Seev Kwv Txhiaj

Subject: Seev Kwv Txhiaj Mon Oct 22, 2012 10:36 am

First topic message reminder :

Kwv txhiaj qhib rooj rau ib tsoom phooj ywg nkauj muam nraug nus s/d tuaj laug sib hawm ua si...........

Niam yais ib tsoom me phooj ywg nkauj muam nraug nus ua cas hmo no yuav zoo niaj mus zoo hmo ntshai yuav yog tau lawm hmoob ceeb tsheej kev phooj kev ywg txog kev nkauj kev nus txawm, Ywjsuab yuav qhib rooj qas lug rau ib zej tsoom nkauj muam nraug nus laus hluas tuaj mus thuav ntawv.
Niam yais ib tsoom me phooj ywg nkauj muam nraug nus ua cas hmo no yuav zoo niaj mus zoo hmo ntshai yuav yog tau lawm hmoob ceeb tsheej kev phooj kev ywg txog kev nkauj kev nus txais, Ywjsuab yuav qhib rooj qas lug rau ib zej tsoom nkauj muam nraug nus laus hluas tuaj mus sib hais.

Peb ib tsoom phooj ywg nkauj muam nraug nus ces yuav zoo tam lis ntua tus niaj coob tom niaj ncuas yuav dhia li rhees tsaws lis ntua tus ntsis nroj, kuv xav nrog koj hais tuj tiag ces kuv cev zoj lawm niaj ib sob lus tuaj rau koj.
Peb ib tsoom phooj ywg nkauj muam nraug nus ces yuav zoo tam lis ntua tus niaj coob tom niaj ncuas yuav dhia li rhees tsaws lis ntua tus ntsis suv, koj xav nrog kuv hais tuj tiag ces koj cev zoj lawm niaj ib sob lus tuaj rau koj.

Peb ib tsoom phooj ywg nkauj muam nraug nus niam nkauj txawg txawj txawg ces yuav txawg lis zoj tuaj rau nruab rwb txiv nraug txawg txawj txawg ces yuav txawg lis zoj tuaj rau nruab paig, tus me paj ntsha lus taum ces tsis yog niam nkauj txawg yuav hais kom txiv nraug txawg tais.
Peb ib tsoom phooj ywg nkauj muam nraug nus niam nkauj txawg txawj txawg ces yuav txawg lis zoj tuaj rau nruab paig txiv nraug txawg txawj txawg ces yuav txawg lis zoj tuaj rau nruab rwb, tus me paj ntsha lus taum ces tsis yog txiv nraug txawg yuav hais kom niam nkauj txawg swb.

Peb ib tsoom phooj ywg nkauj muam nraug nus ces yuav zoo tam lis ntua rev paj tawg lis zees tuaj rau saum nqaj txi txiv lis zoj tuaj mus sib ntsuas, peb tsuas hais tus paj ntsha lus taum tas li peb kev phooj ywg nkauj muam nraug nus nyob tuaj mus sib cuag.
Peb ib tsoom phooj ywg nkauj muam nraug nus ces yuav zoo tam lis ntua rev paj tawg lis zees tuaj rau saum nqaj txi txiv lis zoj tuaj mus sib ib, peb tsuas hais tus paj ntsha lus taum tas li peb kev phooj ywg nkauj muam nraug nus nyob tuaj mus sib ntsib.

Peb ib tsoom phooj ywg nkauj muam nraug nus cas nkauj hnub tuaj ces hnub ziab nraug hli tuaj ces hli ci yuav ci vuj vus tuaj tim hav twm, peb ib tsoom me plees nkauj nraum hais tus paj ntsha lus taus ces yuav hais raws li kev sib swm.
Peb ib tsoom phooj ywg nkauj muam nraug nus cas nkauj hnub tuaj ces hnub ziab nraug hli tuaj ces hli ci yuav ci vuj vus tuaj tim hav zaub, peb ib tsoom me plees nkauj nraum hais tus paj ntsha lus taus ces yuav hais raws li kev sib paub.

Peb ib tsoom phooj ywg nkauj muam nraug nus hmo no yuav tsis yog lawm hmoob ceeb tsheej ib cim mus paj tsiab ntshai peb ib tsoom phooj ywg nkauj muam nraug nus yuav tsis tau hais tus paj ntsha lus taum tuav tes ruj rawv lawm tej mus sib niab, peb yuav hais tus paj ntsha lus taum raws li peb txoj kev mus kaj siab.
Peb ib tsoom phooj ywg nkauj muam nraug nus hmo no yuav tsis yog lawm hmoob ceeb tsheej ib cim mus paj tsiab ntshai peb ib tsoom phooj ywg nkauj muam nraug nus yuav tsis tau hais tus paj ntsha lus taum tuav tes ruj rawv lawm tej mus sib zawv, peb yuav hais tus paj ntsha lus taum raws li peb txoj kev mus kaj plawv.

