Wb Lub Tsev Pheeb Suab

Guest

First topic message reminder :

Koj hais tias yog kuv nco koj ces kom kuv ntim su zias tuaj caum koj rau ntuj ceeb tsheej
Hnub no kuv thiaj ntoj taws li yees tuaj tsuj txog thaj chaws no nrog koj ua neej

Koj hais tias yog kuv tshua txog wb ces kom kuv ntim su zias lawv koj qab
Hnub no kuv thiaj ntoj taws li yees tuaj tsuj tag lawm niam mab yawm suav tej mi nroj hmab

Koj hais tias tsis hlub los tseg yog tseem hlub kom kuv taug lawm koj lw, tsuj lawm koj hneev
Hnub no kuv nco nco koj, kuv thiaj ntim su zias tuaj nrhiav tuaj caum, kom tau koj nrog kuv seev.

Wb Lub Tsev Pheeb Suab - Page 17 Post-610

Subject: Re: Wb Lub Tsev Pheeb Suab Wed May 09, 2012 6:18 am

SawvLig wrote:: Kuv nrhiav ib xyoo txog tav li no
los twb tsis pom tus zoo li tus neeg kuv nco
es kuv yuav ua li cas mus pib dua neej
ntshe yuav laj laj mus tab tau cuab vij zeej

Kuv nrhiav ib xyoo ntuj no rov tawm ntuj so
kuv twb nrhiav tsis pom leejtwg zoo xws li koj ko
es kuv yuav ua li cas mus hlub lawv, yuav ua li cas mus yuav
ntshe kuv yuav mus ua lub niag neej nphob lawm xuj xuav

Kuv ncig thoob ntiaj teb los txog rau hnub no
los kuv twb tsis ntsib leejtwg ntxhiab tsw li koj hlo
twb tsis muaj tus hais lus thooj koj li
ntshe kuv yuav laj laj ua lub niag neej mus ib txhis os!

Ib xyoo lub ntuj zeeg tig rov los poob
Ntshe koj twb muaj lawm koj tus zoo hmoob
Koj tsis kam qhia tsam kuv ho pw tsis tsaug zog
Ces muab koj seev ua hnub ua hmo nco txog

Ib xyoo ntuj zeeg rov tawm rau lub ntuj nplooj hlav
Ntshe koj twb muaj koj lawm tus mus zoo tav
Koj tsis kam qhia tsam kuv ho noj mov tsis qab
Ces muab koj seev ua hnub ua hmo txhua txoj kab

Ib xyoo lub ntuj zeeg ncig rov los txog rau hnub no
Ntshe koj twb ntshib tau lawm tus los kho koj tsho
Koj tsis kam qhia tsam kuv ho zog tsis nrog tuaj
Ces muab koj seev ua hnub ua hmo nrog lub suab quaj

Subject: Re: Wb Lub Tsev Pheeb Suab Wed May 09, 2012 7:24 am

[quote="NkaujHmoob"]Ywjsuab e!
Koj ma keej sau pajhuam dhau lawm
Kuv tias kuv yuav tsis kam nyoo koj no ntse kawg tau nyoo laub...hahahaha
Vim tsis paub teb lawm ne............

Kheev lam muaj hnub U kam txav ti I
I yuav zoo siab dua ntais
Keev lam muaj hnub U kam muab 10 tus tub 6 I yug
I yuav zoo zoo siab nyob tau kaj siab lug
U lub tsev open 24/7 4 I
I mam los nrog U nyob tu kom du dais
I yuav tsis dag U lub heart dai
I mam tuaj kom txog I mam ua DR kho kom U lub heart zoo dua ntais
Yog U muaj heart attack
I mam ua RPC cawm yus txoj sia
Cawm kom tau U tsis pub yus ciaj ua nraug dab
I thiaj tau nrog U sib thab

U yog Nraug Ywjsuab
Cas I tsis tau hnov dua U lub suab
U yeej tau nrog I sau pajhuam hais lus sib txhuam
Cas I tsis tau paub dua U
Hahaha...U qia qia qub txhim tsis muaj txim zam
I mam tsis tu siab....
Qhov tiag I xav paub U seb yog leej twg
I thiaj paub nrog yus seev pajhuam sib txhuam xwb na...hahahhaa

