Wb Lub Tsev Pheeb Suab

Guest

First topic message reminder :

Koj hais tias yog kuv nco koj ces kom kuv ntim su zias tuaj caum koj rau ntuj ceeb tsheej
Hnub no kuv thiaj ntoj taws li yees tuaj tsuj txog thaj chaws no nrog koj ua neej

Koj hais tias yog kuv tshua txog wb ces kom kuv ntim su zias lawv koj qab
Hnub no kuv thiaj ntoj taws li yees tuaj tsuj tag lawm niam mab yawm suav tej mi nroj hmab

Koj hais tias tsis hlub los tseg yog tseem hlub kom kuv taug lawm koj lw, tsuj lawm koj hneev
Hnub no kuv nco nco koj, kuv thiaj ntim su zias tuaj nrhiav tuaj caum, kom tau koj nrog kuv seev.

Wb Lub Tsev Pheeb Suab - Page 18 Post-610

Subject: Re: Wb Lub Tsev Pheeb Suab Wed May 09, 2012 11:05 am

SawvLig wrote:: Ntuj nis ywjsuab yuas yujsuab, kheev kuv muaj tus zoo hlub
es seb puas yuav daws tau kuv txoj niag kev nco koj txhua hnub
Kheev kuv muaj tus zoo tav los sawv tau koj chaws
ces nyaj kuv yuav tseg taus koj txoj niag kev hlub uas kuv ib txwm ntshaws

Vim qhov vim, kuv thiaj seev ua luaj
Hais zaj twg los twb tsis zoo kuv siab qhov twg tuaj
Vim qhov vim, kuv thiaj hais tas los rov hais dua
Hais zaj twg los twb hais tsis tas kuv txoj niag kev tshua

Ntuj yuas Sawvlig nraug hmoob muaj nyob mus puv hav
Twb muaj coob leej ntau tus zoo tshaj lawm Ywjsuab sav
Nyuj yuas Sawvlig Ywjsuab chaw twb tsis zoo npaum luaj twg
Twb muaj coob leej ntaus tus muaj zoo chaws mus txhos rwg

Koj yuav tau muab Ywjsuab tsheg tuaj rau hauv pem teb
Es koj thiaj li muaj nplooj siab nplooj tsws xaiv lawm lub zoo tseb
Koj yuav tau muaj Ywjsuab tsheg tuaj rau saum dawm
Es koj thiaj li muaj nplooj siab nplooj ntsws mus xaiv txij xaiv nkawm

Subject: Re: Wb Lub Tsev Pheeb Suab Wed May 09, 2012 11:07 am

nkaujhnubqub wrote:: Yog hlub ua luaj
Cas ho quaj
Ho tsis sib tuav
Ho tsis sib yuav
Thiaj cia ua mob
Tsis muab chob
Khaws kom tau
Thiaj tsis dias hau
Tim dab tsi
Neb thiaj tsis luag ntxhi
Kev hlub tiag
Yeej tsis tso ib pliag
Kev hlub tob
Yeej tsis cia mob
Muab neb ob lub siab los sib npuab
ma me Sawvlig thiab me Ywjsuab

Nkauj Hnub Qub
Vim yog kev hlub
Thiaj li quaj
Tau nco nws tshuaj
Yeej xav yuav
Tiam ntawv tsis tuav
Thiaj raug mob
Yam li pos chob
Thiaj mob haus
tau mob siab dhau
Tsis tim dab
Vim yog pa xyab
Hlub muaj tiag
Tsis xav tso kiag
Ua tsis tau
Vim hla tsis dhau
Siab muaj npuab
Ces yog Ywj Suab
Siab yeej ncig
Ces yog Sawv Lig
Thiaj tau nroo
Thaum nyiaj thawm xyoo

Guest

Ntuj nis Ywjsuab kheev lam Sawvlig nploojsiab txhob tsw koj nthxiab
Ces hnub no Sawvlig twb mus pib tau neej tshiab
Ntuj nis Ywjsuab kheev lawm Sawvlig nplooj plawv hloov tau
Zoo yam li txoj kab ces hnub no Sawvlig twb muab hla dhau

