txim nawb tijlaug Ywjsuab.

Subject: Re: Seev Kwv Txhiaj Thu Nov 08, 2012 7:13 am

nkaujhnubqub wrote:: Nij yai ............ txiv leej tub, Ntshe yog koj niam koj txiv txawj yug koj es txawj txawb, yuav muab koj txawb ntuas saum leej niam leej txiv lub me phaj kub, nyob ntiaj teb no zaum no kuv thiaj pom tau lawv tej me tub tus zoo hlub.
Ntuj teb ya txib leej tub, Ntshe yog koj niam koj txiv txawj yug koj es txawj txawb, yuav muab koj txawb ntuas saum leej niam leej txiv lub me phaj nyiag, nyob ntiaj teb no zaum no kuv thiaj pom tau lawv tej me tub tus txawj npliag.

nij yai...........txiv leej tub, Me noog qwv qwg yam lawm cuaj ntwg, ya loj ya li nyob lawm ntuj ntsuab, leej tub li koj leej niam txawj yug lawm txawj tu thiaj tu tau tus me qab zib txawj tas paj nthsa lub taum zoo tiag, es niam leej ntxhais li kuv thiaj xav caum li zoj mloog lawm koj lub mus zoo suab xav nrog lawm koj npliag.
Ntshe me noog qwv qwg yam lawm cuaj ntwg, ya loj ya li nyob lawm ntuj kaj, leej tub li koj leej niam txawj yug thiaj yug tau tus me qab zib txawj tas paj nthsa lub taum zoo tiag li, es niam leej ntxhais li kuv thiaj xav caum li zoj mloog lawm koj lub zoo suab lawm zoo zaj xav nrog lawm koj ntxhi.

nij yai......Peb kev khaub plees nkauj nraug zoo luaj no tiag es yuav tawg paj ua ntshua zaj txi txiv zoo de noj, txiv leej tub kuv hno koj ntxhiab pom lawm koj hneev los xyov koj ncauj npliag lias siab xav tau lawm sib tiag, yam yog ua tau es yog niam leej ntxhais caum koj no koj puas yuav xav hlub thiab xav coj.
Peb kev khaub plees nkauj nraug zoo luaj no tiag es yuav tawg paj ua ntshua zaj txi txiv zoo de tuav, txib leej tub kuv hno koj ntxhiab pom lawm koj hneev los xyov koj ncauj npliag lias siab xav tau lawm sib tiag, yam yog ua tau es yog leej ntxhais caum luag leej tub li koj no puas yua xav hlub thiab xav yuav.

Yuav muab xaus li xis leej niam leej txi tus yees nthab, niam ntxhais yuav nyob tos ntsoov txiv leej tub me nraug YwjSuab lo me lus zib ntab.
Ntshe yuav muab xaus li xis leej niam leej txi tus yees tsev, niam ntxhais yuav nyob tos ntsoov txiv leej tub nraug YwjSuab lo me lus qab mev om

Thov txim os kuv tsis muaj sij hawm ntau thiaj tsis tau tuaj teb ntxov xwb os thov zam txim nawb tijlaug Ywjsuab.

Nkaujhnubqub.....koj seev tau zoo npaum li no lawm koj tsis ntshai tsam hmoob ceeb tseej deeg lov... Evil or Very Mad

Niaj yai.....ib sim neej no os luag tej hmoob txiv leej tub niam thiab txiv twb tsis txawj yug txiv leej tub es thiaj li yug tau lawm kuv txiv leej tub tuaj ntawm ntug cub, txiv leej tub loj hlob los thiaj li zoo tam ntua tus me khej dub zoo tsis cuag niam leej ntxhais li nej tus me hlub xyov nej puas yuav kam lees txiv leej tub li kuv no mus ua lawm nej tus zoo khub ni.
Ib sim neej no os luag tej hmoob txiv leej tub niam thiab txiv twb tsis txawj yug txiv leej tub es thiaj li yug tau lawm kuv txiv leej tub tuaj ntawm npoo tsua, txiv leej tub loj hlob los thiaj li zoo tam ntua tus me liab cuam zoo tsis cuag niam leej ntxhais li nej tus me qhua xyov nej puas yuav kam lees txiv leej tub li kuv no mus ua lawm nej tus zoo tshua yuas.

