Ua ntej koj yuav qaug hlub rau luag tej lus zoo lus qab zib, nres ib pliag tso. Xav seb koj tus hlub neb lub neej neb twb tsim muaj dab tsi rau hauv lawm tso. Ua ntej koj yuav hloob siab mus hlub lwm tus xav seb koj puas nco tus neeg ib txwm hlub koj thaum xub thawj lawm tso. Ua ntej koj yuav nrog luag mus xav seb koj puas hlub koj cov menyuam. Ua ntej koj yuav mus tiag koj yuav tsum xav tias yog koj raug dag koj puas khuv xim koj tus hlub lawm tso. Ua ntej koj yuav mus xav tso tsam tus neeg ntawv dag ntxias koj xwb tsis hlub tiag.
Ib tsoom phoojywg txhua tus, peb ua neeg nyob thov kom peb txhob tseeg luag tej lus zoo lus qab zib mog. Txawm tias peb tus hlub ntawm peb xub ntiag tsis txawj hais lus qab zib nplig peb lub siab los nws yeej hlub yus tiag tiag. Tus sab nrauv ces luag dag ntxias yus siv kev hlub ua si xwb. Thaum luag ntxias tau yus kev hlub tag ces luag yuav muab yus tso tseg. Thaum yus lub neej puas tag lawm yuav rov qab mus yuav yus tus hlub los nws tsis kam rov yuav yus lawm. Thaum zoo li no, yus yuav tau nyob ib leeg tsis muaj tus hlub. Thaum yus tsis muaj tus hlub luag tej yuav saib tsis tau yus. Tus txiv neej pom yus los luag ntshai tsam yus thab luag. Tus pojniam pom yus los luag ntshai yus lam nrog luag tham ntxias luag tus txiv deev.
Noc ntsoov muab koj lub neej tso rau lub sam xeeb siab, saib koj lub neej muaj nuj qis mog. Thov kom nyias tswj nyias lub neej kom zoo ua neej thiaj nyob luag ntxhi thiab kaj siab mus ib txhis.
Nco Lub Neej Thaum Tseem Nyob Los Tsuas
Last edited by NkaujNyiag on Thu Sep 16, 2010 2:59 pm; edited 5 times in total
NkaujNyiag, koj lub topic no mas zoo tshaj plaws li os vim koj hais tau cov lus nyob rau nruab nrab ntug hauv neeg lub neej.
Ua ib tug me zoo txiv los yuav tau hlub hlub nws tus me niam tsev kom kawg siab vim tus niam tsev yog lub pov haum. Yog tsis muaj tus niam tsev lawm ces lub cuab tam yuav tsis zoo li qub thiab xav noj ib pluag qab pluag tsuag los yuav tsis muaj tus los ua rau tus txiv noj. Yuav tsum hlub hlub yus tus me niam tsev vim nws yog tus tu tub tu kiv rau lub neej pem suab qhov chim siab thiab zoo siab nws yog tus tu cov me nyuam hlob loj rau leej txiv txoj me kev ntshaw es yuav nco ntsoov tias yog muaj tus niam tsev lub neej thiaj tsheej ib yig. Tus niam tsev yog tus txiv qhov me chaw sov siab thiab lub pom haum es ua tsaug ntau rau cov me niam tsev siab zoo sawv daws kawg li os.
Last edited by Nujqiam on Thu Sep 16, 2010 2:16 pm; edited 1 time in total
Tsis yog tias tus niam tsev thiaj yog lub povhaum zoo xwb tus txiv tsev los haj yam yog lub pov haum zoo tshaj. Yog tsis muaj tus txiv tsev ces tus niam twb tsis paub yuav ua neeg li thiab. Qhov zoo ces yuav tsum muaj ob leeg es ob leeg yuav tsum sib sib hlub. Sawv daws thiaj nyob sov siab thiaj kajsiab. Yog tsis muaj ib tug lawm ces ib tug yeej pw tsis tsaug zog los yog tsis nyob li.
