YwjSuab….hais txog nyob li ntawm kuv ces kuv tau mus ciaj tag lawm hmoob nrab nraum xeem Lis cuab sev lawm mog. Kuv kuj tau muaj 2 tug tub thiab 2 tug ntxhais tib yam li koj thiab tiag….YwjSuab. Kuv cov me nyuam los kuj loj tag lawm thiab los mas. Yog hais tias, yuav piav txog ntawm kuv lub neej ces kuv lub neej yeej nyob xws li lub teb noj xws li lub chaw thiab. Ntawd kuv lub neej ces kuj tsis muaj dab tsi kom yuav zoo zoo los sis yuav phem phem los txog ntua rau plaub tsib lub xyoo yav nram ntej ntawd ces kuv tus txiv los kuj cia li mus raws cuag nws txoj kev uas nws xav tau lawm, txawm hais tias kuv tsis kheev nws mus caum thiab cheem nws npaum li cas los nws hais rau kuv hais tias, nws xum cia peb cov niam tub tseg no. Kuv lub neej thiaj li tau puas tag lawm thiab los mas…..YwjSuab. Kuv los kuj tau nyuaj siab heev, nyob rau peb plaub xyoo tag los lawm kuv kuj tau rov qab mus xyuas lub yeej thoj nam zos VibNais li thaum ub uas koj tau tuaj ntsib kuv, seb puas yuav muaj txoj hmoo rov los tau pom koj thiab no os…..YwjSuab. Tab sis, kuv tsis muaj txoj hmoov thaum uas kuv los txog rau hauv thaib teb lawm ces tab tom muaj teeb meem nyob rau hauv lub tshav dav hlau Bangkok. Yog li ntawd kuv thiaj li tau los tsis ncav lub sib hawm ntawd ces ntshe koj thiaj li tau los dhau lawm. Kuv los kuj tau tu siab heev kawg nkaus li thiab os…..YwjSuab. Kuv xav hais tias ntshe koj lub neej twb zoo lawm ces ntshe koj yuav tsis nco kuv li kuv tau nco koj lawm no. Nyob rau ntawm kuv mas kuv nco koj heev li os…..YwjSuab. Kuv pom koj zem zuag nyob rau txhua txoj hauv kev es thiaj li tau ua rau kuv tsis paub hais tias, yuav ua li cas kuv lub neej thiaj li nyob xaus. Kuv lub neej nyob tau tsaus ntuj nti yuav vwm lawm tiag tiag li os…..YwjSuab, yog hais tias kuv tsis cia kuv lub hlwb so ces nws kawg nres lawm xwb.
NkaujNagTshia thiaj li tau piav mus ntxiv hais tias: Yog li ntawd kuv thiaj li xav hais tias, cia kuv tuaj ncig ua si rau ntawm tej thaj chaw uas txhob muaj neeg paub kuv coob ces kuv thiaj li tau tuaj txog rau ntawm teb chaw HmongHeaven no kom tsis txhob muaj neeg paub kuv seb kuv puas yuav muab tau kuv nplooj siab coj mus lam cua thiab kuv lub hlwb coj los lam hnub kom nyob tau kaj lawm ib me ntsis tsis txhob nco xav txog dab tsi ces kuv thiaj li tau tuaj txog rau ntawm thaj chaw Dab Neeg no. Kuv thiaj li tau xav hais tias, cia kuv sawv ntxov ntxov tuaj khiav thiab taug kev rau ntawm tus ntug dej HmongHeaven Dab Neeg kom tau cov cua txias seb puas yuav lam tau kuv nplooj siab nrog rau lub hlwb ib me pliag. Kuv sim khiav na has kuv twb khiav tsis tau li lawm, kuv ces txog siav hawb hawv huav ua tsis tau pa, kuv thiaj li tau maj mam mus kev lawm xwb. Tab sis, kuv nplooj siab nrog huab nrog cua sib tw yuj, hos kuv lub cev ces nrog nplaim dej hiav txwv HmongHeaven Dab Neeg sib tw ntas es yog li ntawv kuv thiaj li tsis nco qab pom koj, tos nco xwb ces kuv twb tau phoom kiag koj lawm xwb tiag….YwjSuab. Thaum uas koj khawm nkaus tau kuv ntawd ces kuv xav zoj hais tias, nyob tsam koj ho lam yog cov neeg phem no ces kuv thiaj li tau thawb koj lawm xwb os…..YwjSuab. Thaum uas kuv tau hnov koj lub suab hu kuv lub npe hais tias: NkaujNagTshia, kuv tsis ntseeg hais tias nws yuav yog koj. Tab sis, thaum uas kuv tig los pom koj pw tsau dej ntsuav rau hauv hav dej es saib ntsoov tuaj rau kuv ces kuv mam li pom koj tseeb hais tias yeej yog koj lawm tiag tiag no os kuv tus me nraug VibNais YwjSuab thaum ub. Nws thiaj li ua rau kuv rov qab mus xav txog rau wb lub neej thaum ub uas wb tau pib txog rau thaum xaus nyob rau hauv lub yeej thoj nam zos VibNais. Yog li ntawd, thaum koj hu hu kuv los kuv thiaj li tsis hnov koj xwb mog….YwjSuab nraug hmoob VibNais
