Yog Tseem Muaj Lub Hnub Tuaj

Subject: Yog Tseem Muaj Lub Hnub Tuaj Wed Nov 13, 2013 1:02 pm

First topic message reminder :

Ib tsoom phooj ywg yog leej twg ho muaj lub neej zoo li Pej Sim thiab Npauj Lias nkawv lub no los ho ua lub lub siab ntev seb puas muaj hnub rov tau sib ntsib mog....

Subject: Re: Yog Tseem Muaj Lub Hnub Tuaj Wed Dec 18, 2013 7:30 am

nyob zoo tijlaug Ywjsuab, cas kuv mus ntev ntev koj twb sau tau dab neeg ntau kawg li kawm os, zoo siab tuaj nrog koj nyeem me ntsis lawm nawb mog.
nyob zoo rau sawv daws phooj ywg txhua tus

Subject: Re: Yog Tseem Muaj Lub Hnub Tuaj Thu Dec 19, 2013 6:10 am

Nyob zoo rau koj thiab mog NkaujHnubQub, ntev lawm tsis tau ntsib koj tus ua muam lawm thiab vam thiab cia siab hais tias koj tus ua muam tseem nyob kab ntsab hab. Yog koj tus ua muam tseem tuaj nrog nyeem thiab ces yog kuv hmoov zoo xwb mog.

Subject: Re: Yog Tseem Muaj Lub Hnub Tuaj Thu Dec 19, 2013 6:23 am

Vuag! Pej Sim....cas koj yuav txawj hais es koj hais tau kwv txhiaj zoo ua luaj li os. Muaj li ntawv ntag lov Pej Sim....uas nyob rau hauv koj nruab siab na. Thov kom tsuav yog muaj tseeb tiag li koj hais ntawv xwb los mas. Nyob rau hauv kuv nruab siab los yeej zoo tib yam nkaus li koj xav thiab tiag....Pej Sim. Kuv saib koj mas zoo nkaus li ib lub pov haum uas zoo nkauj heev, saib tsis txawj dhuav tham tsis txawj txaus, thaum twg tau nrog lub pov hauv ntawv nyob lawm ces kuv hnov zoo nkaus li hauv lub ntiaj teb no tsis muaj dab tsi yuav los rhuav tshem tau wb ob lub siab lawm tiag....Pej Sim. Wb muaj txoj hmoov zoo uas lub ntuj tso wb los muaj txoj kev hlub loj thiab zoo heev, kuv pom lawv ib txhia nws dag nws tus kheej es ua neej mus ntev ntev los tsis txawj kawg li xwb twb ua rau kuv los kuj pab hlub lawv kawg li tiag. Pej Sim....ua li cas kuv saib koj zoo nkaus li koj muaj dab tsi nyob rau hauv nruab siab nab, yog hais tias koj muaj dab tsi ua rau koj nyuaj siab no muab hais qhia rau kuv thiab puas tau nab yom?

Npauj Lias....nyob rau hauv kuv nruab siab thiab kuv txoj kev hlub koj yeej muaj txhua yam li uas kuv tau hais ntawv tiag. Twb yog vim muab koj los ua lub hnub pom kev rau kuv thiab ua dej nag los yug kuv txoj sia. Ntawm kuv ces zoo nkaus li tej me nroj tsuag uas yog tsis muaj cov me duab tshav ntuj ci tuaj ziab thiab tsis tau cov me dej nag los yug siav ces nws yuav tsis sov, nws yuav tsis zoo, tej me nplooj yuav daj tseem mus lawm zuj zus tseg thiab thaum kawg ces nws kuj yuav tuag mus lawm xwb. Kuv thov kom lub ntuj lub teb nrog pov hwm koj thiab kuv wb nyob ua ke mus ib txhis xwb os....Npauj Lias. Hnub no, kuv los kuj tsis paub hais tias xyov yog vim dab tsi li thiab tiag! Ua li cas kuv ho lam nyuaj siab thiab lam kho siab zoo li no tiag! Kuv rov qab tsis paub kuv tus kheej li lawm thiab os....Npauj Lias. Koj tsis txhob txhawj txog kuv nawb mog tej zaum tsis muaj dab tsi os, qhov tseeb tiag ces ntshe yog kuv maj maj kom txog rau hnub uas kuv tuaj coj koj los nrog kuv nyob heev dhau lawm xwb es nws pheej tsis txawj txog li ces ua rau kuv laj tos txog rau hnub ntawv xwb kuv thiaj li tau zoo li no lawm xwb os yom.

Continue.....

