Seev Qhia Koj Paub

Subject: Seev Qhia Koj Paub Sun Aug 31, 2014 10:39 am

First topic message reminder :

Xyaum Sau Pajhuam
Hauv Txoj Kev Nco Xwb..Sau tau tsis zoo los txhov thuam

Ncaim ntev loo.............xav tias txhob nco
Lub ntuj no.............ua siab tso mus
Mob siab ncu.............vim paub koj zoo
Me neeg zoo.............txawj tham txawj qhub

Nram ntej ub.............koj yog tus pib
Kuv tsis yib.............xav kom lom zem
Thaum tauv pem.............tso dag ua si
Wb sib ntsib............tham ua ntus zus

Wb tej lus.............rais ua zoo phoojywg
Thiaj xav poog.............nrog txoj kev nco
Tham tsheej hmo.............tsis nco tshaib plab
Tham tsheej hnub.............sijhawm khiav ceeb kawg

Pib sib ncawg.............haujlwm quas kev tham
Thiaj tau plam.............kev sib ntsib lawm
Koj ncaim lawm.............kuv lub siab mluas
Txoj kev tshua.............Cia li tsuag tag

Xav tsis tag.............vim nco koj heev
Rov tuaj seev..........kom ntsib koj dua
Tus neeg tshua............thov rov tuaj dua
Hauv huab cua.............kom rov sib pom

Zaj pajhuam no muab rau Npaujnpaim thiab Nkaujhnubqub nkawv
Ob tug kuv xub paub kuv thiaj cia li vwm tuaj ua si hauv internet lawm
thiab ntau tus phoojywg ua kuv tau nrog tso dag hauv internet no
Txawm tuav tsis txog nej lub npe los txhob tu siab
Yog koj yeej tau nrog kuv txuas lus ua ntus zus internet lawm koj yog ib tug thiab

Nkaujhnubqub tiag ma kuv yuav los teb rau hauv koj chav koj sau rau Npaujnpaim
Tab sis kuv los nkag tsis tau rau hauv es kuv thiaj los tso lub topic tshiab no

Subject: Re: Seev Qhia Koj Paub Sun May 03, 2015 6:23 am

Dab Pob Tawb,

Txhob txhawj txog kuv/peb cov hauv no os. Kav tsij rau siab ntso mus kawm ntawv thiab saib koj cov ntau ntawv kom tag tso. Thaum twg xyeej sijhaw ces mam tuaj tham lus laug sijhaw xwb. Txhob muab qhov no ua ib qho kev xav ntau ntau koj thiab tsis muaj ib qhov kev nyuaj siab ntxiv rau koj. Hauv no tsuas tuaj thaum yus khoom thiab free time nkaus xwb. Es txhob maj siab thiab txhob txhawj txog dab tsi li. Txawm yuav ntev npaum li cas los NkaujDala tseem nyob nov tos koj xwb ma. Ntse hauv ntiaj teb no tsis muaj NkaujDala lawm xwb ma koj thiaj tuaj tsis ntsib lawm xwb laub....hahahaha.

Subject: Re: Seev Qhia Koj Paub Sun May 03, 2015 11:27 pm

Ua li los mas...tab sis kuv Dabpobtawb twb tuaj tiag tiag thiab ua tiag tiag lawm ned? HEHEHE...Nkauj Dala nim tuaj ua si xwb ntag lod, ntuj aw!!!! tu siab tas mav.

Lam tso dag xwb os, ua li ntawd thiab ua tsaug rau koj qhov prompt reply nawb.

» Leej Twg Paub
» Koj puas xav paub???
» Qhia Seb Koj Xav Li Cas
» Rau tus neeg tsis tau paub tiag
» Sib Tw Seev Cev