Ib Sim Neej - hauv ob txij nkawm txoj me kev ua neej saub seev yees nyob hauv ntiaj teb, txawm nkawv yuav zoo li cas los thaum ob leeg tau los ua txij ua nkawm lawm, nkawv yuav muab nkawv ob lub siab los sib npuab ua ib ke qhia tias, "Me koj niam, kuv hlub koj ib leeg xwb nyob rau tiam no vim koj yog tus kuv tso siab ib puas yam tsav rau koj txoj me kev hlub" es ob leeg yuav ua yim me neej nrog ntuj tshav ntuj nas los nkawv yeej txaus siab rau nkawv txoj me kev sib hlub. Ib Sim Neej - yog ib vuag dua ntawm ob txij nkawm txoj me kev sib tshua nyob rau tiam no qhia tau tias nkawv yuav rau rau siab los tsim nkawv lub neej thiab tus tub tu kiv kom puv vaj puv tsev los kav rau yav thaum laus vim ntuj tsim nkawv ntawv niam txiv los ua txij ua nkawm ib sim neej nyob rau tiam no.
Koj sau tau zoo kawg li. Ib Sim Niamtxiv - hauv ib txij nkawv lub neej yuav tsum sib sib hlub. Ua ib yim neej nyob thiaj sib nco thiab sib tshua. Ua neej ib zaug hauv lub ntiaj teb no thiaj tsis ntev ntev. Ua neej ib pliag ntsis xwb nkawv tsis nco qab cas nkawv twb laus tag. Nkawv tus twg los tseem xav rov pib nkawv lub neej dua ib zaug ntxiv. Nkawv xav txog nkawv txoj kev thaum hluas ua nkawv nim qhuav sib ntsib nkawv yuav khuv xim tias cas tig tsis tau caij nyoog rov qab dua. Cas pauv tsis tau sijhawm rov mus es cia nkawv rov pib dua nkawv lub neej ib zaug ntxiv. Vim nkawv sib hlub tsis tau txaus. Cas nkawv txawm siv laus lawm. Li no thiaj tsim nyog nkawv ua lub neej nyob laus nkoos. Ib tug twb tsis xav tuag tseg ib tug nyob...yog tuag tiag...xav kom ob leeg tuag ua ke.
Npauj Npaim Professional Level V
Posts : 1997 Points : 2054 Reputation : 3 Join date : 2010-01-28 Age : 48 Location : CA
Neb tham tau zoo heev li es xav los nrog neb tham thiab os, haahaa,
NkaujNyiag, kuv nyiam koj lub topic no heev li os. Vim kuv yog ib tug uas nyiam qhia neeg txog kev tswj yus tus kheej thiab tuav lub neej kom zoo zoo ua ntej yuav txiav txim siab muab nws tso mus thiab nas, niamhluas.
Kuv twb pab tau ob peb tug neeg uas lawv twb yuav muab lawv lub neej tso mus tabsis vim kuv cheem thiab kom nws ua tib zoo xav zoo thaum yuav mus ntawd ces kuj ua rau nws rovqab los nyob thiab mam thim xav tom qab ces kuj tuaj ua kuv tsaug lawm thiab mas.
Kuv yeej nyiam koj cov lus koj hais los ntawd, nws yog ib cov lus zoo heev thaum uas yus twb thim xav lawm tabsis yog thaum qhov teebmeem tseem kub kub ces muaj tej tug kuj tsis mloog yus tej lus ntuas li thiab os.
Cov niam txiv uas lub neej puas heev heev ces yog cov hnoobnyoog li ntawd; 25-34 xyoos xwb os. Yog tias tawv dhau lub sijhawm no lawm ces rovqab muaj kev sib nkag siab ces lub neej rovqab zoo tabsis yuav tsum yog siab ntev tiag thiaj li dhau os. Cov siab luv luv ces tawv tsis dhau es muab lub neej tso tag ces tom qab mam khuvxim xwb.