NkaujHmoob tus me neeg zoo tau muaj suam
I YwjSuab twb tsis txawj hais paj huam
I paub zoo tias U yeej tsis kam nyo hau
Tsuas yog U laj laj nrog I sau

Cas es NkaujHmoob yuav txawj txawj hais
U yuav ua kom I lub heart end die
NkaujHmoob txhob txwm ua kom I miv miv U
Thaum ntawv ces U yuav khiav mus

Yog U kam yug I 10 tus ab tub
I yuav coj U mus nyob as-lav-xim-kam nkaum hnub
Thiaj li tau nrog U nyob nees nkaum plaub xya hmo
I li nrhiav seafood rau U noj kom txaus siab hlo

U yuav ua DR kho I lub heart kom zoo dua ntais
U puas txawj ua CPR li U tau hais
Yog thaum I muaj heart attack ntshe U zoo siab
U tau txais I life insurance mus pib dua lub neej tshiab

I lub suab U yeej tsis tau hnov tiag
Vim U tus phone U twb tsis tau muab rau I kiag
Zoo li U twb tsis xav paub I kiag li ne
I twb nyob nov saib ntsoov U lub npe

I twb qhia U tias I ces yog I daddy mommy tus tub
Tus neeg tsis loj tsis siab plab zais zais tsis ntxim hlub
Zaum no U paub lawm ces U yuav tsis kam nrog I seev
Ntshe zaum no U yuav mus lawm tsis tseg hneev...hahaha

Guest

YwjSuab wrote:: Ib xyoo lub ntuj zeeg tig rov los poob
Ntshe koj twb muaj lawm koj tus zoo hmoob
Koj tsis kam qhia tsam kuv ho pw tsis tsaug zog
Ces muab koj seev ua hnub ua hmo nco txog

Ib xyoo ntuj zeeg rov tawm rau lub ntuj nplooj hlav
Ntshe koj twb muaj koj lawm tus mus zoo tav
Koj tsis kam qhia tsam kuv ho noj mov tsis qab
Ces muab koj seev ua hnub ua hmo txhua txoj kab

Ib xyoo lub ntuj zeeg ncig rov los txog rau hnub no
Ntshe koj twb ntshib tau lawm tus los kho koj tsho
Koj tsis kam qhia tsam kuv ho zog tsis nrog tuaj
Ces muab koj seev ua hnub ua hmo nrog lub suab quaj

Ntuj nis ywjsuab yuas yujsuab, kheev kuv muaj tus zoo hlub
es seb puas yuav daws tau kuv txoj niag kev nco koj txhua hnub
Kheev kuv muaj tus zoo tav los sawv tau koj chaws
ces nyaj kuv yuav tseg taus koj txoj niag kev hlub uas kuv ib txwm ntshaws

Vim qhov vim, kuv thiaj seev ua luaj
Hais zaj twg los twb tsis zoo kuv siab qhov twg tuaj
Vim qhov vim, kuv thiaj hais tas los rov hais dua
Hais zaj twg los twb hais tsis tas kuv txoj niag kev tshua

Subject: Re: Wb Lub Tsev Pheeb Suab Wed May 09, 2012 9:35 am

...wmmm, nej txawj sau paj huam sib raws heev li
kuv twb tsis txawj sau li .... nej kav tsij sau rau kuv nyeem nawb... ua tsaug

Subject: Re: Wb Lub Tsev Pheeb Suab Wed May 09, 2012 9:43 am

Yog hlub ua luaj
Cas ho quaj
Ho tsis sib tuav
Ho tsis sib yuav
Thiaj cia ua mob
Tsis muab chob
Khaws kom tau
Thiaj tsis dias hau
Tim dab tsi
Neb thiaj tsis luag ntxhi
Kev hlub tiag
Yeej tsis tso ib pliag
Kev hlub tob
Yeej tsis cia mob
Muab neb ob lub siab los sib npuab
ma me Sawvlig thiab me Ywjsuab

» Tsovliab Lub Tsev
» Kuv Los Tsev Lawm
» Lub Tsev Saib Movies
» Lub Tsev Mloog Yassuab
» Erhu Yas Suab