Yog Tseem Muaj Lub Hnub Tuaj

Subject: Yog Tseem Muaj Lub Hnub Tuaj Wed Nov 13, 2013 1:02 pm

First topic message reminder :

Ib tsoom phooj ywg yog leej twg ho muaj lub neej zoo li Pej Sim thiab Npauj Lias nkawv lub no los ho ua lub lub siab ntev seb puas muaj hnub rov tau sib ntsib mog....

Subject: Re: Yog Tseem Muaj Lub Hnub Tuaj Wed Jan 22, 2014 10:46 am

Ua li cas koj niam thiab koj txiv nkawv tseem tsis kam tos kom txog rau thaum noj peb caug tas tso thiab os, ho hnub no los kuv niam thiab kuv txiv nkawv los tsis nyob hauv tsev lawm thiab nkawv tseem mus xyuav peb tus phauj thiab tus yawg laus lawv lawm thiab es nkawv yuav tsis tau los tsev ntshe tseem yuav yog tag kis nkawv mam li los txog. Txawm li cas los xij mog Npauj Lias, koj thiab kuv wb tsis muaj pes tsawg txoj hauv kev taug lawm ces cia kuv coj koj nrog kuv mus tam sim no xwb. Tom qab ntawv yuav muaj dab tsi tshwm sim tuaj los mam li hais tuaj rau rov tom qab xwb lau. Wb mus os yom Npauj Lias nyob tsam koj niam lawv ho tuaj pom wb ces koj niam ho tsis kheev rau wb sib yuav thiab.

Thaum Pej Sim coj tau Npauj Lias los ntxog tsev lawm ces Pej Sim cov txiv ntawm lawv thiaj li tau mus thoob xov. Thaum Npauj Lias niam tau hnov li ntawv ces thiaj li tau raws qab tuaj ntaus Npauj Lias rov qab thiab tsis pub nkawv sib yuav. Npauj Lias tsis kam rov qab nrog nws niam los tsev li. Pej Sim thiab Npauj Lias nkawv ob leeg yuav pe thiab yuav thov Npauj Lias niam npaum li cas los Npauj Lias niam yeej tsis tseev li. Nkawv ob txawm yuav quaj thiab yuav ntshai txog nkawv txoj kev hlub plam npaum twg los Npauj Lias niam tsuas hais tib lo lus hais tias:

Kuv tsis kam rau neb sib yuav rau hnub no li xwb nawb. Yog hais tias nej sib yuav rau hnub no lawm ces peb khuam kev tsiv mus tau qeeb, thaum tsiv mus txog chaw lawm los yuav nrhiav tsis tau teb luaj. Twb yog li no kuv thiaj li tsis kam rau neb sib yuav rau hnub no li mog. Tab sis, yog neb sib nyiam tiag no cia peb mus nyob ruab chaw lawm tso, Pej Sim koj mam li tuaj coj Npauj Lias rov qab los ua koj nyab los kuv yeej kam kawg os.

Continue....

Subject: Re: Yog Tseem Muaj Lub Hnub Tuaj Thu Jan 23, 2014 10:37 am

Niam....kuv hlub Npauj Lias heev thiab Npauj Lias los kuj hlub kuv heev ib yam nkaus es wb thov koj tus uas niam pub wb los sib sau nyob ua ke los mas. Koj txawm yuav tsis hlub Npauj Lias wb li los niam.

Kuv twb yeej hais tag rau neb lawm ne hais tias hnub no neb txawm yuav hais li cas los kuv yeej yuav tsis kam rau neb los sib yuav, tab sis kuv yuav tsis txwv neb txoj kev sib yuav los yog neb txoj kev txij nkawm no ne. Yog li ntawv thaum twg peb mus nyob muaj chaw lawm ces koj mam li tuaj coj Npauj Lias rov qab no ne Pej Sim.

Niam....yog li ntawv ces kuv thov txim ntau koj tsis txhob ntaus wb lawm es cia kuv rov nrog Npauj Lias tham ib pliag tso mog.

Pej Sim thiaj li tau rub zog Npauj Lias los rau hauv Pej Sim lub xub ntiag, nkawv ob lub ntsiab muag tig los sib ntsia, ib tug saib ib tug tsis ntsais muag, nkawv ua kua muag ntws si laws. Pej Sim thiaj hais rau Npauj Lias hais tias:

Npauj Lias....tus kuv hlub heev li os, wb tseem yuav tau ua siab ntev tos me ntsis ntxiv thiab tab sis koj tsis txhob txhawj mog. Kuv yeej yuav lawv koj qab tuaj nrhiav kom tau koj xwb es coj koj rov qab los nrog kuv nyob xwb thiaj tag nawb mog Npauj Lias. Yog koj niam tsis tseev li ces cia koj nrog koj niam thiab koj txiv lawv mus es lwm hnub kuv txiv thiab kuv niam nkawv rov los txog lawm no ces kuv mam li lawv koj qab tuaj nrhiav koj os mog. Tiag mas nyob rau hauv kuv nruab siab yeej tsis kam koj ncaim kuv mus kiag li, tab sis niam thiab txiv nkawv twb yug tau koj lawm, kuv txawm hlub koj npaum twg los koj yeej hlub hlub koj niam thiab koj txiv nkawv kawg li thiab ces kuv tsis xav kom nkawv tu siab rau koj thiab nkawv yuav tsis muaj kev cia siab rau wb rau yav tom ntej lawm. Yog li ntawv kuv thiaj li tau cia koj nrog nkawv mus xwb, txawm koj yuav mus nyob rau qhov twg lawm los nco ntsoov hais tias wb ob lub siab tseem nyob ua ke mus tag ib txhis kom txog rau hnub uas wb tau rov qab los nyob ua ke nawb mog Npauj Lias.