Yuav zoo lub laj xeeb tis ua xais, ntaus ntiag peb tsoom phooj ywg nkauj muam nraug nus no lub suab hais.

Subject: Re: Seev Kwv Txhiaj Mon Nov 19, 2012 4:32 am

nij yais... txiv leej tub, ntshe me noog lus txawj ya tsis txawj tsaws, yuav tsaws ntua leej niam leej txi lub mus ru tsev, Wb daj dee plees nkauj nraum zoo luaj no es puas yuav muaj hnub txiv leej tub nraug Ywjsuab li koj yuav tuav niam leej ntxhais nkaujhnubqub mus ua lawm koj ib leeg sev

nij yais... txiv leej tub, ntshe me noog lus txawj ya tsis txawj tsaws, yuav tsaws ntua leej niam leej txi tus me yees nthab, Wb daj dee plees nkauj nraum zoo luaj no es puas yuav muaj hnub txiv leej tub nraug Ywjsuab li koj yuav tuav niam leej ntxhais nkaujhnubqub mus ua lawm koj ib leeg nyab.

nij yais... txiv leej tub, ntshe me nkaujnoog yuav tos kom tau nrog me launoog, nkawv yuav ya mus lawm qaum ntuj tawg, ntshe yuav mus ua lawm lub neej nyob kaj siab lawm tej sib plaws.

leej tub, ntshe me nkaujnoog yuav tos kom tau nrog me launoog, nkawv yuav ya mus lawm qaum ntuj ntsuab, ntshe yuav mus ua lawm lub neej nyob kaj siab lawm txawj sib npuab.

Niam yais txiv leej tub, khaub plees nkauj nraum zoo luaj no, koj nim tsa lub ncauj hais zoo luaj no tiag es koj hais daj los hais dub, tsis txhob lam daj dee niam nkaujhnubqub mus zov lawm ntuj cub.
txiv leej tub, khaub plees nkauj nraum zoo luaj no, koj nim tsa lub ncauj hais zoo luaj no tiag es koj hais tiag los hais cuav, tsis txhob lam daj dee niam nkaujhnubqub mus zov lawm koj tawv quav.

Cas nim yuav xau xis daim me nplooj xyoob, yog txiv tub tsis daj lom deev tiag ces niam nkaujhnubqub yuav zov tsis leej tub hnub tawm mus kom txog hnub poob.

Subject: Re: Seev Kwv Txhiaj Mon Nov 19, 2012 4:42 am

nkaujhnubqub wrote:: nij yais... txiv leej tub, ntshe me noog lus txawj ya tsis txawj tsaws, yuav tsaws ntua leej niam leej txi lub mus ru tsev, Wb daj dee plees nkauj nraum zoo luaj no es puas yuav muaj hnub txiv leej tub nraug Ywjsuab li koj yuav tuav niam leej ntxhais nkaujhnubqub mus ua lawm koj ib leeg sev

nij yais... txiv leej tub, ntshe me noog lus txawj ya tsis txawj tsaws, yuav tsaws ntua leej niam leej txi tus me yees nthab, Wb daj dee plees nkauj nraum zoo luaj no es puas yuav muaj hnub txiv leej tub nraug Ywjsuab li koj yuav tuav niam leej ntxhais nkaujhnubqub mus ua lawm koj ib leeg nyab.

Cas yuav tu siab ua luaj om

hahaha sislem cas koj keej hais keev txhiaj ua luaj es ua kuv kua muag txia tag li lawm hahaha

Ham tsis hais zoo npaum ko xwb es yuav hais zoo npaum cas na los hehe

NkaujNagTshia........

Subject: Re: Seev Kwv Txhiaj Mon Nov 19, 2012 4:45 am

Nagtshia kuv tseem hais tsis tau tas na... Very Happy

Subject: Re: Seev Kwv Txhiaj Mon Nov 19, 2012 4:48 am

nkaujhnubqub wrote:: Nagtshia kuv tseem hais tsis tau tas na...

dab tsi hais tsis tau tas na los sis ????????

Subject: Re: Seev Kwv Txhiaj Mon Nov 19, 2012 4:49 am

zaj kwv txhiaj na, lawv cov laus hais qhia kuv tias yog yus hais kwv txhiaj yuav tsum hais kom muaj 3 txwm no na
nyuam qhuav ib txwm xwb na Embarassed

» Mloog Kwv Txhiaj
» TXHIAJ TXHAIS
» Los peb hais, "Kwvtxhiaj"
» Lub chaw mloog kwv txhiaj
» Kuv cov lus seev