Niaj yai.....niam leej ntxhais Nkaujhnubqub kheev lam txiv leej tub li kuv no leej niam leej txiv txawj yug es yuav yug txiv leej tub tuaj rau thaum lub ntuj tshiab, txiv leej tub ntsib tau koj niam Nkaujhnubqub ntshe twb yuav txawj seev paj ntshav lus taug tuaj deev tau lawm koj niam leej ntxhais nplooj siab ntau nplooj ntswv ntshawv tag lawm koj 98 nplooj me siab nyob tuaj tsis kiab ni.
Niaj yai niam leej ntxhais Nkaujhnubqub kheev lam txiv leej tub li kuv no leej niam leej txiv txawj yug es yuav yug txiv leej tub tuaj rau thaum lub ntuj nag, txiv leej tub ntsib tau koj niam Nkaujhnubqub ntshe twb yuav txawj seev paj ntshav lus taug tuaj deev tau lawm koj niam leej ntxhais nplooj siab ntau nplooj ntswv ntshawv tag lawm koj 88 nplooj plawv nyob puas tag yuas.

Niaj yai.....ntuj teb yuas hmoob tej ntxhais cas es cua tuaj ces cua tshuab yuav tshuab zoj lawm Ywjsuab nplooj siab nplooj ntsws ntxheev lawm tej niag sis zoj, niam leej ntxhais li koj Nkaujhnubqub yuav hais zoo lawm luaj no yog txiv leej tub daj deev tau koj nthse txiv leej yuav hlub hlub tsis pub lawm tus tshav kub yuav ntim su zoj zeeg mus khwv yuav qab qab rau koj noj ni.
Niaj yai ntuj teb yuas hmoob tej ntxhais cas es cua tuaj ces cua tshuab yuav tshuab zoj lawm Ywjsuab nplooj siab nplooj ntsws ntxheev lawm tej niag sib nav, niam leej ntxhais li koj Nkaujhnubqub yuav hais zoo lawm luaj no yog txiv leej tub daj deev tau koj ntshe txiv leej yuav hlub hlub tsis pub lawm lub nag ntub yuav ntim su zoj zeeg mus khwv yuav maij maij rau koj hnav yuas.

Ces nim yuav zoo lawm Ywjsuab 98 nplooj siab xaus li xi rau lub ntsis nroj, yuav puag rawv Nkaujhnubqub tuaj rau nruab txaj tsis nco tshaib plab mus nrhiav noj.

Subject: Re: Seev Kwv Txhiaj Thu Nov 08, 2012 8:02 am

Quote :: Nkaujhnubqub.....koj seev tau zoo npaum li no lawm koj tsis ntshai tsam hmoob ceeb tseej deeg lov...

Niaj yai.....ib sim neej no os luag tej hmoob txiv leej tub niam thiab txiv twb tsis txawj yug txiv leej tub es thiaj li yug tau lawm kuv txiv leej tub tuaj ntawm ntug cub, txiv leej tub loj hlob los thiaj li zoo tam ntua tus me khej dub zoo tsis cuag niam leej ntxhais li nej tus me hlub xyov nej puas yuav kam lees txiv leej tub li kuv no mus ua lawm nej tus zoo khub ni.
Ib sim neej no os luag tej hmoob txiv leej tub niam thiab txiv twb tsis txawj yug txiv leej tub es thiaj li yug tau lawm kuv txiv leej tub tuaj ntawm npoo tsua, txiv leej tub loj hlob los thiaj li zoo tam ntua tus me liab cuam zoo tsis cuag niam leej ntxhais li nej tus me qhua xyov nej puas yuav kam lees txiv leej tub li kuv no mus ua lawm nej tus zoo tshua yuas.