Continue....

Subject: Re: Yog Tseem Muaj Lub Hnub Tuaj Thu Jan 23, 2014 2:23 pm

Ywjsuab,

Zoo siab rau koj lub sij hawm tuaj sau dab neeg tseg rau thaj chaw nov rau sawv daws tau tuaj nyeem laug hnub thaum tav su los yog ib tag hmo.

Qhov zoo heev mas yog koj txawj sau lus Hmoob zoo kawg li ces koj thiaj li sau tau dab neeg kom ntev zaj tau li siab nyiam......hahahahahahahahaha.

Av tsij continue sau koj zaj dab neeg es tsis tag teb kuv cov lus nov vim kuv tsuas tuaj sau lus txais kev qhia koj tias zoo siab kawg li rau koj zaj dab neeg xwb os.

Subject: Re: Yog Tseem Muaj Lub Hnub Tuaj Fri Jan 24, 2014 9:27 am

Npauj Lias thiaj hais tias: Pej Sim....yog koj li ntawv ces koj yuav tsum nco ntsoov tuaj nrhiav kom tau kuv xwb nawb mog, txawm yuav ntev npaum li cas los xij kuv yuav nyob tos kom tau koj xwb, tos kom txog rau hnub uas wb tau rov qab los nyob ua ke dua thiab kom koj paub hais tias muaj ib tug neeg li kuv no nyob tsis muaj ntsuj plig saib ntsoov txoj xub kev suav hnub suav hmo tos koj tuaj coj kuv nrog koj rov qab los tsev xwb mog.

Npauj Lias niam cia li chua ntia Npauj Lias tawm ntawm Pej Sim lub xub ntiag mus lawm ces ua rau Npauj Lias thiab Pej Sim nkawv tes plam pluav, nkawv hnov zoo nkaus li ib rab riam hlais rhev nkawv txoj sia ua rau nkawv ob leeg yuav tuag tiag tiag li lawm. Npauj Lias niam thiaj li muab Npauj Lias cab kiag rov qab mus lawm tus me qaug poj qaug poog, mus tus me tsis ncaj kev tas nrho thiab tig rov tuaj saib Pej Sim. Pej Sim tsuas hnov Npauj Lias lub suab lus mus lawm ploj zuj zus hais tias:

Pej Sim....kuv hlub koj thiab kuv mam li nyob tos koj mog….kuv hlub koj thiab kuv mam li nyob tos kom nawb....kuv hlub koj thiab kuv mam li nyob tos koj os....Pej Sim.

Ua lub suab mus lawm ploj loog.

Pej Sim thiaj li teb rau Npauj Lias hias tias: Npuaj Lias….kuv hlub koj thiab os, koj ua siab ntev tos kuv nawb mog, kuv mam li lawv koj qab tuaj nawb thiab koj tsis txhob poob siab os mog. Npauj Lias tus neeg uas kuv nco….kuv lub siab los twb tseg tsis tau koj li thiab os. Koj nco ntsoov hais tias koj tseg tau ib tug neeg nplooj siab lwj dhi tuaj rau tom qab no nawb .

Npauj Lias thiab Pej Sim nkawv sib ntsia txog thaum ib tug tsis pom ib tug li lawm. Txij li hnub uas Npauj Lias lawv mus lawm ces ua rau Pej Sim noj los tsis hnov qab, pw los tsis tsaug zog li lawm thiab nyob tau tus me ntshaus ntsho tsaus ntuj nti li lawm xwb. Pej Sim muaj kev nyuaj siab ntau heev. Thaum Pej Sim niam thiab txiv rov qab los tim lawv tus phauj thiab yawg laus los txog tsev ces Pej Sim txiv txawm cia li los mob tau ntau lub hli lawm thiab. Nyob rau hauv Pej Sim nruab siab yeej xav ntsoov hais tiav yuav lawv lawm Npauj Lias lawv qab es mus coj Pej Sim tus hlub los nrog Pej Sim nyob kom sai li sia tau. Tab sis tsis muaj hmoo ces Pej Sim txiv tseem tau mob lawm thiab, ntshe yuav ua tsis tau ceev raws li lub siab tau xav tseg. Pej Sim yuav tsum tau rub ua lub siab ntev ntxiv, ua lub siab txias thiab tos kom txog thaum Pej Sim txiv zoo tso nkawv ob txiv tub mam li lawv qab mus coj Npauj Lias.

Continue......

Subject: Re: Yog Tseem Muaj Lub Hnub Tuaj Fri Jan 24, 2014 10:21 am

Sau kom tag nawb nagtshia niaj hnub tuaj nyeem koj zaj dab neeg hlub no os mog cas hlub tus tswv zaj dab neeg no ua luaj thiab pab nws nco thiab khuv xim nawb yom ..YwjSuab.............

NagTshia................

» Nrog Kuv Mloog Nkauj ua Si
» Hnub No Hmongheaven Forum Zoo Nkauj Zog Tuaj Lawm
» Peb Hmoob Tseem Nrog Luag Muaj Ntau Yam Neej Ua Nyob Ntiaj Teb
» Tsis Muaj Sij Hawm Tuaj Cuag
» Nej cov tuaj hauv no muaj pes tsawg xyoo lawm xwb?