Vim yog kuv nploojsiab tauv tau koj tus ntxhiab tsw
Hnub no tagkis los kuv thiaj pheej taug koj lw
Vim yog kuv nploojplawv tauv tau koj hauv tshuaj
Hnub no tagkis los kuv thiaj nco koj ua luaj

Xyov kuv yuav ncaim koj li cas es thiaj tsis nco
Kuv thiaj li qab siab mus tab dua neej, es kom txhob nco koj hlo
Xyov kuv yuav khiav li cas thiaj khiav dhau ntawm koj
Kuv thiaj li qab siab mus tab dua neej kom wb zaj dab neeg no ploj os.

Subject: Re: Wb Lub Tsev Pheeb Suab Wed May 09, 2012 1:33 pm

SawvLig wrote:: Ntuj nis Ywjsuab kheev lam Sawvlig nploojsiab txhob tsw koj nthxiab
Ces hnub no Sawvlig twb mus pib tau neej tshiab
Ntuj nis Ywjsuab kheev lawm Sawvlig nplooj plawv hloov tau
Zoo yam li txoj kab ces hnub no Sawvlig twb muab hla dhau

Vim yog kuv nploojsiab tauv tau koj tus ntxhiab tsw
Hnub no tagkis los kuv thiaj pheej taug koj lw
Vim yog kuv nploojplawv tauv tau koj hauv tshuaj
Hnub no tagkis los kuv thiaj nco koj ua luaj

Xyov kuv yuav ncaim koj li cas es thiaj tsis nco
Kuv thiaj li qab siab mus tab dua neej, es kom txhob nco koj hlo
Xyov kuv yuav khiav li cas thiaj khiav dhau ntawm koj
Kuv thiaj li qab siab mus tab dua neej kom wb zaj dab neeg no ploj os.

Ntuj yuas Sawvlig kheev lam tshem tau ces yuav tshem kuv ntxhiab tawm ntawm koj
Tsuav koj qab siab mus nrhiav noj ces cia Ywjsuab mam li yog tus nco koj mus tsis ploj
Sawvlig thiaj li yuav hloov tau Sawvlig nplooj plawv mus nyob huv
Cia Ywjsuab thiab Sawvlig txoj kev tshua rau Ywjsuab ib leeg thuv

Kom Ywjsuab tus ntxhiab tsw thiaj li tuaj tsis cuag rau Sawvlig hnov
Kuv me niam Nkauj Sawvlig thiaj li kaj siab noj qab mus pw sov
Niam Nkauj Sawvlig thiaj li tsis nco Ywjsuab mus ua hnub ua hmo
Ywjsuab mam li khaws Sawvlig tus ntxhiab cia ua twb zoo nco

Txoj kev tshua ntawm Sawvlig thiab Ywjsuab ces yeej muaj nyob txhua hnub
Ntawm Ywjsuab los tseem nco tau zoo txog ntawm Sawvlig lo me lus hlub
Txoj kev hlub ntawm Sawvlig thiab ywjsuab ces yeej khiav tsis dim
Sawvlig thiab Ywjsuab thiaj li muab zaj dab neeg coj los khaws ua chaw cim

Subject: Re: Wb Lub Tsev Pheeb Suab Wed May 09, 2012 2:03 pm

Ywjsuab aw, zoo siab heev muaj koj tuaj sau paj huam rau peb txoj kev rag txuj thiab os. Koj, Nkaujhnubqub, NkaujHmoob, thiab Sawvlig nej tuaj sau kom tau paj haum ntau zaj rau peb nyeem seb ntev mus kuv puas txawj sau xwb lau......hahahahahaha.

» Tsovliab Lub Tsev
» Kuv Los Tsev Lawm
» Lub Tsev Saib Movies
» Lub Tsev Mloog Yassuab
» Erhu Yas Suab