Niaj yai.....niam leej ntxhais Nkaujhnubqub kheev lam txiv leej tub li kuv no leej niam leej txiv txawj yug es yuav yug txiv leej tub tuaj rau thaum lub ntuj tshiab, txiv leej tub ntsib tau koj niam Nkaujhnubqub ntshe twb yuav txawj seev paj ntshav lus taug tuaj deev tau lawm koj niam leej ntxhais nplooj siab ntau nplooj ntswv ntshawv tag lawm koj 98 nplooj me siab nyob tuaj tsis kiab ni.
Niaj yai niam leej ntxhais Nkaujhnubqub kheev lam txiv leej tub li kuv no leej niam leej txiv txawj yug es yuav yug txiv leej tub tuaj rau thaum lub ntuj nag, txiv leej tub ntsib tau koj niam Nkaujhnubqub ntshe twb yuav txawj seev paj ntshav lus taug tuaj deev tau lawm koj niam leej ntxhais nplooj siab ntau nplooj ntswv ntshawv tag lawm koj 88 nplooj plawv nyob puas tag yuas.

Niaj yai.....ntuj teb yuas hmoob tej ntxhais cas es cua tuaj ces cua tshuab yuav tshuab zoj lawm Ywjsuab nplooj siab nplooj ntsws ntxheev lawm tej niag sis zoj, niam leej ntxhais li koj Nkaujhnubqub yuav hais zoo lawm luaj no yog txiv leej tub daj deev tau koj nthse txiv leej yuav hlub hlub tsis pub lawm tus tshav kub yuav ntim su zoj zeeg mus khwv yuav qab qab rau koj noj ni.
Niaj yai ntuj teb yuas hmoob tej ntxhais cas es cua tuaj ces cua tshuab yuav tshuab zoj lawm Ywjsuab nplooj siab nplooj ntsws ntxheev lawm tej niag sib nav, niam leej ntxhais li koj Nkaujhnubqub yuav hais zoo lawm luaj no yog txiv leej tub daj deev tau koj ntshe txiv leej yuav hlub hlub tsis pub lawm lub nag ntub yuav ntim su zoj zeeg mus khwv yuav maij maij rau koj hnav yuas.

Ces nim yuav zoo lawm Ywjsuab 98 nplooj siab xaus li xi rau lub ntsis nroj, yuav puag rawv Nkaujhnubqub tuaj rau nruab txaj tsis nco tshaib plab mus nrhiav noj.

Kuv ntshai kawg, li ntshe kuv txhob seev lawm os yom YwjSuab a
Ua tsaug rau koj zaj kwv txhiaj os, koj mas txawj kwv txhiaj kawg li os.

txiv leej tub es cas niag laj laug ob tog nkhaus es yuav txawj txhij lawm mus txawj txhua, muaj tas cim xeeb coj los nthuav rau peb sawb daws tshua, niam nkaujhnubqub xav zoj tsis tsa cauj hais los luag leej tub li koj yuav txawj pov piam thaj qab mib ua rau nkaujhnubqub nqhis, yog me nkaujhnubqub tsis teb ces ntshe yuav tsis zoo lawm nkaujhnubqub lub me siab mus ib txhis.

txiv leej tub es cas niag laj laug ob tog nkhaus es yuav txawj txhij lawm mus txawj txhij txhua, muaj tas cim xeeb coj los nthuav rau peb sawv daws tshua , niam nkaujhnubqub xav zoj tsis tsa cauj hais los luag leej tub li koj yuav txawj pov piam thaj qab mib ua rau nkaujhnubqub khaws tsis txaus, yog me nkaujhnubqub tsis teb ces ntshe yuav tsis zoo lawm nkaujhnubqub lub me siab mus txog hnub laus.

Txiv leej tub nkaujhnubqub leej niam leej txi twb txawj yug los tsis txawj txawb ntshe muab txawb ntuas rau lub me tog tsuj, txiv leej tub es cas niam leej ntxhais twb tsis txawj sau paj ntsha lus tau ntxim lawm koj siab es xyov koj puas yuav txais zoj los nrog koj ua lawm koj muj , ntshe lam yog muaj tiag, es ntshe niam leej ntxhais nkaujhnubqub yuav zov rawv lawm koj lub me xub ntiag.