Subject: Re: Yog Tseem Muaj Lub Hnub Tuaj Fri Dec 20, 2013 6:56 am

Pej Sim....koj tsis txhob nyuaj siab dab tsi os nawb! Tsuas tshuav li 5 hnub lawm xwb ces koj thiab kuv wb twb tau los nyob ua ke lawm los mas thiab tsis tas li ntawv los koj yeej paub zoo hais tias kuv tsuas hlub koj thiab kuv tsuas nyiam koj tshaj li uas qhov kuv hais tau rau koj. Nyob rau hauv ntiaj teb no yog hais tias tsis muaj koj lawm ces yeej zoo yam li tsis muaj kuv lawm thiab os Pej Sim. Tau ob peb hnub los no kuv tsuas xav ntsoov txog wb txoj kev los sib sau lawm xwb, tom qab ntawv ces koj yuav tau yog me nyuam txiv lawm hos kuv ces yuav yog me nyuam niam lawm thiab tiag, nws kuj ua rau kuv zoo siab heev piav tsis tau qhia rau leej twg li tiag Pej Sim. Kuv xav hais tias koj los yuav tsum tau ua lub siab loj thiab nws yuav tsis muaj dab tsi uas yuav los cuam tshuam txog wb txoj kev yuav sib sau los ua txij ua nkawm mog. Tshuav li ob peb nyuag hnub ntxiv lawm xwb ces koj thiab kuv wb mam li tuav wb txoj kev hlub kom ruaj thiab khov kom txog rau hnub ntawv es koj tso siab tau rau kuv os nawb Pej Sim.

Npauj Lias....kuv ua koj tsaug rau koj txoj kev zoo thiab koj txoj kev txhawb zog uas koj tau muab rau kuv mog. Koj tsis txhob txhawj txog kuv os vim kuv yog txiv neej uas yuav los tiv thaiv txhua yam tsis zoo uas yuav los cuam tshuam txog rau wb lub neej es koj tso siab tau rau kuv thiab os Npauj Lias.

Pej Sim....kuv yeej ib txwm tso siab tau rau koj txhua yam mog. Wb txoj kev hlub thiab lub neej yeej yuav tsum mus raws li koj thiab kuv wb lub siab xav xwb mog es koj tsis txhob ntxhov siab dab tsi nawb mog. Pej Sim….wb twb tau tuaj lawm ntev ntev ces cia wb rov qab mus tsev yom tsam kuv niam lawv ho txhawj txhawj txog kuv os.

Continue.....

Subject: Re: Yog Tseem Muaj Lub Hnub Tuaj Thu Jan 09, 2014 9:57 am

Npauj Lias thiab Pej Sim….nkawv mus de zaub npua rov qab los txog hauv lawv zos ces Pej Sim thiab Npauj Lias nkawv thiaj tau nyias mus nyias rau tom nyias lub tsev lawm. Thaum Pej Sim rov qab mus txog tsev ces Pej Sim nqhis dej heev Pej Sim thiaj li mus ce dej haus tag ces Pej Sim ho nqa ib tshob dej tuaj mus ntxua ntsej muag rau nraum zoov. Thaum Pej Sim sam sim ntxuav muag ntawv ua li cas Npauj Lias tus niam hluas khiav khiav tuaj txog thiaj hais rau Pej Sim hais tias:

Npauj Lias hais tias kom koj mus ntsib Npauj Lias tam sim no rau tim ntug zos no na!

Pej Sim….thiaj li tau poob siab nthav tias yog vim li cas Npauj Lias nkawv twb nyuam qhuav sib ntsib es ho ua li cas Npauj Lias sawm siv rov qab xav ntsib Pej Sim ceev ua luaj li! Ces Pej Sim lub siab ntxhov nyho teb rau Npauj Lias tus niam hluas hais tias:

Wg….ua li kuv mam li mus ntsib Npauj Lias rau tiv os.

Pej Sim….mus txog tiv ces pom Npauj Lias thiaj li nug Npauj Lias hais tias:

Npauj Lias….yog muaj dab tsi ceev ua luaj thiab muaj tus dab tsi ua rau koj quaj.

Pej Sim….twb yog peb cov txiv ntxawm tuaj puag tim lub xeev Vias Cas tuaj es lawv tuaj tos kuv niam thiab kuv txiv peb mus nrog lawv nyob no.

Pej Sim….thiaj li nug Npauj Lias hais tias:

Es koj niam thiab koj txiv nkawv ho teb lawv li cas thiab?

Kuv niam thiab kuv txiv nkawv hais tias peb nyob rau teb chaw no los lawm ntev tsis muaj kwv tij thiab lub teb lub chaw los zoo nkaus li pheej pib ua yuj yees lawm ces yog cov kwv tij twb tuaj deb deb tuaj txog lawm ces cia peb nrog lawv mus no. Kuv niam thiab kuv txiv lawv twb tu tau nra tag lawm, lawv tsis to noj peb caug li lawm, lawv yuav sawv kev mus sai sai no kom rov qab mus txog chaw es mam li mus noj peb caug rau tim lawv zos no. Lawv tshuav sawv kev mus lawm xwb, lawv tsuas tos kuv los txog tsev xwb ces peb twb yuav mus no tiag. Pej Sim….es wb ho yuav ua li cas thiab no?

Continue.....

» Nrog Kuv Mloog Nkauj ua Si
» Hnub No Hmongheaven Forum Zoo Nkauj Zog Tuaj Lawm
» Peb Hmoob Tseem Nrog Luag Muaj Ntau Yam Neej Ua Nyob Ntiaj Teb
» Tsis Muaj Sij Hawm Tuaj Cuag
» Nej cov tuaj hauv no muaj pes tsawg xyoo lawm xwb?