YwjSuab NkaujNagTshia yug los tsis nrog luag muaj hmoo.Thiaj ua rau nagtshia muab ywjsuab tos lub niaj dhau lub xyoo.NagTshia yug los tsis nrog luag txais tau txoj hmoov kub,NagTshia thiaj plawm tag YwjSuab Txoj me kev hlub.YwjSuab"Nws zaj dab neeg piav tau ntxaws kawg li,Ua rau nagtshia kua muag rov si,Vim lub ntuj los vim leej twg,Hnub no nagtshia thiaj rov ntsib kuv me nraug phooj ywg.YwjSuabTxij koj ncaim mus,NasThsia lub ntuj tsis tiaj lub ntiaj teb yeej nyob tsis tus,NaTshia muab ywjsuab ua hnub ua hmo xav,Ua rau nagtshia pw los tsis tsaug noj los tsis qab,txhua lub sij hawm tsuas muaj lub kua muag poob,Ntsia rau lub hli los lub me caj pas ti ti.Ntsia rau lub hnub los lub siab mob tam tsu cub,Txoj sia yuav tu txoj pa yuav plam.Vim nco nco nraug hmoob vinai tus zoo zam,Nco nws lub me suab luag"Ua rau nagtshioa mob lub siab yuav ciaj yuav tuag,NagTshia tsis pom qab yuav mus quaj qhia luag hmoob luag qhua'Txhua hnub nagtshia mus quaj qhia me nroj me tsuag,Me nroj me tsuag tsuas ntuj nkauj nag teev kua muag iab.NagTshiua thiaj mus ua lub neej tsis sov siab,NagTshiaua lub neej tsis kawg.Vim nagtshia tsis tau tus nagtshia ntshaw,NagTshia mus ua lub neej lwj plaw,NagTshia muaj 2 tug kids xwb os YwjSuab,Vim nagtshia lub siab yeej tsis npuab,thiaj ua 1 siab muab lub neej piam cuab os ywjsuab"Hnub no yog hmoov dab tsi,NagTshia rov los ntsib nagtshia me txiv nraug hli,Nws yog dab tsi hnoob,Thiaj rov los ntsib nagtshia me nraug hmoob,YwjSuab,NagTshia twb rov mus nrhiav nws 1 zaug tim vinai thiab os,Nim mus pom tej me ntug zos ciaj ntoo ciaj tsuag,Tseem ua sab ntsej hnov ywjsuab lub me suab lug,Me nroj me tsuav twb vov wb tej me lw tsuj,Ntoo maj ntoo mog twb hlav txij ntuj,Me nroj me tsuav twb vov tag wb tus lw taug,Nim mob mob nagtshia lub plawv cuag riam nkaug os ywjsuab,Tu siab tiam no ces yuav tsis tau koj lawm,Mam nco ntsoov tias tiam no wb txoj hmoov tsis sawm os me nraug hmoobUa tsaug rau lub ntuj,Uas hnub no rov pom ywjsuab tus me duab ntxoo rov los yuj.Ua rau nagtshia lub siab kaj zuag,Uas hnub no rov los zaum rau ywjsuab puag,Txij hnub no mus ces nagtshia txoj pa tu los zoo siab qe lubme qhov muag Hmoov dab tsi os ywjsuab uas rov ntsib nws tiag tiag NagTshia yoob tag lawm tsis txaus ntseeg tias ywjsuab nyob ntawm no ntawm ntug hiav txwv lub zos heaven hmong chaw deev siab,
Xav Kom Rov Yog Hnub I
Last edited by Nkaujnagtshia on Fri Apr 11, 2014 11:08 pm; edited 1 time in total
Hnub no, YwjSuab thiab NkaujNagTshia…..nkawd plaub lub qhov muag rov qab los sib nrhiav tau lawm, txawm hais tias lub caij lub nyoog twb tau dhau los lawm 26 lub xyoo. Nyob rau hauv YwjSuab thiab NkaujNagTshia….nkawd txoj kev hlub tsuas zoo nkaus li ncaim mus ib me pliag xwb. YwjSuab thiab NkaujNagTshia….nkawd rov qab pib dua nkawd txoj kev hlub ntawm nkawd tau muab ncua tseg mus lawm ntev nyob rau lub yeej thoj nam zos VibNais. NkaujNagTshia mam xav txog hais tias, YwjSuab twb ntub dej tag lawm ces nyob tsam ho no no YwjSuab ces ho ua mob rau YwjSuab thiab.
Aub!!! YwjSuab….koj twb tau ntub dej tag lawm los sav, wb mus nyob tsam ho no no koj ces koj ho tau mob los ntswg thiab yom.
NkaujNagTshia thiaj li tau sawv ces YwjSuab thiab NkaujNagTshia los lawm ob peb ruam kev ces YwjSuab rov saib mus rau saum ntuj tag ces rov qab tig los saib NkaujNagTshia.
Thaum YwjSuab tig rov qab los saib NkaujNagTshia tag ces thiaj hais rau NkaujNagTshia hais tias: NkaujNagTshia…..yog lub ntuj tso koj thiab kuv los sib cuag lawm tiag tiag li os yom. Ntshe yuav tsis muaj leej twg xav hais tias kuv yuav tau tuaj ntsib koj nyob rau ntawm thaj chaw HmongHeaven no nab yom!
NkaujNagTshia thiaj li teb hais tias: kuv los yeej ntseeg tsis tau li koj tau hais thiab tiag….YwjSuab, tsis yog lub ntuj lub teb pub koj thiab kuv los sib cuag ces hnub no koj thiab kuv yuav lam tuaj sib ntsib rau tej thaj chaw zoo li ntawm HmongHeaven no ib zaug li tiag…..YwjSuab. YwjSuab….tej zaum yuav yog li koj tau hais los lawm tiag os, lub ntuj pom koj thiab kuv txoj kev hlub loj thiab sib nco heev lawm es lub ntuj thiaj li tau coj koj thiab kuv rov qab tuaj sib nrhiav tau es ntshe wb yuav tau ua lub ntuj tsaug nawb.