Txiv leej tub nkaujhnubqub leej niam leej txi twb txawj yug los tsis txawj txawb ntshe muab txawb ntuas rau lub pob zeb dub, txiv leej tub es cas niam leej ntxhais twb tsis txawj sau paj ntsha lus tau ntxim lawm koj siab es xyov koj puas yuav txais zoj los nrog koj ua lawm koj khub, ntshe lam yog muaj tseeb, es ntshe niam leej ntxhais nkaujhnubqub yuav zov rawv Nraug YwjSuab ua lawm koj lub me teeb.

Cas yuav kaj ntuj txoog nas ntsooj khiav nrho nrooj, me nas cia yuav dhia zoj li zim tus me mus ntoo huab ncua, ntuj yua hmoob leej tub tus ntxim hlub tus ntxim nkaujhnubqub tshua, es txiv leej tub koj ncauj npliag lias hais zoo luaj no, ntshe kuv niam leej ntxhais yuav tos koj mus lawm txhua hnub thiab lawm txhua hmo.

Cas yuav kaj ntuj txoog nas ntsooj khiav nrho nrooj, me nas cia yuav dhia zoj li zim tus me mus ntoo ciab, ntuj yua hmoob leej tub tus ntxim hlub tus ntxim nkaujhnubqub siab, es txiv leej tub li koj ncauj npliag lias hais zoo luaj no tiag, ntshe kuv niam leej ntxhais yuav tos koj mus lawm txhua hnub thiab lawm txhua hmo koj lub mus zoo suab npliag. Yog huab txawj txav ntuj tsis ntxoov es paj hmab paj ntoo taws tshiab lawm tsheej pob, yog Nraug YwjSuab hlub tiag ces nkaujhnubqub mam koom nrog lawm koj nyob ua ke

Txiv leej tub cas nim yuav pom tau lawm me noog liaj ya nrog lawm me noog dav dun, txiv leej tub tsa zoj ib suab ces niam leej ntxhais nplooj siab twb kaj tas puav tam lub mus ntuj tshav lawm niaj hnub.
Txiv leej tub cas nim yuav pom tau lawm me dav yuj lawm nrog menoog liaj, txiv leej tub tsa zoj ib suab ces niam leej ntxhais nplooj siab twb kaj tas puav tam lub mus ntuj tshav mus lawm txhua niaj.Yog huab txawj txav ntuj tsis ntxoov es paj hmab paj ntoo taws tshiab lawm tsheej re, yog Nraug YwjSuab hlub tiag ces nkaujhnubqub mam koom nrog lawmnraug YwjSuab nyob

Ces nim tsav zoo siab luaj no luag es di ncauj thiaj tsis vov lawm kaus hniav li, mam tos ntsuj ntsoov nraug hmoob Ywjsuab tus me neeg siab zoo lawm tus txawj tawb nkaujhnubqub lawm tej nyuag nkuj nki.

Subject: Re: Seev Kwv Txhiaj Thu Nov 08, 2012 5:43 pm

NKaujhnubqub thiab Ywjsuab,

Neb ma hais tau kwv txhiaj zoo kawg li. Neb puas kam seev neb ob lub suab kaw tuaj tso rau peb mloog thiab os. Muab 2 lub paj no rau neb vim nwb keej hais kwv txhiaj tau zoo heev os.

Cute Graphics

Subject: Re: Seev Kwv Txhiaj Fri Nov 09, 2012 7:07 am

nyob zoo niam laus aw, koj hais ib zaj rau kuv mloog ntag ho
kuv tsis muaj suab li ne kuv tsuas muaj lus sau tseg xwb na koj mas, tsis txhob yig yigm a, kuv twb xav hnov koj hais lawm na.

Embarassed

kuv sau sau yuam kev me me lawm rov mus kho tsis tau na kab liam os tsuav nej to taub xwb na. Very Happy

Ua tsaug ntau ntau rau koj ob lub paj nawb kuv tus viv ncaus siab dawb aw...

» Mloog Kwv Txhiaj
» TXHIAJ TXHAIS
» Los peb hais, "Kwvtxhiaj"
» Lub chaw mloog kwv txhiaj
» Kuv cov lus seev